لأ لأ اعمل Refresh وهي هتيجي ... هو ده اللي انت عايزه؟؟
والله لو عملت كام Refresh على Reload هي نفس الصفحه اللي هتطلعلك
أصل ايه بقى .....
النهادره عيد ميلاد My Voice واللي مايعرفش My Voice يبقى مش عايش في الدنيا :$:$ مش أوي يعني... معلش كل ما أجي أبطل تناكه الاقيني لسه تنكه:$
المدونه دي عاشت معايا سنه... شافت معايا أياااااااااااام !!! على الحلوه والمره ... شافت معايا أصدقاء وزمايل ومناقشات وأراء واختلافات .. ومنعت عنها الخناقات والكلام في السياسه --علشان مش بحبه وهي كمان مش بتحبه-- واتكلمت معاها بصراحه شديده وبلغه ماحدش فاهمها الا أنا وهي بس ... كتيييير كنت بكتب كلام ليه معني غير اللي الناس شايفاه.. مش معني بعيد لكن معني مختلف بعض الشيء .. كل كلامي كان من قلبي ... اتكلمت عن اصحابي وقلت رأيي فيهم كلهم على أد ماقدرت ... قلت رأيي بصراحه في اللي أنا شايفاه ... ناس اتأثرت وناس اتعلمت وناس فهمت حاجه ماكنش فيه فرصه أقولها ليهم وجهاً لوجه... المدونه عاشت معايا مأساة مشروع التخرج والمشرف على المشروع ...عاشت معايا يوم التخرج واحساسي وانا خارجه من الكليه وكأني بنسلخ من جلدي -- بلا مبالغه--عانت معايا كتيير ... كانت أكتر حد بيسمعني وأنا تعبانه ... حتى لو ماكنتش بنشر اللي بكتبه أو أنشره وأحد أصدقائي يقولي: شيلي اللي انتي كاتباه ده أومال أنا روحت فين؟! وبالفعل أشيل البوست وأحتفظ بيه لنفسي... ومره اتُهمت اني دبلوماسيه –اذا كان ده اتهام—واحتمال أكون دبلوماسيه بس برضه صريحه يمكن بقول كل اللي عايزه أقوله بدبلوماسيه ...ومره اتقاللي يارايقه ويافاضيه... وناس تقولي الله حلو أوي اللي انتي كاتباه ده.... شافت معايا فرحتي وزعلي واختلافي واتفاقي مع ناس معينه وتعليقات معينه... شافت معايا كتير كتير يعني ...
علشان كده قررت في عيد ميلادها أعملها حاجه جديده ... ألبسها هدوم جديده وكده أظبطها يعني ;) ... بس يارب ال Design الجديد ده يعجبها .... أنا تعبت أوي علشان أجيبه وعذبتني معايا... واكتشفت اني عشريه أوي وصعب أغير حاجه كنت بتعامل معاها دايماً.... والحقيقه أكتر حد تعب لحد ماوصل لل Design ده هو الأخ العزيز أحمد مبارك قام معاها بأحلى واجب بجد... ده أنا لو منه كنت كرهتني من التعديلات اللي عدلها دي كلها... علشان كده أول واحد هياكل من التورته ... اللي هو برضه هيجيبها :P
اللي مش كتير يعرفوه عني: اني كنت بكتب --وحطوا خـــط تحت كلمة كنت-- لما عملت المدونه كنت فاكراني هكتب هنا اللي كنت بكتبه زمان.... لكن ماحصلش وبصراحه أحسن اني معملتش كده وكتبت حاجات تانيه خالص... الغريب بقى ان اسلوبي ده غير اسلوب كتاباتي تمــــامــــاً.
شكر واجب بقى وحاجات كده
في ناس كان ليهم فضل في المدونه دي وليهم يد في نجاحها – وان كانت مش ناجحه من وجهة نظركم لكن ناجحه عندي أنا— وليهم يد في اني اكمل فيها
1- أحمد مبارك طبعاً كفايه الشكل الجديد اللي انتوا شايفينه ده واللي من غيره كنت هتعب أوي لحد ماعمل حاجه
2- أحمد عيسوي و رامي محروس: الفكره كنت واخداها منهم ...أول ماعرفتها عرفتها من رامي وأول حد دخلت عنده .... ولما لقيت أحمد بيكتب حاجات شخصيه مش Programming بس، الفكره عجبتني جداً وقررت اني اعمل المدونه دي وأكتب اللي في نفسي.
3- أحمد مبارك تاني وخالد عادل: أثروا كتيير على طريقة كتابتي بصراحه واسلوبي في الكتابه.
4-وفاء اللي بجد أكتر واحده خلتني أصلاً اكمل البلوج ده بأول تعليق ليها
حاجه مهمه عندي بقى... أنا في موضوعات حباها أوي وفي موضوعات الناس مش حباها وفي ناس ليها اعتراضات على أي حاجه وفي ناس عجباها حاجه
المهم في الحاجات دي كلها أنا عايزاكم تقولوا لي رأيكم .... ردوا على الاسئله اللي جايه دي لو حابين:
1- ايه أكتر موضوع عجبكم ؟
2- ايه أكتر موضوع اضايقتم منه أو مش عاجبكم؟
3- ايه اللي مش عاجبكم في اسلوبي؟
4- أكيد هيكون السؤال ده ايه اللي عاجبكم في اسلوبي ؟
5- ايه رأيكم في الشكل الجديد؟؟؟؟؟؟؟
بس كده خلاص .... شكراً انكم وصلتوا لحد هنا
27 comment(s):
كل سنه ومدونتك بخير .. وعقبال ما يكونوا 100
أولا .. بطلي دراما
ثانيا الاسئله
ثقه أم غرور !!!!ا
-----------------
تاج الادمان
مش وحش ولكن في نظري اقل واحد
-*--------------
لو السالوب مش عاجبني مش هخش اصلا كل واحد واسلوبه
----------------
تلقائي وجميل .. مفيهوش تكلف نهائي
----------------
مش هجاوب على اخر سؤال
:P
تحياتي
احمد مبارك
kol sana wel blog bta3k b7'er :D
mn ela7'er kda ana msh hagawb 3la ay so2al, l2ny bsra7a 3agbny el blog awyyyyyy wenty 3arfa which topic 3agbny ;) w3momn t2ribn kol eltopics bt3tk btna2sh 7agat mohma
wbmonasbt deplomacya w fadya welkalam elhayf dh fokk mno 7'als l2n elly by2ol kda malosh fih wli mday2 yb2 may2rash a7san :D
wkeep on w3o2bal kda sneen kter:D
nset a2olk merci 3shan el shokr :P
كل سنه وانتى والمدونه بخير يارب وعقبال 100 سنه تدوين
1-افضل موضوع شويه كلام مع الشكر والاعتذار
2-الى محبتهوش بتاع التدخين لانى مدخن
3 اسلوبك وانتى حره فيه لانك بتعبرك عن نفسك باسلوبك
4- انه سلسل ولغته بسيطه
5- القديم احلى مع الاحتفاظ بالصوره الرمزيه بتعتك
mabrooooooooook we kol sana we my voice tayeb
bl nesba lel as2la enty 3arfa en ana zahymar fa hagaweb 3ally haftkro:$
ايه أكتر موضوع عجبكم ؟
beta3 el sagyer
ايه أكتر موضوع اضايقتم منه أو مش عاجبكم؟
mafish wallahi
ايه اللي مش عاجبكم في اسلوبي؟
law makonsh koweys makontsh 2areet 3ashan el eslob elly mish bey3gbny baksel 2a2rah
4-أكيد هيكون السؤال ده ايه اللي عاجبكم في اسلوبي ؟
bet3rfy tewsly elly enty 3ayzah we sahl we basset
ايه رأيكم في الشكل الجديد؟؟؟؟؟؟؟
3ayz a3raf sar2ah menen :P bas begad 7elw :D
أصل ايه بقى .....
النهادره عيد ميلاد My Voice واللي مايعرفش My Voice يبقى مش عايش في الدنيا :$:$ مش أوي يعني... معلش كل ما أجي أبطل تناكه الاقيني لسه تنك
hwa ana kont nawy arod bgd 3ala 7adrtk bs b3d elly shofto fi el 2 lines dol msh ha2olk 3'er klma wa7da
ya re3o !!!
A.S.K
كل سنة وانتى ومدونتك طيبيبن يارب
والله من اجمل المدونات اللى بدخلها
وفيها روح جميلة كدة
بس انتى ليه ما جاوبتيش التاج
هل معتمدة ولا عشان مشغولة ولا ما عجبكيش
قولى بدل ما اجيب المخاليل ونيجى نكسر لك ازاز المدونة
هههههههههه
تحياتى
أحمد الصباغ
كل سنة وانت طيبة
وكل سنة ومدونتك مشرقة
يارب العام الجديد عيش معاكى مدونتك اسعد احداث حياتك وتملئى صفحاتها افراح وبهجة وشقاوة
معلش
مش قادرة اجاوب على اسئلتك
اصل كان عندى امتحان امبارح مكون من 36 سؤال يتم الاجابة عنهم فى 45 دقيقة اون لاين شوفتى القسوة؟
فخلاص مش قادرة اشوف اسئلة
ههههههههه
كل عام وانت أسعد ياجميلة
تحياتى
دى اول مرة ازور مدونتك الجميلة والحيوية اوى عارفة بجد كلماتك بتعبر عن احساس الفرد منا كلنا بنمر بالاحداث دى وان مكنش كلنا فمعظمنا بس الفرق ان ساعات كتير مبنعرفش نختار الكلمات والحروف اللى تناسب مشاعرنا كل سنة ومدونتك بخير تحياتى وفى انتظار جديدك
اولا كل سنه وانتى ومدنتك بخير
انا بحس ان مدونة كل واحد مرايته بجد
ربنا يخليكوا لبعض
شوفى هو انا مش متبعاكى بقالى كتير
بس انا اول مادخلت عندك عجبنى موضوع رسايل الاوف لاين
انا بيعجبنى ان بحس انك على طبيعتك جدا فى اسلوبك بجد
وكمان التصميم الجديد جميل ولونه حلو قوى
وهابى بيرث زاى تو يوووووووووو
انا عايزه التورته بقى
كل سنة ومدونتك بالف خير
تحياتى
->@ Ahmed Mubarak
وانت طيب يا باشمهندس
حاضر :)
وشكراً كتيييير على رأيك دي :)
بس ايه رأيك في الشكل الجديد :P
شكراً كتيييييييير بجد عليه :)
->@ M Hany
ya WELCOME ya WELCOME ya 1000 nhar WELCOME beek ya Hany
وانت طيب ....ربنا يخليك ماهو منها كتيير من أفكارك برضه يا باشمهندس
ان شاء الله :)
شكراً يا محمد بجد
->@ M Hany
ماشي حاضر :P
->@ رئيس جمهورية نفسي
وانت طيب يا سيادة الرئيس :)
وكويس أوييييييييي ان موضوع التدخين مش عاجبك ده دليل على انه استفذ واحد من المدخنيين وده الهدف بصراحه :)
شكراً كتيير على رأيك بجد حتى لو اختلفنا
->@ Mohammed Magdy
Mogaaaa :D ya welcome ... mabrouk 3la eh :-? :D wenta tyeb ya moga
يعني معقول مافيش موضوع ماعجبكش ؟؟؟؟ ماعلينا هعديهالك دي :)
شكراً يا موجه على رأيك بجد أوييييي
->@ Ahmed Samir
والله يا سوسي بفرح لما بشوفك هنا :)) بس ليه كده بس زعلتني :( مانت عارف اني مريضه بالتناكه والمفروض تاخدني على أد عقلي :((
ماشي يا سوسي :( يالا المهم اني شوفتك هنا بقى وخلاص
شكراً برضه :@
->@ Ahmed Al-Sabbagh
وانت طيب يا خالو :)
ربنا يكرمك يارب ده بس من ذوقك :)
لأ لأ مافيش داعي لتكسير الازاز ولا حاجه بس حقيقي مش هعرف أجاوبه لاني مش هعرف أدي رأيي في فئات أنا مش عارفه عنهم أي حاجه... في كام سؤال كده مش هاجاوبهم .... وأنا عندي مبدأ ياما اجاوب كله أو اسيبه كله .... سماح يا خالو :$:$:$ بس فعلاً التاج ده صعب أجاوب عليه
وانت رديتهالي أهو وماجاوبتش على الاسئله :) يبقى خالصين
شكراً ياخالو على زيارتك للمدونه في عيد ميلادها :)
->@ كاميليا
وانتي طيبه :)
ربنا يكرمك يارب
ولا يهمك المهم انك جيتي بس هنا
بس على فكره مافيش أي قسوه بجد خالص والله ده المعدل الطبيعي للامتحانت دي 45 سؤال في 45 دقيقه :)) فين القسوه دي احمدي ربنا :))
عموماً ربنا يكرمك ويوفقك ان شاء الله
->@ ساره علي
ياأهلاً بيكي منوره :)
بس يارب ماتكونش أخر مره ان شاء الله
ربنا يكرمك على الكلام الجميل ده
وانتي طيبه :)
شكراً على أول زياره وأول تعليق
->@ Ra7eel
وانتي طيبه يا جميله :)
أه بجد فعلاً
شكراً على رأيك بجد :)
ايه دي انتي لسه ماكلتيش التورته ولا ايه ؟؟؟؟ لأ خلاص بقى كل سنه وانتي طيبه يبقى راحت عليكي :P:P :D:D
شكراً بجد بجد :)
->@ مدحت محمد
وانت طيب
شكراً على الزياره والتعليق :)
كل سنة وانتى ومدونتك بالف خير
وعقبال ما تحتفلي بالمئوية هنا
معلشي دى اول زيارة ليا عندك
وعشان كده مش هعرف ارد على الاسئلة
بس عايزة اقولك ان اسلوبك جميل جدا
وشكل المدونة كمان جميل
مبروك عليك النيو لوك
وتتهنى بيه
وربنا يجعله سعيد عليك يارب
تحياااتى
->@ فضفضه
أهلاً بأول زياره وأول تعليق
وانتي طيبه :)
لأ المئويه دي تبقى هي تحتفل بيها مع نفسها أنا هكون في عالم تاني بقى :):):)
وربنا يكرمك شكراً على الكلام الجميل ده
:) ان شاء الله
شكراً كتييير
السلام عليكم
كل عام و انتم و المدونه بألف خير
تحياتى ابو مفراح
->@ أبو مفراح
وعليكم السلام ورحمة الله وبركاته
وانت طيب :)
شكراً أوي على أول تعليق وأول زياره :)
->@ Liana
Thank U :)
Post a Comment
قول رأيك