untitled

مرغم عليك ياصبح مغصوب يا ليل
لادخلتها برجليا ولا كان لي ميل
شايلني شيل دخلت انا في دي الحياة
وبكرة هاخرج منها شايلني شيل
عجبي!!
_______------------_______

قالوا الشقيق بيمص دم الشقيق
والناس ما هيَّاش ناس بحق وحقيق
قلبى رميته وجبت غيره حجر
داب الحجر .. ورجعت قلبى رقيق
عجبى !!

بجد في كلام كتيييير أوي في دماغي مش عارفه أقوله ازاي المشكله ان ممكن الواحد يكون مخنوق من حاجات كتير ومش عارف يقولها بس حاسه اني لو كتبت هرتاح أوي أنا هحاول اقولها نقط يمكن أفهم حاجه

بس قبل أي حاجه أنا أكتر حاجه بكرهها في حياتي وأكتر حاجه بتأذيني النداله والكدب وخصوصاً لما يكونوا من أقرب الناس ليه اللي هما عادةً بيقولوا انهم أصدقائي يا جماعه الصديق دي كلمه من الصدق ازاي يبقى ندل ولا كداب هو أنا اللي فاهمه الصداقه غلط ولا ايه؟؟؟ هو أنا مش عارفه يعني ايه نداله؟؟؟ هو أنا عبيطه طيب علشان مش بحب الكدب؟؟؟
لو حد يعرف مفاهيم للصداقه والنداله والكدب غير اللي أنا عرفاهم يقول ..... بعد كده بقى تيجي الحاجات دي

1- لما تحس انك مجبر على حاجه المفروض تشتغلها ومش طايق تشوف البني أدم اللي هيستلم الحاجه دي من الاخر كده مشروع تخرج والمشرف حسام شمردن ماهي بايظه بايظه مش كل مره أقول ح.ش. معروف يعني
2- لما تحط نفسك مكان حد اتصرف معاك تصرف رخم أو نداله من وجهة نظرك يعني تقول انت لو مكانه مكنتش هتعمل كده
3- لما تحس انك مش ناجح في الحاجه اللي انت بتحبها مع انك متميز فيها
4- لما تحس انك مش عارف تستغل اي حاجه من قدراتك وكأنك عاجز
5- لما تحس انك بتحب ناس ماتستهلش
6- لما تحس ان الظروف وكل حاجه ضدك والناس انت مابقتش طايقهم
7- لما تشوف غلط وتسكت عليه أو تحاول تتكلم وماتقدرش ولا تتكلم وتروح في داهيه
8- لما تلاقي كل اللي حوليك بيكدبوا وانت مش بتحب الكدب وبتصارحهم في أقل حاجه
9- ساعات كتيير تحس انك عايش لوحدك رغم انك وسط ناس كتيييير
10- ساعات كتيير تحس انك عايش ميت (عايش علشان لسه في نفس داخل خارج) عايش علشان لازم تعيش
لما اعرف حاجه تاني هقولها :(

لا إله إلا أنت سبحانك إني كنت من الظالمين
حسبي الله لا إله إلا هو عليه توكلت وهو رب العرش العظيم