أنا بقالي كتير ماجتش هنا .... رغم ان في الكام يوم اللي النت كان فاصل فيهم كنت بفكر في كذا موضوع بس لما النت جيه مش عارفه ايه اللي سد نفسي :D
ماعلينا أنا جيت هنا علشان أقول كام حاجه كده
***أول حاجه :: كل سنه وانت طيب ياعماد يا صديقي بمناسبة عيد ميلادك ال22 والغيييييييير عادي ... ومبروووووووك على الاعفاء .......ا
***تاني حاجه برضه مبروووك للناس اللي خدوا اعفاء زي أحمد عيسوي سابقاً وخالد عادل واحمد سعيد وعقبال أحمد مبارك إن شاء الله ياااااااااااارب.... والله فرحتلكوا بجد اخدموا البلد بقى بره الجيش زي أحمد عيسوي كده
***تالت حاجه بقى كنت هكتبها في بوست بس كسلت أقرأ عنها واكتب بوست بصراحه..... كل واحد فينا ليه اسلوب في التعبير ولو اسلوب التعبير واحد زي مثلاً الناس اللي بتعرف تعبر بالكتابه بيفرق أوي اسلوب الكتابه من حد لحد تاني ومافتكرش ان في حد ممكن يقلد اسلوب حد وخصوصاً في الكتابه .... ممكن حد يقلد طريقة حد في الكلام لكن في الكتابه مافتكرش لو حتى حاول هيقع في النص .... على فكره انا فيه حاجه عجيبه أنا اسلوبي في الكتابه لغه عربيه من زمااان أوييي حتى لما كان حد بيقرأ اللي كنت بكتبه ماكنش بيفهم الكلام دلوقتي بعيد عنكم قلة القرأه خلتني أنسى الكلام العربي وبقيت أكتب كده زي مانتوا شايفين :$ا
***رابع حاجه:: كان جايلي دعوه على جروب كده ضد ناس معينه (مش مهم اسمه) على الفيس بوك دخلت اشوف مين الناس اللي عملت الجروب ودخلت على الصور المفروض ان الجروب ده يكون عقلاني جداً وناس متحضره بس اللي لقيته ان الناس كلها بتشتم في بعض واساليب غير حضاريه بالمره (قريت ده على تعليقات الصور بس) ... فيها ايه لو اسلوب الكلام بين الناس بقى متحضر عن كده ... فيها ايه لو نحترم رأي بعض ... فيها ايه لما نختلف بأدب وننقاش باحترام .. مافيهاش حاجه لو افكارنا مختلفه أو حد مقتنع بحاجه وحد مش مقتنع بس نقنع بعض بالذوق مش نهاجم من غير حجه ... فيها ايه لو واحد اعترف انه كان غلطان في فكرته وتراجع عنها مافتكرش فيها حاجه..... زي بالظبط الاهلويه والزمالكويه (أنا أهلويه) بشوف برضه على الفيس بوك ناس تبعتلي الزبلكاويه طيب ليه كده هما زمالكاويه وبيشجعوا فريق زي الاهلويه في حاجه اسمها منافسه شريفه حتى في الحوار ... ياريت نرتقي شويه وبلاش تعصب ونحترم رأي بعض حتى لو مختلفين
***خامس حاجه:: هتكلم عليها لما أخلص حلقات برنامج الحقيقه اللي بيتكلم فيها عن المصرين المقيمين في اسرائيل واللي معاهم جنسيه اسرائيليه واللي شغالين هناك واللي متزوجين من عرب48 والمصرين اللي في مصر وبيروحوا السفاره الاسرائيليه تحللهم مشاكلهم .... لما البرنامج يخلص أنا كتبت بس هنا علشان انا بنسى:D
سادس حاجه:: البوست اللي فات لا يتعارض مع البوست اللي قبل اللي فات حبيت أقول كده علشان فيه ناس كتيير فاهمه اني متناقضه في الموضوع ده بس اللي فاهمني كويس هيعرف معني كل بوست
سابع حاجه بقى:: بجد أنا فخوره أوييييي اني خريجة حاسبات ومعلومات حلوان حاسه أوي الموضوع ده اليومين دول مش عارفه ليه ... خصوصاً بعد ما عمرو غنيم رفع راسنا يارب دايماً كده
***أخر حاجه : كفايه كده بقى علشان مش عارفه أكتب حاجه بصراحه بس الحكايه اني مش بحب أفضل فتره كده ماكتبش حاجه :) بس بصراحه الهدف الاساسي من الكتابه هو أول وتاني ورابع حاجه كتبتها
16 comment(s):
salam 3likom
w7shnee klamk wallahee ya rory (L)
about 3rd point: lma yekon 7d
mot2sr 2wy bktabt author mo3in wbi2raloh mo3zm esdratoh momkn 2wy tla2ee esloboh fel ktaba zioh, el eslob wlis el nas.
I'm totally agree with u in the
4th point, ana mish b7b el nas el mot3sba lfreek 2w ay 7aga mo3ina.
ana ded el 3sbia fe ay she2.
بصي إنت عندك حق
موضع إن الناس مش بتحترم رأي بعض
والتعصب اللي ذايد عن اللازم
موجود في كل مكان
حتى المنتديات
تجدي التعصب لأي شئ
حتى للبلاد مع إننا كلنا عرب
ياريت الناس تتعامل بطريقه أكثر رقي
على الأقل بما يناسب تعاليم الدين
أحييك على البوست
وفقك الله
خالص تحياتي
ana ha comment 3ala 7agteen ...first thanks enek fakrty feya we ya rab begad a7`od e3faaa tany 7aga akeed el group beta3 el facebook da 3n tamer 3ashan fi nas keteer awy ba2o anti tamer hosny
we da ra2yhom we ber7thom bs mish bl sowar we el 7agat elly 3amlnha di
bs kedaa
mohamed magdy
Moh.34@hotmail.com :P
متشكرين علي التهنئه دي ...
للاسف مينفعش اقول عقبالكم
:D
زي ما بقول لاصحابي ...
عموما الله يبارك فيكي ...
و يا رب يوفقك في مستقبلكو يكرمك ان شاء الله ..
===
انا مش عارف ليه ...بخمن اسم الجروب بتاع الفيس بوك لاني برضو شوفت جروب معجبنيش الحوار بتاعهم ...رغم ان انا مش من الناس الي بيعيبو فيهم ...و لكن احترام مفروض يكون موجود ...
===
->Wafaa
وعليكم السلام ورحمة الله وبركاته
ربنا يخليكي أنا اللي وحشتني تعليقاتك بجد
طبعاً ممكن أي حد يقرأ لحد معين كتيير يتآثر باسلوبه بس مستحيل الاسلوب ينطبق 100%ا
شكراً على التعليق وخليكي متابعه بقى ;)
->@ Salwa
أهلاً بيكي في أول زياره وأول تعليق
نفسي والله الناس تحترم رأى بعض وتعارض باحترام وذوق وأدب
لكن للأسف كله بيشوط في بعضه مش مهم مين بيقول ايه
أنا اللي خالص تحياتي بجد :)
-> Mohammed Magdy
ان شاء الله تاخد اعفاء ياااااااااااااارب
ثانياً: الجروب اللي قصدي عليه مش تامر حسني :D:D
بس أهو كل واحد مش عاجبه حد يعمل جروب ويفضل يشتم في الحد ده وعلى فكره فعلاً أنا لاحظت ان أكتر واحد اتشتم غلى الفيس بوك هو تامر حسني
بس اللي أقصده مش بتاع تامر برضه
bs kda :D
Rehab.mk :P :D w matktbsh ur mail tany :@
->@ Ahmed Essawy
فينك من زمان مفتقده تعليقاتك بجد
العفو يا باشمهندس على ايه ... أنا خدت اعفاء من زمان :D
ربنا يكرمك ان شاء الله :)
منعاً للتوهان والتخمين هبقى أقولك اسم الجروب بس بلاش اكتبه هنا أحسن
مهما كان الواحد معارض يعارض بأدب برضه
شكراً كتير على تعليقك
ده انتي عامله كولكشن مواضيع لو هتتكلمي في كل موضوع منهم بجد يبقى عايزالك مدونات مش مدونه واحده
عموما انا عارف ومتأكد انك قدها وقدود
وعلى فكره .. جامعة حلوان طول عمرها راسها مرفوعه
هم زرعو الجامعه ذات نفسها ولا لسه برضه صحراء جرداء .. لا توك توك فيها ولا ماء؟؟؟
سلامووووووووز
اولا انا حتكلم على موضوع الاختلاف وعلى موضوع الحقيقه
اولا بالنسبه للاختلاف سياسه الحوار عند المصرين بقيت الصوت العالى الى بيعلى صوته اكتر بيكسب وبننى حاجه مهمه انى الخلاف فى الراى لا يفسد للود قضيه والحوار بتعنا بقى شتائيم وقذف فى حق الاخر
بالنسبه لموضوع المصريين فى اسرائيل للاسف هما ما يقرب من 20000 الف مصرى وللاسف الشديد انى بحكم القانون دول لما بيخلفوا من اسرائيليات اولادهم حياخدو الجنسيه المصريه وحياخدو الجنسيه الاسرائيله لانى معيارها الميلاد وطبعا الاولاد دول حياخدو الجنسيه الاسرائيليه تخيلى معايه كام الف مصرى حيكون معاه جنسيه اسرائيل
وتخيلى موقفهم لو حاربنا اسرائيل تانى
-----------------------------
الغريب انى الكومنتات قبلك فى كل بوست بتعلق وتمشى وبفرح بتعليقك بشكل كبير لانه بيلفت نظرى لحاجات كانت بتتوه منى وده ان دل حيدل على انك بتقرى البوست بتركيز
الله يبارك فيكي
ما شاء الله متابعه اخبار الدفعة كلها :)
اخدم البلد بره الجيش ازاي ؟؟
->@ Soooo
خصوصاً رابعاً دي كان عايزلها بوست :) في مره كده هفكر اعملها بوست
الجامعه تمام بس فيها طفطف وماء وكل حاجه :D:D
وبعدين ده أكتر حاجه في حلوان زرعها ده بيميزها عن أي جامعه تانيه
بس أنا فخوره اني تحديداً خريجة حاسبات ومعلومات حلوان
شكراً على تعليقك منور البلوج .... سلام
->@ رئيس جمهوريه نفسى
تصوراً ان الصوت العالي هو اللي بياخد حقه مع انه اوقات كتير بيضيع الحق مافيش احسن من اننا نلتزم بآداب الحوار ونوطي صوتنا ونتناقش بالمنطق ... بس تقول لمييييييييين لا حياة لمن تنادي
بالنسبه لموضوع المصريين في اسرائيل: فعلاً حوالي 23000 مصري ..منهم من حصل على الجنسيه ومنهم من تزوج اسرائيليات ومنهم من طلب حق اللجوء السياسي لاسرائيل وكمان غير المصريين اللي في مصر أصلاً وبيلجأ للسفاره الاسرائيليه تحل مشاكله
موضوع ان أولادهم ياخدو الجنسيه وكده :: في فتوى طلعت بتمنع الزواج من الاسرائيليات للسبب ده ... ودي فتوى ممكن اللي ماينفذهاش ...في ناس مش بيهمها حاجه للأسف لكن الجديد انهم بيناقشوا قانون يمنع الموضوع ده مش عارفه القانون نزل ولا لسه مناقشه بس هو بيقول ان الجنسيه المصريه تسقط عن حامل الجنسيه الاسرائيليه ...وفي مهله 6 شهور للتنازل عن الجنسيه الاسرائيليه لو زاد عن 6 شهور تسقط عنه الجنسيه المصريه
أنا رغيت كتير أوي كده ليه :$:$ عموماً ان شاء الله اتابع التفاصيل كويس واجمع الموضوع واكتب البوست بس البرنامج مش راضي يخلص :)
------------
ثالثاً : المهم بس مابقاش رخمه في تعليقي :) وبجد نورت المدونه يا ريس وشكراً على تعليقك
->@ Ahmed Said
ياااه الفنان بنفسه منور البلوج عندي أهلاً بيك بجد منور
أه ليه مصادري الخاصه بقى :D
بصراحه تخدم البلد ازاي دي بقى مش عارفه بس اسأل أحمد عيسوي هو اللي قال كده :D
بس أنا عرفت انك بدأت في خدمة البلد فعلاً بس والله بالصدفه عرفت علشان أنا في نفس الموضوع برضه بس قسم تاني
على فكره كل مصادري الخاصه بتيجي في وسط الكلام وصدفه بس والله :D
الاخت رحاب مصطفى
اولا عمرك ما حتكونى رخمه فى تعليقك سواء انتى او اى حد تانى لسبب انى البلوج بتاعى بيكم انت وكل الى بيعلق
على عكس كل التعليقات تعليقك انتى بيكون مميز لسبب بسيط انه بيعرفنى غلطات انا مش بكون واخد بالى منها وعلى راى من قال
(يابخت من بكانى وبكاء الناس عليه ولا من ضحكنى وضحك الناس عليه )
->@ رئيس جمهوريه نفسى
طيب الحمد لله :)
شكراً كتيير وفعلاً المثل ده صح أوي
Post a Comment
قول رأيك