على غير العاده هتكلم في حاجه أنا مش بحبها خالص وعمري ما اهتميت بيها .... التاريخ
علشان ماحدش يفهمني غلط أنا هتكلم عن مسلسل الملك فاروق
علشان ماحدش يفهمني غلط أنا هتكلم عن مسلسل الملك فاروق
أخر صوره له على الأرض المصريه
ضريح الملك فاروقلو حد فينا اتفرج على مسلسل الملك فاروق أنا ماشوفتوش في رمضان يعني لسه بشوف الحلقات الاولى بتاعته بس سمعت من اللي شافه انهم جايبين صورة الملك فاروق كمثل أعلى وشخصيه كويسه أوي وده فعلاً اللي لاحظته في الحلقات اللي بشوفها؛ انسان مظلوم في طفولته محب للشعب المصري ومحبوب أيضاً لدى الشعب.... فهل كان يستحق ماحدث له ؟ا
نرجع بس بالذاكره للخلف كام سنه كده في كتب التاريخ اللي درسناها والافلام المصريه اللي بتعرض عن بطولات جمال عبد الناصر وأنور السادات هل كانت شخصية الملك فاروق بنفس الصوره !!!! لأ طبعاً مطلقاً تماماً .... بل كان الملك الفاسد العابث الغير مهتم بشئون البلاد و الغير محبوب لدى الشعب المصري
أنا قلت قبل كده أنا مش بحب التاريخ ده خــــــــــــــــــــالص علشان بحس انهم بيدرسولنا على مزاجهم يعني مدام احنا شيلنا الملك ده يبقى كان علشان هو وحش واحنا حلوين أنا مش بصدق ولا كتاب تاريخ لو فكرت يعني أقرأ في التاريخ لا سمح الله .... لحظه بس ده مش معناه اني مصدقه كلام المسلسل 100% بس على الاقل مصدقه 70% وخصوصاً ان فريق العمل مش مصري :D
على فكره المسلسل ده أثار جدلاً حول الملك فاروق وشخصيته
على قناة الام بي سي استضافوا صاحبة السمو الملكي: فريال فاروق ابنة الملك الراحل فاروق واتكلمت عن حياتها وعن حبها وحب الراحل والدها لمصر
برنامج العاشره مساءً وعمرو أديب ناقشوا الموضوع ده ... خلينا في العاشره مساءً اليوم 21-10-2007
الاستاذه منى الشاذلي اتكلمت في موضوع المسلسل وشخصية الملك فاروق وسألوا للناس في الشارع :: اذا كانت تلك هي الشخصيه الحقيقيه للملك فاروق ، تحب ان تعيش في العصر الملكي أم الجمهوري ؟؟؟؟؟ السؤال ده أنا سألته لنفسي امبارح قبل البرنامج ولقيت الاجابه على نفسي نعم !!!!! والعجيب ان دي كانت اجابة بعض الناس؛ في واحد منهم قال كلمه حكمه.. قال :............................................................................................ا
أنا بصراحه مش عارفه هل هو فعلاً كان فاسد !!!! ولا هما علشان شالوه يبقى كان وحش !!!!!!!ا
مش بقولكوا مابحبش التاريخ :S
دي بعض المواقع اللي اتكلمت في الموضوع ده
"الملك فاروق" دراما تحرك المياه الراكدة
وده بيتكلم عن الملك فاروق
ذكريات آخر شاهد على عصر الملك فاروق..!!ا
ملحوظه أخيره: أنا مش بصدق أي كلام يتقال الا اذا كان منطقى ولا حتى المواقع دي ولا أحب أن أكون من مروجي الاشاعات أبداً أبداً أبداً اللي يقرأ حاجه لازم يقتنع بيها الاول مايصدقهاش كده وخلاص
12 comment(s):
الحمدلله اني اخيرا باقول اول تعليق
بصي .. انا ماشفتش المسلسل بصراحه
بس امي الله يرحمها لما كانت بتتكلم عن مصر في الفتره دي كانت بتأكد .. ومش امي لوحدها يعني .. الكل كان بيؤكد ان في حالة استقرار في المستوى المادي
مش هقول البلد رخيصه والمرتبات مرتفعه والعيشه نغنغه
لأ .ز بقول استقرار
يعني مش كل يومين والتاني نلاقي الرز يعلى سعره والسكر ماعليهوش رقابه واللحمه والسمك نسمع عنهم سمع خير
وعموما انا هبقى اتابع المسلسل وكنت فعلا ناوي اتكلم عنه .. بس ان شاء الله اتابعه واشوف ايه الحياه
والسلاموووز ختامووووز
ازيك ياروبى ..
بصى هو انا مامتى ايام ما كانت بتدرس تاريخ للعيال :D وانا كنت منهم للاسف لانى بكره التاريخ جدااااااااااا
المهم ان على حسب الكتب اللى كانت ماما بتشرح منها كانت بتقول انه كان فاسد وبتاع ستات يعنى وبيصرف فلوس البلد على التهييس والله اعلم بردو بس اللى انا متاكده منه حاجه واحده ومتاكده منها اكتر من نفسى
ان عبد الناصر ربنا يرحمه ويغفرله ويعتقه من النار يارب كان انسان بكل معنى للكلمه وكان وطنى لاقصى حد وكان زاهد فى الدنيا مش بتاع جمع فلوس وسرقة اموال الناس بالعكس ده اذا كان معاه وقتها كان هيدى مش ياخد
فاعتقد ان لا هو ولا زملائه يتبلو يعنى على سيادة الملك عشان مطمع ليهم لان قائدهم او المؤثر فى الحركه كان عبد الناصر وانا بثق فى الراجل ده من الالف حتى الياااااااء
وده رأيى والله اعلم
سلاااااااااام
مدام مافيش حاضر والمستقبل مش باين له معالم يبقى نقدر نقول حاجة واحدة بس عن التاريخ
مابقتش تفرق سينا من سونيا
:D:D:D
->@ Soooo
أهلاً بيك في أول زياره و أول تعليق
فعلاً موضوع الاستقرار ده كان موجود سمعت عنه برضه بس اكتر من كده ماحدش يعرف
على العموم تابع المسلسل يمكن نوصل لحاجه :D
سلام
->@ Dina
الحمد لله يادينا :)
انتي زيك زيي يعني كل معلوماتك من كتب التاريخ اللي مش بنحبها :D
طبعاً عبد الناصر كان رجل من اعظم واشجع الرجال بدليل الجنازه أنا مش معني كلامي انه كان مش كويس أنا مش بتكلم أصلاً ولا بعترض على فتره موجوده في التاريخ أنا بتكلم على شخصية الملك فاروق نفسه بغض النظر عن اي وجهة نظر سياسيه خاااااالص بتكلم من ناحية احنا فاهمين غلط ولاغلط!!!!ا
سلام وشكراً على ردك بعد الغيبه دي كلها :D
->@ Anonymous
:D No Document :D:D:D
ايوه ياروبى مانا فاهمه بس اقصد انه اذا كان كويس مكانش عبد الناصر والضباط الاحرار قرروا انهم يحرروا البلد فاكيد هيحرروها من ايه ؟ الانجليز وبعدهم الحاكم الفاسد وده رأيى
بس تخيلى الموضوع شاغلنى فعلا وسالت ماما قالتلى انه كان كويس وبيحب البلد بس الحاشيه بتاعته كانو فاسدين والله اعلم بردو
->@ Dina
مامتك عندهت حق أحداث المسلسل بتقول كده :D
بس بصراحه أنا زهقت من متابعة المسلسل علشان اصلاً ماليش في موضوع التليفزيون والمتابعه وكده زائد ان في شخصيات واسماء في التاريخ يعني أنا طبعاً ماعرفهاش علشان كده حاسه اني مش فاهمه حاجه أصلاً :$
اللي يتابع بقى يبقى يفهمني :D
يابنتى طبعا لازم يتكلمو عن الملك فاروق
انتى متعرفيش هما بيعملو كدة ليه
عايزين يرجعو الملكية
افهمى بقى
يوووووه
->@ doha
شكراً على تعليقك وزيارتك :)
مبحبش التاريخ
ومدرستوش
واخرى فيه عمنا مينا وكده تمام اوى
وكنت علمى
بس ليا راى والله اعلم
انه حتى لو كان فاسد وبيحب الهلس فانا اعتقد انه حكم مصر اصلا وهو مش فاهم حاجه لانها كان صغير
تقريبا 19 سنه؟؟
مش عارفه بس تقريبا كده يعنى كان لازم يحب الهلس هيحب ايه يعنى فى السن ده ولا هيعرف ايه عن البلد
->@ 3ala asm masr
أولاً أهلاً بأول زياره
ثانياً: فعلاً هو كان عنده 17 سنه حاجه كده ماتتخملش مسؤلية بلد وشعب
شكراً على التعليق :)
Post a Comment
قول رأيك