كثيراً ما أفكر وأتسأل.... هل ما أشعر به هو ثقة بنفسي أم غرور؟.... والغريب أنني لا أجد اجابة مقنعه بالنسبة لي
عندما أشعر بإحساس الثقه وأنني قادره على اجتياز اختبارٍ ما أتراجع خشية أن يكون شعوري هذا غرور
عفواً... من الممكن أن يكتمل المقال لغة عربيه ولكن لا استطيع ذلك نظرا ً لغيابي الطويل عن الكتابه باللغه العربيه و
علشان برضه مش واثقه ان اللغه العربيه اللي كتبتها والل هكمل بيها هي لغه عربيه صحيحه.. ولذلك هكمل الموضوع لغه عاميه دارجه كالعاده
نرجع لموضوعنا.. آسفه على المقاطعه
حقيقي ايه الفرق بين الثقه بالنفس والغرور؟؟؟ أنا أعرف ان الفرق بينهم حاجه بسيطه أوي .. علشان كده كل ما أحس اني واثقه في نفسي أتراجع وأقول لأ بلاش غرور!! وأنا مش عارفه اذا كان اللي حسيت بيه ده غرور ولا ثقه
علشان كده قلبت معايا بتهور منعاً للتردد!!!! مش مهم مش مهم .. يمكن تفهموا الجمله دي في الآخر
يمكن أنا متعقده من موقفين كده زمان والاتنيين كانوا في رابعه ابتدائي !!! هقولهم ولا بلاش لأ هقول وخلاص
الموقف الأول كنا في حصة عربي والاستاذ -المحترم الله يكرمه بجد- أستاذ حاتم سأل سؤال ومش فاكره قال اللي هيجاوب عليه هيعمله ايه (أنا فاكره السؤال بس مش هقوله علشان بعتبر الحاجات الصغيره دي ذكريات سريه) المهم مافيش حد خالص كان عارف الاجابه الا أنا كنت عارفاها بالتخمين وقدرتي المنيله اللي بتوقعني في حوارات قدرتي على التجميع والربط الحمد لله.. بس لعدم ثقتي في الاجابه ماردتش أقوم أقول الاجابه ولما قالها ماقدرش اوصف مدى الحسره والندم اللي كنت فيهم ساعتها ولحد دلوقتي .. بعدها بكام سنه سمعت جملة كده بتقول الندم عى مافعلت أفضل من الندم على ما لم تفعل ومن هنا جيه التهور!! بقيت أعمل حاجات بسرعه علشان ماترددش وأفكر أعمل ولا لأ واندم اني ماقلتش أو ماعملتش... بس ده مش ثقه بالنفس ده تهور يعني الموقف ده له علاقه بتهوري وردودي اللي كنتوا بتشوفوها على الميل جروب ياخوانا يا FCI-HU 2003-2007
بس تهور مقبول الحمد لله
الموقف التاني برضه في امتحان العربي جبت 30 من 30 في امتحان الشهر أعلى درجه وجيت قلت لماما وأنا فرحانه أوييييي شوفتي يا ماما جبت أعلى من إيمان ونهى( ايمان ونهى دول بنات مدرستين في المدرسه وكانوا شاطرين ماشاء الله واصحابي والله ماكنش حقد يعني بس فرحت اني جبت أعلى من أشطر 2 انجاز يعني) قالتلي طيب بس ماتتغريش ... الكلمه دي ماتتخيلوش كان تأثيرها ايه عليه فضلت أبكي باقي اليوم ومن ساعتها خايفه أتغر
أه كان فيه برضه في حصة العربي دي موضوع الغرور والتواضع دردشه يعني مش حصه وكنت نفسييي أسأل أستاذ حاتم وأستاذ أشرف -أحسن مدرس في الدنيا كلها- كان نفسي أقوله هو ممكن الواحد يكون مغرور بانه متواضع!!!ا وندمت ولحد دلوقتي بندم اني ماسألتوش
يالا معلش طول عمري عاقله :$ واضح ان ذكرياتي كلها في سنه رابعه بس :)ا
وواضح اني بعدت عن الموضوع بعض الشيء
يعني أنا مثلاً فرحانه بذكائي غرور مني ولا ثقه في ذكائي؟
الغريب اني جربت الاختبارات بتاعة الثقه بالنفس دي -من الفيس بوك برضه- لقيت اني واثقه في نفسي يعني ده مش ضعف في ثقتي بنفسي .. كمان لما قريت وسمعت كذا حاجه للدكتور ابراهيم الفقي لقيت اني كويسه واثقه في نفسي يعني .... يمكن ده خوف من موضوع الغرور
في صديق قالي قبل كدده ان المفروض مدام الواحد مش واثق في نفسه يبقى من حقه انه يكون مغرور علشان يقدر يوصل لدرجة الثقه بالنفس المطلوبه الكلام ده عجبني أوي بس برضه لسه خايفه من شعور الغرور
أنا عايزه أبقى واثقه في نفسي :( مش عايزه أتغر في نفسي
اللي أنا متأكده منه اني واثقه في نفسي الحمد لله لكن مش عايزه أوصل للغرور... وبداية البوست تؤكد كلامي
ومن ضمن كلام دكتور ابراهيم الفقي أو من موقف قريته في كتابه يعني يؤكد ان انا لو مش عندي ثقة في نفسي ماكنتش عملت مدونه
ايه اللي يفرق بين الاحساس ده وده؟؟؟؟
أه على فكره الصوره اللي فوق دي أنا بشبه عليها مش فاكره شوفتها في بلوج حد ولا ايه لو أه قلولي علشان اشيلها لو اللي كان حاطيتها مضايق يعني بس انا عموماً جايباها من جوجل
أخيراً وليس آخراً ان شاء الله أتمنى ان كلامي يكون كالـــــــــعــــــاده مفهوم وواضح وصريح :)ا
عندما أشعر بإحساس الثقه وأنني قادره على اجتياز اختبارٍ ما أتراجع خشية أن يكون شعوري هذا غرور
عفواً... من الممكن أن يكتمل المقال لغة عربيه ولكن لا استطيع ذلك نظرا ً لغيابي الطويل عن الكتابه باللغه العربيه و
علشان برضه مش واثقه ان اللغه العربيه اللي كتبتها والل هكمل بيها هي لغه عربيه صحيحه.. ولذلك هكمل الموضوع لغه عاميه دارجه كالعاده
نرجع لموضوعنا.. آسفه على المقاطعه
حقيقي ايه الفرق بين الثقه بالنفس والغرور؟؟؟ أنا أعرف ان الفرق بينهم حاجه بسيطه أوي .. علشان كده كل ما أحس اني واثقه في نفسي أتراجع وأقول لأ بلاش غرور!! وأنا مش عارفه اذا كان اللي حسيت بيه ده غرور ولا ثقه
علشان كده قلبت معايا بتهور منعاً للتردد!!!! مش مهم مش مهم .. يمكن تفهموا الجمله دي في الآخر
يمكن أنا متعقده من موقفين كده زمان والاتنيين كانوا في رابعه ابتدائي !!! هقولهم ولا بلاش لأ هقول وخلاص
الموقف الأول كنا في حصة عربي والاستاذ -المحترم الله يكرمه بجد- أستاذ حاتم سأل سؤال ومش فاكره قال اللي هيجاوب عليه هيعمله ايه (أنا فاكره السؤال بس مش هقوله علشان بعتبر الحاجات الصغيره دي ذكريات سريه) المهم مافيش حد خالص كان عارف الاجابه الا أنا كنت عارفاها بالتخمين وقدرتي المنيله اللي بتوقعني في حوارات قدرتي على التجميع والربط الحمد لله.. بس لعدم ثقتي في الاجابه ماردتش أقوم أقول الاجابه ولما قالها ماقدرش اوصف مدى الحسره والندم اللي كنت فيهم ساعتها ولحد دلوقتي .. بعدها بكام سنه سمعت جملة كده بتقول الندم عى مافعلت أفضل من الندم على ما لم تفعل ومن هنا جيه التهور!! بقيت أعمل حاجات بسرعه علشان ماترددش وأفكر أعمل ولا لأ واندم اني ماقلتش أو ماعملتش... بس ده مش ثقه بالنفس ده تهور يعني الموقف ده له علاقه بتهوري وردودي اللي كنتوا بتشوفوها على الميل جروب ياخوانا يا FCI-HU 2003-2007
بس تهور مقبول الحمد لله
الموقف التاني برضه في امتحان العربي جبت 30 من 30 في امتحان الشهر أعلى درجه وجيت قلت لماما وأنا فرحانه أوييييي شوفتي يا ماما جبت أعلى من إيمان ونهى( ايمان ونهى دول بنات مدرستين في المدرسه وكانوا شاطرين ماشاء الله واصحابي والله ماكنش حقد يعني بس فرحت اني جبت أعلى من أشطر 2 انجاز يعني) قالتلي طيب بس ماتتغريش ... الكلمه دي ماتتخيلوش كان تأثيرها ايه عليه فضلت أبكي باقي اليوم ومن ساعتها خايفه أتغر
أه كان فيه برضه في حصة العربي دي موضوع الغرور والتواضع دردشه يعني مش حصه وكنت نفسييي أسأل أستاذ حاتم وأستاذ أشرف -أحسن مدرس في الدنيا كلها- كان نفسي أقوله هو ممكن الواحد يكون مغرور بانه متواضع!!!ا وندمت ولحد دلوقتي بندم اني ماسألتوش
يالا معلش طول عمري عاقله :$ واضح ان ذكرياتي كلها في سنه رابعه بس :)ا
وواضح اني بعدت عن الموضوع بعض الشيء
***************
بجد بجد بقى.. لما مثلاً الواحد يدخل امتحان ويقول لأ هنجح ان شاء الله ولما يخلص يبقى واثق انه ناجح ده غرور ولا ثقه بنفسه؟يعني أنا مثلاً فرحانه بذكائي غرور مني ولا ثقه في ذكائي؟
الغريب اني جربت الاختبارات بتاعة الثقه بالنفس دي -من الفيس بوك برضه- لقيت اني واثقه في نفسي يعني ده مش ضعف في ثقتي بنفسي .. كمان لما قريت وسمعت كذا حاجه للدكتور ابراهيم الفقي لقيت اني كويسه واثقه في نفسي يعني .... يمكن ده خوف من موضوع الغرور
في صديق قالي قبل كدده ان المفروض مدام الواحد مش واثق في نفسه يبقى من حقه انه يكون مغرور علشان يقدر يوصل لدرجة الثقه بالنفس المطلوبه الكلام ده عجبني أوي بس برضه لسه خايفه من شعور الغرور
أنا عايزه أبقى واثقه في نفسي :( مش عايزه أتغر في نفسي
اللي أنا متأكده منه اني واثقه في نفسي الحمد لله لكن مش عايزه أوصل للغرور... وبداية البوست تؤكد كلامي
ومن ضمن كلام دكتور ابراهيم الفقي أو من موقف قريته في كتابه يعني يؤكد ان انا لو مش عندي ثقة في نفسي ماكنتش عملت مدونه
ايه اللي يفرق بين الاحساس ده وده؟؟؟؟
أه على فكره الصوره اللي فوق دي أنا بشبه عليها مش فاكره شوفتها في بلوج حد ولا ايه لو أه قلولي علشان اشيلها لو اللي كان حاطيتها مضايق يعني بس انا عموماً جايباها من جوجل
أخيراً وليس آخراً ان شاء الله أتمنى ان كلامي يكون كالـــــــــعــــــاده مفهوم وواضح وصريح :)ا
20 comment(s):
موضوع جميل وفي محله ..ولي رأي بسيط..الثقة والغرور حاجتين ملهمش دعوة ببعض إطلاقا من حيث الشعور..
إلا أن الغرور غالبا بيتبني على الثقة في النفس الزائدة عن الحاجة..
يعني ايه..
الثقة من أهم الاشياء التي يجب أن تكون في الانسان علشان يستمر في الحياه..من غيرها مقدرته على أداء ابسط الاشياء هتفنى..
أما الثقة الزائدة عن الحد دية سيئة جدا..لأنها في الحالة دية بيرمي الانسان في حفرة الغرور..وفي وقت هتنعكس بالسوء وتضعف مستواة..
ببساطة عمرك ما هتكوني مغرورة بنفسك وانتي من جواك ملكيش هدف احساس الغير بأنك الافضل والاحسن وان لا مثيل لك..وأنا في رأيي الغرور نوع من تعويض ضعف الاهمية على الشخص وشيء ذميم..لكن الفرحة بالنجاح مادام لم ترتبط بالغير والاستفضال فهي شيء جميل..ولا تعد غرورا..دة من حقك..
بالنسبة للجمله
المفروض مدام الواحد مش واثق في نفسه يبقى من حقه انه يكون مغرور علشان يقدر يوصل لدرجة الثقه بالنفس المطلوب
معلش الكلام دة مش معاه..الغرور ميعوضش الثقة بالنفس أبدا..ناهيك ان الغرور صفة ذميمة..ومفيش مبرر ليها لأن فيها نوع من التكبر..ولا يدخل الجنه من كان في قلبه مثقال ذرة من كبر
الي معندوش ثقة يستطيع ينميها بطرق بسيطة وايمانه بنفسة ..زي ما قلتي قبل كدة
Don't compare yourself with anyone in this world. If you do so, you are insulting yourself.
أسف للإطاله
re7aaab ezayek:
im gonna wrie in english coz u hate the franco arab,look i thunk its self confidence and u must have it 2 succed and aim ur goals in the community whish is full with curreption,well 2 me i think i have a little bit of proud,i always say that im smart and bcoz im smart im here in usa serviving by myself without anybodies help and i dont have anymoney when i came so im smart,even when i was in uni i used 2 say its easy and im smart it only take me couple of days 2 finish this book,so belive me many ppl say that there is diffrent between self confiedence but 2 me i see them as same,
thnaks ya gamiel 3al post el gamiel dah
الاخت رحاب
السلام عليكم ورحمه الله وبركاته
انا طول عمرى بقول الفرق بين الثقه بالنفس والغرور شعره ارفع من شعره معاويه الانسان الذكى ما يتجاوزش الثقه بالنفس للغرور لانى الغرور بيكون احيانا قاتل
اولا : الثقه بالنفس مطلوبه وبشده لانى الانسان الى مش واثق من نفسه مش حيتحرك ولا حيواجه اى حاجه فى الدنيا وبيكون خايف من حجات كتير بس المغرور بيواجه وفى الغالب بيخسر لانى غروره بيلغى من حسباته التفكير السليم فبيكون مندفع لمواجهات خاسره وبيخسر
ثانيا: الواثق من نفسه عنده القدره على الاعتراف بالخطا الى وقع فيه وعنده قدره على قبول التوجيه انما المغرور بيكون رافض لاى توجيه الا لصوت الانا الداخليه بس
ثالثا:الغرور نوع من انواع التكبر بيكون تعويض لبعض النواقص الشخصيه فبيعوض ده بنظره تعالى من جانبه على الى حواليه انما الواثق من نفسه غالبا بيكون بسيط جدا واجتماعى
رابعا: الواثق من نفسه نادر ما بيهمه راى الناس فى المدح بس بيهمه راى الناس فى النقد علشان يتعلم منه المغرور العكس لو اتنقد يبقى الى نقده مش بيفهم والى مدحه انسان بيفهم
خامسا: الواثق من نفسه بيطبق شعار دعونما نعمل فى صمت وبيكون قادر اكتر على الانجاز انما المغرور لا يملك الا الكلام بس حعمل وحعمل وفى الغالب مش بيعمل حاجه خالص
سادسا: المغرور بيكتفى بالى عمله وبيقف عنده على اعتبار انى الى هو عمله محدش عمله ولا حيعمله بعده انما الواثق من نفسه بيتطلع للاحسن وده الى قصدته مامتك ربنا يخليها ليكى لما قالتلك بطلى غرور علشان تحافظى على الى وصلتيه
اخير المغرور مش شايف غير نفسه وبيحاول يطلع كل النواقص فى اى انسان جنبه انما الواثق من نفسه لا بيحاول يتعلم من الى حوليه
نسيت اعلق على البوست لما اجى تانى بقاء
الحقيقه انا ماعرفش مسمى واضح وصريح للثقه بالنفس غير اني قبل ما اعمل اي حاجه اكون من جوايا مدرك وحاسب لأسوا الظروف احتياطيا
يعني ايه
يعني مثلا في حالة زي حالتك لما المدرس بتاع العربي سأل السؤال اللي سأله .. لو انا مكانك وعارف ايه الاجابه بس مش متأكد مليون في الميه وما جاوبتش .. هبقى من جوايا سعيد اني كنت باعرف افكر .. لكن ندمي مش هيكون كندب حظي واني جبان وكده
ولو قلت الاجابه وانا مش متأكد لازم ابقى عارف اني بخاطر او براهن .. وساعتها برضه لازم ابقى مستوعب لخطورة الموقف ومقدر لعواقبه لو كنت غلط
الغرور بقى حاجه مختلفه
الغرور نوع من انواع النرجسيه .. ممكن تقولي عنه انه مرض نفسي نتيجة لنقص معين في حاجه معينه
وساعات فعلا الاكثار من التواضع بيولد الغرور .. لكن غرور عكسي .. يعني تقليل من قيمة الشخص لنفسه
او نوع من انواع سلخ الذات
هذا والله اعلى واعلم
وكفايه كده عشان انا حاسس اني باتكلم بشكل منطقي وعقلاني وانا لاسع خلقه والاتنين ماينفعوش مع بعض
العقل والجنون
زي الثقه والغرور
سلامووووووووووووز
مش مهم المسمى
مش مهم يكون ثقة بالنفس...مش مهم يكون غرور
المهم تكوني انتي
تعملي اللي انتي شايفاه وحاساه
ممكن يعتبروها ثقة ممكن يعتبروها غرور
بس المهم ان انتي تعتبري ان دة الافضل
تحياتي
همممممممممممممممممممم
المفروض مدام الواحد مش واثق في نفسه يبقى من حقه انه يكون مغرور علشان يقدر يوصل لدرجة الثقه بالنفس المطلوب
انا عاجبتنى الجملة دى الصراحة
فيها نوع من الفلسفة
المهم
انا من رأى مدام مش شايفة ان الى حواليكى قليلين , او بمعنى تانى مدام حاسه ن لسه قدامك اهداف وطموحات وانك لسه ماوصلتيش للى انت عايزاه , وفى نفس الوقت انت واثقة انك ممكن تحققى اهدافك ,يبقى كده انت فى السليم
مش مهم الواحد يكون مغرور بس الاهم مايفقدش ثقته فى نفسه
لانك لو فقدت الثقة بالنفس مش هتقدرى تعملى حاجه
لان ايمانا الداخلى بقدرتنا على تحقيق اهدافنا هو الدافع الرئيسى لنا فى السعى وراء تحقيقها
الواحد ماله عاش فى الدور ليه
اقولك على حاجه من الاخر
ماتفكريش كتير وجربى كل حاجه واتغرى وابكى واندمى واتألمى وافرحى واجتهدى
هى دى الحياه
بس خلاص
حظى انى قريت تعليق الصديق احمد مبارك
بصراحة مش قدرت اقول ولا كلمة بعد كلامه
عيد سعيد عليكى
تحققى فيه كل الامانى
لك تحياتى
موضوع قويس و عشان مطولش انا مبحبش ادلى بدلوي بالمواضيع النفساوية دي اهم حاجة رضا الام والاب ومفيش احسن من دعوة ام ساعة الفجرية
اه انا نسيت اقول الفرق فى نظر العبد لله
هو مضغة ان صلحت صلح الجسد كله وان فسدت فسد الجسد
->@ Ahmed Mubarak
بصراحه لا تعليق على كلامك ... أحسنت القول يا باشمهندس أحمد
بالنسبه لرأيك في الجمله ... كان ممكن أقولك ان على اعتبار ان الغرور أخر مرحله من مراحل الثقه الجمله تكون صحيحه بس بعد الكلام اللي قلته ولا تعليق عليه ماقدرش اقول الا انك معاك
حق برضه في رأيك .. مش عارفه طيب أرد عليك أقولك ايه بجد :) لازم تقفلها عليه كده
بس الغرور أه لايعوض الثقه بالنفس والغرور ضعف لكن أعرف ناس كتير برضه من كتر ثقتها في نفسها واهتمام الناس بيها اتغرت بنفسها
يعني برضه ممكن الثقه بالنفس توصل للغرور
ازاي تحاول انك تحتفظ بثقتك بنفسك من غير ماتعدي خط الغرور
هتقولي بالذكاء وان المفروض الواحد مايثقش في نفسه زياده عن الازم علشان ماتتقلبش غرور
هقولك لا اله الا الله هتقولي محمد رسول الله هقولك الله يكرمك على تعليقك اللي خلاني مش عارفه أرد عليك ده :) كل ماجي أقول حاجه ألاقي ردها موجود
يا سيدي شكراً جزيلاً ( أول مره أقول جزيلاً دي على فكره) على تعليقك الجامد ده
thnx BPAD Ahmed Mubarak
->@ Sola
يابنتي أكتبي فرانكو براحتك خالص بجد اعتبريه بيتك :)
بس افتكر برضه ان فيه فرق بين انك تفخري بنفسك وانك واثقه فيها وانك مغروره
يعني الأول انتي بتثقي انك هتخلصي مثلاً الكتاب ده في يومين بس وتخلصيه وتفتخري بنفسك علشان كده ..ممكن بعد كده تتغري بنفسك ولو ده حصل اعتقد ان ثقتك بنفسك ممكن تهتز
انا بصراحه متلغبطه في معنى كل حاجه من الحاجات دي
اللي عارفاه ان فعلاً الواحد لازم يكون واثق من نفسه انه هيقدر يعمل كذا وكذا ومالوش دعوه بكلام الناس
انتي عندك أه شوية فخر وده من حقك علشان اللي وصلتي ليه لكن أعتقد ان تعاملك مع الناس مافيش فيه غرور خالص ... على فكره المغرور ده بيحب يبين انه أحسن حد وهو ولا حاجه وبيحب شويه يقلل من الناس اللي حوليه
ومنوراني بجد وهفتقدك الشهرين اللي هتغبي فيهم من النت .... شكراً جداً على التعليق
->@ رئيس جمهوريه نفسى
وعليكم السلام ورحمة الله وبركاته
كلامك مظبوط وأنا معاك
وضحت الفرق بين الاتنين بالمقارنات دي ربنا يكرمك
وأنا بجد بحاول أحافظ على كلام ماما .. تخيل الكلمه بقالها أكتر من11 سنه ولسه مش قادره أنساها لحد دلوقتي ... ونفسي زي مانت بتقول استخدم ذكائي اللي فرحانه بيه ده علشان ما اعديش الشعره الفرق بين الثقه و الغرور
شكراً على تعليقك.... والبوست اللي فات علق عليه براحتك طبعاً :)
->@ Soooo
أنا فعلاً كنت حابه اني أخاطر بس بس المشكله هل كنت هتحمل عواقب المخاطره ولا لأ
طبعاً الكلام ده مش على موقف زي ده ... قصدي عموماً يعني
بس أعتقد ان الثقه فيها نوع من المخاطره يعني لو كنت خاطرت ماكنش هيهمني مين هيقول عليه ايه لو طلعت صح ولا غلط
وده كلام د\ ابراهيم الفقي برضه مش كلامه بالظبط بس زي ماتقول كده تطابق مواقف استنتاج وتجميع مني يعني :)
أيوه الغرور فعلاً نرجسيه أو الأنا الاعلى :) أنا مادرستش علم نفس بس كنت بسمع أختي بتذاكر الأنا الأعلى ده
حلوه أوي سلخ الذات دي بجد شكراً على توضيحك لموضوع التواضح ده
:D:D:D لأ ولا لاسع ولا حاجه ماهو الكلام زي الفل أهو
شكراً كتيير على تعليقك ومنور البلوج
سلام :)
->@ A.Samir
أهلاً بيك :)
كلامك ده توجيه للثقه وبحترم كلامك ده بجد
بس المشكله بيني وبين نفسي مش بيني وبين الناس ومين شايفني ايه ومين بيقول ايه أنا ماليش دعوه بالناس المشكله في ضميري
شكراً على تعليقك :)
-->@ Ely maytsamash :P
الجمله دي انت اللي قلتها على فكره بس شكلك كده نسيت
بس انت متأكد ان مش مهم الواحد يكون مغرور!!!! أعتقد ممكن الغرور يأثر على الثقه بالنفس
لان ايمانا الداخلى بقدرتنا على تحقيق اهدافنا هو الدافع الرئيسى لنا فى السعى وراء تحقيقها
ايه الكلام الكبير ده :) بس بجد جمله رائعه
والكلام الأخير جميل أوي بجد
بس خلاص :)... شكراً كتييييييييييييييير على التعليق
-->@ كاميليا
والله يا بنتي ولا أنا كمان قدرت أقول حاجه بعد كلامه :$
كل سنه وانتي طيبه :)
شكراً كتييير على التعليق :)
->@ المهاجر
أهلاً بيك
أكيد طبعاً رضا الوالدين أحسن حاجه بعد ربنا
ودعوة الأم برضه
وشكراً كتيير علي رأيك وزيارتك وتعليقك :)
اذا أدرك الانسان انه في لحظة ممكن ينتهي يبقى حيتغر ليه ؟ في لحظة ممكن شوية سخونية يخلوه يهلوس يبقى حيتغر ليه لو استيقن أن فوق كل ذي علم عليم يبقى حيصدق غروره ازاي
الثقة بالنفس أن تعرفي حدود قدراتك على جميع المستويات فلا تبخسي نفسك حقها ولا تعطيها أكبر من حجمها
بس كده
الذكي عمره ما يكون مغرور
->@ L.G.
يا سلااام.. بجد كلام جميل أوي
ربنا يكرمك يارب :)
شكراً كتييييييير على التعليق
مممممممممم , الفرق بين الثقة بالنفس والغرور شعرة .. حد فاصل صغير خالص .. حركة يمين تتدخل الواحد أرض الثقة بالنفس , حركة شمال ويعدى الحد الفاصل ويدخل أرض الغرور .. بس الواحد مش ينفع يعيش من غير الثقة بالنفس , ولا هيعمل حاجة بالغرور .. الغرور بالونة هوا , هتفرقع مع أى شكة من دبابيس الحياة اللى منتشرة فى كل حتة دلوقت .. الغرور بنااااااااء ضخممممم لكن مالوش أساس ولا ليه محتوى .. تحته هوا وجواه فراغ .. وحتى لو كان بناء جيد لكن لو أصابه الغرور هتعتريه المشاكل والمصائب على أى حال بسبب الغرور .. المغرور عنده ادراك زااااااائد أوى عن حقيقته .. الواثق بنفسه بيعشق ويموت فى الادراك الحقيقى الكامل لذاته .. يعنى لا زايد عن حقيقته والا أقل منها , وبيعشق يوصل لناس دة .. حقيقته زى ما هى .. اما المغرور فعنده اعتداد بالنفس بلا داعى , أبسط شىء لا يمكن يقول "أنا اسف" لو غلط .. ازاااااااى يقول "انا اسف" !!!! .. لكن الواثق بنفسه عنده ايمان تام أنه لو قال "انا اسف" لو غلط , دة بيعلى منه مش بيقلل ولا حاجة
الخوف من الشعور بالغرور شئ جميل فى حد ذاته ؛ لأنه معناه أنك موغلة فى البعد عن أرض الغرور .. بعيدة عنها يعنى .. وشايفة حدودها كويس وانتِ فى أرض الثقة ...
بس الخوف من "الخوف من الشعور بالغرور" أنه يقلل ثقتك بنفسك وسعيك الدءوب لأدراكك الكامل لذاتك .. يعنى لازم يبقى فيه توازن بين الاتنين .. ومراقبة ذاتية لكلا الشعورين .. لو الواحد حس أنه فعلا هيجنح للغرور , يرجع نفسه تانى للتوزان .. ولو حس أنه مفتقد الثقة بالنفس , يحاول يزود أكتر منسوب الثقة بالنفس , ويدرب نفسه على كدة
بوست ممتاز على فكرة يا رحاب
->@ مبرمج حر
بجد شكراً حقيقي على توضيح الفرق
وشكراً انك طمنتني اني لسه في أرض الثقه ويارب فعلاً أكون عارفه حدودها فين وماعديهاش
شكراً ياأحمد .. وشكراً كتيييير عل ى الزياره الشريفه والتعليق
Post a Comment
قول رأيك