لو قالولك اختار عصر من عصور مصر علشان تعيش فيه تختار أى عصر و فى عهد أى حاكم .. واشمعنى؟
كان نفسي ابقى في عصر الناس اللي أسلموا في عهد الرسول ( عليه الصلاة والسلام)
أول أولويه فى حياتك عيلتك ولا شغلك ولا أصحابك؟
اصحابي - عيلتي - شغلى
إيه أكتر حاجه بتحبها في رمضان؟
الصيام والناس بيبقى شكلها حلو أوييي ومحترميين أوي ورمضان نفسه بيكون ليه هيبه كده غير الشهور التانيه :D
اوصف ليا أجمل فطار ممكن تفطره
في البيت ... مش بحب أكل بره ولا عند اقاربي
لو أنت حاكم على مجموعه من الأفراد هتكون عادل؟؟ طب هتعمل إيه عشان تتأكد إنك حاكم عادل؟
هحاول .... مش عايزه أبقى حاكم أصلاً بصراحه لو كنت بعد الشر هباشر كل حاجه بنفسي
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
30% الحكام
20% الحاشيه
50% الشعب
مين أكتر إعلامي مصري بتحترمه؟
عمرو أديب- محمود سعد - تامر بس مش فاكره اسمه تامر ايه :$ اللي بيجي ف البيت بيتك برضه
قريت ديوان عمر مصطفى صاحب بلوج تجربه " أسباب وجيهه للفرح" عن دار ملامح و لا لسه ؟؟
لأ ....
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
لأ أنا حابه اللي أنا فيه
ايه تانى بلد تتمنى تعيش فيها بعد مصر؟
ألمانيا :D
اوصف ليا ترتيبات أجمل فرح ممكن تحضره
أهم حاجه أصحاب الفرح
بتراعي كلام الناس والقيل والقال؟ لو اه او لو لا قول لى ليه؟
الناس كده كده بتتكلم مابقتش أراعي بصراحه زي الاول
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
هفقد الوعي أو اتجنن أو أموت... وخصوصاً لو كان الكمبيوتر
السعاده هى؟
الرضا ثم الرضا ثم الرضا وتحقيق الاحلام ومساعدة اصحابي
عندك أمل ؟؟ أسبابك
أملي في ربنا بسسس لكن في الدنيا ضعيف اوييي علشان ربنا معنا دايماً
لما تحب تهرب من كل شئ بتروح فين؟
نفسييييييييييييييييييييييييييييييي .........بس لو متاح ليه بقف قدام البحر كتيير برتاح أوي
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
مش عارفه مافتكرش
لما بتعمل عمل خيرى بيكون ايه هو دافعك الاول؟
ضميري هو اللي بيدفعني ... بعدها بحس براحه نفسيه
بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟
لأ .... بقرف بصراحه
بتعرف ايدك اليمين من الشمال ازاي؟
بعمل نفسي كأني بسلم على حد:D:D
ايه اكتر اله موسيقيه بتحبها ؟ ؟
البيانو
فى رأيك ليه الذوق والنخوه اتعدموا؟
يمكن علشان الناس مابقتش تحترم بعض
ايه الحاجه اللى لو حصلتلك تبقى سعيد قوى؟؟؟
سؤال صعب أوي بس متهيألي لما احقق حاجه كان نفسي اعملها ...... لما احس ان اللي عملته في حد بيتردلى ..... لما اكون ناسيه الدنيا باللي فيها
تختار يبقى عندك...أرض زراعيه ولا أجنس عربيات و لا كام عماره و لا فلوس فى البنك؟؟؟؟
فلوس في البنك
البحر و لا النيل؟؟؟
البحر
مركب و لا طياره؟؟
طياره
مجنون و لا عاقل؟؟
غالباً.....مجنونه :D
تقرأ كتاب و لا تتفرج عليه فيلم؟
كتاب
أمررة لمين ؟
اللي عايز يجاوب
6 comment(s):
ياااه
اخيرا هقول تعليق اول واحد
بصي بقى ياستي
الغرض الاسي من حوار التاج ان الناس تعرف بعض اكتر
وانا كده مبدأيا استشفيت شوية حاجات عن شخصيتك .. وهقولها وزي ماتيجي بقى
بس لو حاجه غلط ياريت تصححيلي المعلومه
اولا .. انتي شخص خدوم جدا وممكن يفضل مصلحة غيره عن مصلحته .. خصوصا لو كان حد قريب منه قوي
بس للاسف ده غلط في زمننا عشان مافيش حد بيفتكر حد
ثانيا .. انتي شخص بينبهر برؤية الافق او بالرؤيه الواسعه .. وده ممكن يكون نتيجة احساسك في عقلك الباطن بانك مخنوقه او انك عايزه تعيش في براح ووسع .. داخلي في القلب قبل مايكون ظاهري في المكان اللي حواليكي
ثالثا .. انتي شخص بسيط وصريح .. ساعات بتحبي تزوقي الكلام لو هتوجهي اتهام لغيرك .. بس بترجعي تقولي لنفسك طالما هو بيعمل ده وهو مقتنع او وهو راضي يبقى انا ماليش دعوة
يعني الحاجات دي اللي قدرت اقراها من بين سطور الموضوع
لو كلامي صح قولي .. ولو غلط برضه قولي
سلاموووووووز
->@ soooo
مش هتكلم في أولاً :$
ثانياً بقى مع اني مش فاهمه أوي الكلام الكبير ده بس فعلاً أنا عايزه أعيش في مكان واسع ومش لاقياه الا داخلي في القلب زي مانت قلت
ثالثاً : مش بالظبط بس في كتير من الصح.. بسيطه وصريحه بس كلمة ماليش دعوه ديه قليله عندي وخصوصاً لو حد أعرفه
بس أنا شايفه انك شايف حاجات كويسه بس ... أنا مش ملاك على فكره
هو الكلام ده كان موقعه فين في التاج :D
والله العظيم لو أعرف ان الكلام ده في التاج ماكنتش جاوبت :D
شكراً على التعليق
بصي ياروبي
وسوري لو اسم الدلع ده يدايقك ..
دايما .. ودي حاله نفسيه جوانا مش بتعمدها .. دايما لما بيبقى في اختبار لنفسنا عقلنا الباطن هو اللي بيخلينا نجاوب .. والعقل الباطن عايز يبين الشخص ده كويس الى حد ما .. لان العقل الباطن هو ادرى بعيوب الشخص نفسه
لو كلامي مضايقك اعتبري انك ولا سمعتيه
وبعدين انا ماقلتش انك كلك صفات كويسه على فكره .. بالعكس .. انا لما قلتلك انك خدومه قلتلك ان ده غلط في زمننا
ولما قلتلك انك مخنوقه وعايزه تعيشي في عالم اوسع كنت باقصد انك جواكي في حالة عدم رضا ولو بنسبه بسيطه
لما قلتلك انك شخص بسيط وساعات بتحبي تزوقي الكلام كنت اقصد انك زي اي حد فينا بيخاف انه يقول الحقيقه صريحه جافه لشخص عزيز عليه عشان مايزعلهوش .. ودي انتي وضحتيها بانك بتقولي الحق لو على ايه .. وه عيب انك مش سياسيه
اقري دايما اللي مابين سطور اي كلام قدامك .. ممكن يكون كويس .. وممكن لأ
بس على فكره .. انتي في المجمل .. شخص كويس
سلاموووووز
اسمه تامر أمين .. اللي في البيت بيتك
:D
حلوه الاجابات و مختصره .. خليتيني احس اني رغيت كتير في الاجابات
:P
مش مشكله .. لازم الاجابات تكون صريحه و تعبر عن النفس
:)
ربنا يكرمك
->@ soooo
لأ الكلام هيضايقني ليه :) أفادكم الله الكلام كله منطقي الى حد كبير طبعاً مش مضايقه
أنا بس ماكنتش عارفه فعلاً ان التاج هيقولحاجات زي كده
شكراً على ردك :) وزيارتك
منور البلوج
->@ Zo0oz
أيوه هو تامر أمين ده :D
لأ انتي مارغتيش ولا حاجه عادي كل واحد ليه اسلوبه في التعبير :)
ربنا يخليكي يارب
شكراً على الزياره الجميله دي :)
Post a Comment
قول رأيك