جيت منين ماحدش يسألني
أنا لسه ماجتش لنفسي بس قلت أزور نفسي كده يمكن تكون محتاجه حاجه
عارفه اني تقلت ورخمت وغبت عليكم بس معلش :$ سامحوني ... لحد دلوقتي نفسي مسدوده بطريقه مش ممكنه عن الكتابه هنا زي ماهي مسدوده عن الشغل والتفكير
مابين سدة النفس والسفر والانشغال --على اساس اني مهمه بقى:$-- ماكتبتش حاجه
بس كتبت لسبب يكاد يكون مش منطقي وهو ان ده شهر 8 اللي السنه اللي فاتت برضه ماكتبتش فيه ولا كلمه هنا وعيب أوي لما البلوج مايبقاش فيه كلمة
أو أغسطس August
خفت لا الشهر ده ياخد مني موقف ولا حاجه مش عارفه ماله الشهر ده معايا ... بس اكيد مالوش علاقه بانه عيد ميلاد سوووو ولا بانه شهر أغطسطس
أنا مانكرش ان عندي شوية كلام كتير عايزه أقوله بس كل الكلام بيتبخر لما بفكر اني أفتح البلوج وأكتب فيه
من كتر مانا مابقتش عارفه فيا ايه ... قربت أغني الأغنيه الشهيره للمطرب المشهور السوبر ستار :(:( أغنية أنا مش عارفني
أقولكم على حاجه ... علشان أصالح بيها شهر 8 وأصالحكم طبعاً :$... ان شاء الله هنزل بوست قريب جداً تاني وبكده يبقى نزلت 2 بوست ف شهر 8 وما أدراك رقم 2 بالنسبه لي يا شهر 8 ... واحتمال كمان يبقى فيه التاج بتاع هوندا أحسن أتضرب ولا حاجه وكده يبقوا 3 بساتيت أو بوستات 3 مواضيع يعني أو موضوعات وساعتها مش هرضي أزعل شهر 8 وأكتب فيه رقم فردي يووووووه يبقى الحكايه فيها بوست رابع بقى وتبقى حكايه ... يظهر الشهر ده جاي عليا بخساره
صدقوني بجد بجد أنا كنت ناويه أكتب البوست النهارده ... بس لاقيتني ماكتبتوش ورغيت كتير ....قولت اأجله علشان كده أنا رغيت كتيير وماينفعش أول لما أرجع كده أزهأكم برغيي ... نخلي البوست ده بس علشان تسامحوني بيه
سماح مش كده :) ... وماحدش يقولي سماح مين
وبجد بجد بجد شكراً أوي جداً خالص كتييييييير لكل اللي سألوا عليا وقلقوا عليا ... وشكر خاص جداً جداً للجميله جداً خالص فاتيما أم يوسف اللي بجد بحس انها أختي الكبيره رغم اني ماعرفهاش الا من قريب خالص
ولكل كل كل الناس اللي حسوا بغيابي وسألوا عليا
مش عارفه الصوره دي حاطاها ليه بس اقبلوها مني :)
أشوفكم بعد فتره قصيره ان شاء الله ان شاء الله ان شاء الله
استنوا هنا .....طيب لما انتوا بقى مستنين البوست كده ومسامحني على غيابي --أكيد يعني :$:$ ماأنا أختكم القصيره .. قصدي الصغيره ومايرضكمش تزعلوا مني -- فين بقى منك ليه ليها له اللاب توب ؟؟؟؟
أنا لسه ماجتش لنفسي بس قلت أزور نفسي كده يمكن تكون محتاجه حاجه
عارفه اني تقلت ورخمت وغبت عليكم بس معلش :$ سامحوني ... لحد دلوقتي نفسي مسدوده بطريقه مش ممكنه عن الكتابه هنا زي ماهي مسدوده عن الشغل والتفكير
مابين سدة النفس والسفر والانشغال --على اساس اني مهمه بقى:$-- ماكتبتش حاجه
بس كتبت لسبب يكاد يكون مش منطقي وهو ان ده شهر 8 اللي السنه اللي فاتت برضه ماكتبتش فيه ولا كلمه هنا وعيب أوي لما البلوج مايبقاش فيه كلمة
أو أغسطس August
خفت لا الشهر ده ياخد مني موقف ولا حاجه مش عارفه ماله الشهر ده معايا ... بس اكيد مالوش علاقه بانه عيد ميلاد سوووو ولا بانه شهر أغطسطس
أنا مانكرش ان عندي شوية كلام كتير عايزه أقوله بس كل الكلام بيتبخر لما بفكر اني أفتح البلوج وأكتب فيه
من كتر مانا مابقتش عارفه فيا ايه ... قربت أغني الأغنيه الشهيره للمطرب المشهور السوبر ستار :(:( أغنية أنا مش عارفني
أقولكم على حاجه ... علشان أصالح بيها شهر 8 وأصالحكم طبعاً :$... ان شاء الله هنزل بوست قريب جداً تاني وبكده يبقى نزلت 2 بوست ف شهر 8 وما أدراك رقم 2 بالنسبه لي يا شهر 8 ... واحتمال كمان يبقى فيه التاج بتاع هوندا أحسن أتضرب ولا حاجه وكده يبقوا 3 بساتيت أو بوستات 3 مواضيع يعني أو موضوعات وساعتها مش هرضي أزعل شهر 8 وأكتب فيه رقم فردي يووووووه يبقى الحكايه فيها بوست رابع بقى وتبقى حكايه ... يظهر الشهر ده جاي عليا بخساره
صدقوني بجد بجد أنا كنت ناويه أكتب البوست النهارده ... بس لاقيتني ماكتبتوش ورغيت كتير ....قولت اأجله علشان كده أنا رغيت كتيير وماينفعش أول لما أرجع كده أزهأكم برغيي ... نخلي البوست ده بس علشان تسامحوني بيه
سماح مش كده :) ... وماحدش يقولي سماح مين
وبجد بجد بجد شكراً أوي جداً خالص كتييييييير لكل اللي سألوا عليا وقلقوا عليا ... وشكر خاص جداً جداً للجميله جداً خالص فاتيما أم يوسف اللي بجد بحس انها أختي الكبيره رغم اني ماعرفهاش الا من قريب خالص
ولكل كل كل الناس اللي حسوا بغيابي وسألوا عليا
مش عارفه الصوره دي حاطاها ليه بس اقبلوها مني :)
أشوفكم بعد فتره قصيره ان شاء الله ان شاء الله ان شاء الله
استنوا هنا .....طيب لما انتوا بقى مستنين البوست كده ومسامحني على غيابي --أكيد يعني :$:$ ماأنا أختكم القصيره .. قصدي الصغيره ومايرضكمش تزعلوا مني -- فين بقى منك ليه ليها له اللاب توب ؟؟؟؟
12 comment(s):
حمدلله على السلامة وان شاء الله يكون عودا حميدا
يادى اللاب توب اللى لحس دماغك دا يا رحوبة
يا بنتى جاى جاى مستعجلة على إيه ؟؟
و بتشكرينى على إيه يا قطة دا واجب نسأل عليكى
و بعدين نعتبر البوست دا إحماء و تسخين للجاى
طيييييب
شدى حيلك بقى و متشمتيش فينا شهر أغسطس
و كل سنة و إنتى طيبة يا حبيبتى بمناسبة رمضان
و ربنا يسهل بقى و تيجى معانا الفطار الجماعى بتاع المدونين
و كمان عندنا عمل خيرى إسمه بؤجة الخير فى مدونة آبى بتاعة بيكيا للبيع
يا ريت تحاولى معانا برضو
و تيجى نشوفك
ربنا يسعد أيامك كلها
و حمدلله ع السلامة يا رحوبة
رحاااااااااب ع قيد الحياة احمدك يارب ههههههههههه
بصى يابنتى الى بيدخل المنحة اىل انتى فيها دى بيكون كده كل اصحابى بقو كده زيك كده هههههههههههههه
ربنا يوفقك كده يارب
وكويس انك خايفه ع نفسك م الضرب لانى بقيت اليفه جدا اليومين دول
كمان احب اهنئك انا بقيت مهووسة باللاب توب اشترطى ع الى هتتجوزيه يجيبلك شبكتك لاب توب انا بفكر اعمل كده هههههههههه
@Re7ab & هووونداااااااا
ايه حكايه ال لاب توب معاكم انتوا الاتنين
وحده بتتنك عايز في يوم ميلادها لاب والتانيه عايزه الشبكه لاب
وانا من موقعي هذا من فوق المخده
(ويكتب الكومينت ده من ال لاب توب بتاعي بالمناسبه
:P
قولوا ماشاء الله انتوا الاتنين
(
بقول محدش بيدي حد لاب هديه في يوم ميلاده إلا اذا كان ابوه احمد عز او ممدوح اسماعيل
ولا حد بيجيب شبكه لاب .. لانه لما يفلش هيجي يبيع ال لاب مش هيجيب حاجة مهو الدهب قيمته بتزيد لكن ده لا .. وفي حاله إذا مجبش تمنه هيكون ليه تصرف واحد .. يلا عند مامي يا حبيتي شطبنا
قال لاب قال
-> Geo Amr
الله يسلمك:)
ان شاء الله ... أشكرك كتيير
رحااااااااااااااااب
نورتى
انا شايفه ان كده شهر اغسطس هياخد موقف
حاولى تحسنى العلاقات ضرورى لانه ممكن ينقل العدوى لبقاى الشهور
واذ فجاه تلاقى السنه كلها غضبانه عليكى
وتفضل بقى تبرق وترعد
تبرق وترعد
ايه تبرق وترعد دى
هبل هبل متخديش فى بالك
المهم انك جيتى تانى مستنين جديدك
انا كمان بضم صوتى ليكى انتى وهوندا
عايزه لاب توب
ههههههههههههههه
يالا نعمل جمعيه وانا اقبضها كل شهر
هههههههههههههههههه
-> فاتيما
:$ هو فعلاً قرب يجنني
هو فين ده اللي جاي بس :)
ان شاء الله أكتب حاجه قريباً
وانتي طيبه ... ان شاء الله هحااااااول
الله يسلمك يا سكر
ربنا يكرمك يارب
-> هوندا
أه لسه على وجهه الأرض أهو
أه يابنتي ادعيلي
يابنتي أصلاً أنا والله بفكر ف الموضوع ده من زمان بجد وقلت الشبكه ان شاء الله لاب توب .. بس تفتكري هيوافق :-?
-> أحمد مبارك
لا لا لا ... توء توء توء ... انت عارف ان عمري ما كنت تنكه ولا عمري هكون ... ولا إيـــــــه :$:$
يعني أنا مش بتنك ولا حاجه أنا بس من عشمي في الناس
وبعدين على فكره بقى أنا فكرت ف موضوع الشبكه لاب توب دي بس طبعاً لو العريس عرف هيطفش من أولها
بس انت قلت رأيك بما انك رجل عرفت أنا بقى نظرية الرجاله في موضوع الشبكه لاب توب ده وعرفت انهم هيرفضوا :( :(
وأنا من أمام شاشة الصفيحه بتاعتي -- قصدي الكمبيوتر بتاعي-- أحب أقولك خليك في موقعك هذا وأنا مش بحقد عليك ولا حاجه :$
وبعدين بقى هو انتو بتجيبوا الشبكه علشان تحوشوا فلوسها معانا ولا ايه ؟؟؟؟؟ده انتوا مش بتضيعوا وقت أبداً :@
-> رحــــيـل
تبرق وترعد :)) لأ ان شاء الله مش هتبرق وترعد
طيب مانا عندي اقتراح تاني هيعجبك
احنا نعمل جمعيه وأنا أقبضها الأول وبعدين أقبضها التاني بعد كده بقى أقبضها التالت ماتخافيش ماهو أنا هقبضها الرابع برضه وعلشان ماتزعليش هقبضها الخامس خلاص خلاص هقبضها السادس والسابع كمان وبس
كده 7 الأف جنيه كويسييييييين أجيب بيهم لاب ابن حلال كده واروش نفسي بالباقي اللي مش هيكون كتير ياللا بقى
لأ لأ ندالة ايه مانتي هتقبضي بقى من التامن لحد العاشر :$
أي خدمه مظبطاكي أهو :))
شكراً كتييير يا ساره بجد .. على الفكره دي :))
على فكرة انا لفت انتباهى اسم البلوج بتاعك .. لان اسمك على اسم بنت خالتى بالظبط
ولولا انى عارفة ومتاكده انها ملهاش فى النت ولا بتحب الكتابة اصلا كنت شكيت ان البت دى بتدخل نت من ورايا
انا خدت بالى ان شهر 8 مضايقك ومعاند معاكى .. انا لو مكانك بئا اعند معاه وتنزلى فيه عشرة خمستاشر موضوع كده وهو هيحرم يرخم عليكي تانى
اسمحى لى ابئااكرر الزيارة دى تانى
وهستنى موضوعك اللى قولتى عليه.
->@ أسيرة الأقدار
ربنا يخليهالك :)
ماهو شهر 8 سد نفسي بصراحه
بس ربنا يسهل واكتب قريب ان شاء الله
طبعاً زيارتك وتعليقك منورين البلوج ... تشرفي في أي وقت واجبلك حاجه ساقعه كمان :)
أشكرك للزياره والتعليق
Post a Comment
قول رأيك