مش عارفه أقول إيه ولا أبدأ بإيه بجد
المواصلات العامه والميكروباصات دول حكااااااااااايه بجد
ايه الناس دي وايه الشوارع دي ... أنا ماكنتش عايشه في الدنيا على كده
الكلام ده كله واضح طبعاً انه مش مدح في الميكروباصات... اطلاقا مطلقاً
أنا كنت أعرف ان الواحد بيوقف الميكروباص ويعرف هو رايح فين ولو يناسبه يركبه ... يا نهار أبيض ده أنا كنت هبله بقى على كده :(
اللي اكتشفته ان أي حد بيركب أي حاجه ماشيه على اربع عجلات مش مهم كام مين فين ليه ... بصوا الحوار اللي جاي بين شخص من الحشد الرهيب اللي واقف مستني الميكروباص والساعه دلوقتي حوالي 8.45 صباحاً
الشخص: رايح فين يا استى؟
السواق: --صمت رهييييييب --
الشخص: السابع؟
السواق: توء
الشخص: رابعه؟
السواق: توء
الشخص: أول عباس؟
السواق: توء
الشخص: كلية البنات؟
السواق: توء
الشخص:مكرم؟
السواق: توء
الشخص: أومال رايح فين ؟؟؟
السواق: --صمت رهيب ومشي من قدام الراجل--ا
ايه ده بقى:|:| أنا فضلت بجد متنحه وبضحك والله وأنا في الشارع... هي الناس عندها استعداد تركب أي حاجه كده وخلاص ... وايه تناكة السواقين دي!!! والمصيبه انك لما تركب مش بينزلك في المكان اللي انت عايزه ... يعني ينزلك قبلها بكتيييييير مسافه كده محتاج لها تاكسي ... طيب ليييييييييييييه
وكلمة ان الميكروباصات واقفه والولد ينده والحياه حلوه وكده دي مافييييييش دي اشاعات :(
وياسلام بقى على اتحاد الشعب في كل مكان تنزل تلاقي حشد رهيييييييييب ... الشارع بيقف علشان كم الناس اللي بتعدي .... رغم ان الطريق اللي بعدي منه سريع بس الناس كلها بتعدي مره واحده يعني اللي مش بيعرف يعدي الشارع بيعديه مع الناس عادي ...
والتجمع بقى قدام الموقف أو المحطات ... اييييييه ده!!!!!!! ده احنا لو مافيش حريه ممكن يتقبض علينا بتهمة التجمهر -- لو كانت تهمه يعني مش عارفه-- ولما يجي بقى ميكروباص يجروا وراه والله من غير مايعرفوا رايح فين ويشوتوا اللي قدامهم مش مهم ميين اللي قدامهم.. والله ولد اتخبط من واحد حتة خبطه وبنت كانت هتقع .. علشان الكل بيجري وخلاص ... أنا بقى :))) مش عايزه أقولكم ... هو مافيش خبط ولا الكلام ده الحمد لله بس فيه اصابات والله في جسمي من أمن ونتانة الميكروباصات وقوة الناس التي لا تستغل الا في ركوب المواصلات
وأنا رايحه بقى الصبح... ست كبيره ركبت الميكروباص .. الولد الي بياخد الفلوس من الناس بيقول يا جماعه حد يقوم للست دي ... الناس ماردتش ولا عملت رد فعل حتي... الولد قال تاني: يا شباب يا جدعان حد يقوم للست الكبيره التعبانه دي ... واحد تكرم ورد وياريته مارد قاله: مافيش يا عم شباب جدعه هنا ... مش عارفه بصراحه انا الكلامه دي ودني اتسدت بعدها ماعرفش هي قعدت ولا لأ!!!!!!!!!!!ا
عارفين بقى طريق الترام ... اللي هي القضبان دي الله ينور عليكم.... الميكروباص علشان ينجز بيمشي عليها ... مش مهم بقى الترام جاي ولا لأ :( المهم مصالح الناس طبعاً ... متشكرين يا انكل سواق بصراااااحه
وقال أنا ايه كان شغلي الشاغل اني ازاي هقل السواق كلمة يا استى دي اللي مش بحبها خالص:( ولسه مش بقولها برضه... بس المشكله الأكبر اني اتعامل أصلاً مع الميكروباصات والمواصلات دي وابرمي يا أم خلف والكلام ده ... واضح اني محتاجه كورسات كتيييره.... أنا مش فافي على فكره بجد ولا حاجه بس فعلاً ماليش في الحاجات دي خالص
نكتفي بهذا القدر الحقيقه كفايه أوي كده ... ربنا يصبرني بقى
المره الجايه أقولكم على مكالمه هاتفيه حصلت لراكبتين في الميكروباص برضه ... والمواقف اللي بتحصل فيه.....والأغاني الحلوه اللي بسمعها كمان
سلام دلوقتي :)
المواصلات العامه والميكروباصات دول حكااااااااااايه بجد
ايه الناس دي وايه الشوارع دي ... أنا ماكنتش عايشه في الدنيا على كده
الكلام ده كله واضح طبعاً انه مش مدح في الميكروباصات... اطلاقا مطلقاً
أنا كنت أعرف ان الواحد بيوقف الميكروباص ويعرف هو رايح فين ولو يناسبه يركبه ... يا نهار أبيض ده أنا كنت هبله بقى على كده :(
اللي اكتشفته ان أي حد بيركب أي حاجه ماشيه على اربع عجلات مش مهم كام مين فين ليه ... بصوا الحوار اللي جاي بين شخص من الحشد الرهيب اللي واقف مستني الميكروباص والساعه دلوقتي حوالي 8.45 صباحاً
الشخص: رايح فين يا استى؟
السواق: --صمت رهييييييب --
الشخص: السابع؟
السواق: توء
الشخص: رابعه؟
السواق: توء
الشخص: أول عباس؟
السواق: توء
الشخص: كلية البنات؟
السواق: توء
الشخص:مكرم؟
السواق: توء
الشخص: أومال رايح فين ؟؟؟
السواق: --صمت رهيب ومشي من قدام الراجل--ا
ايه ده بقى:|:| أنا فضلت بجد متنحه وبضحك والله وأنا في الشارع... هي الناس عندها استعداد تركب أي حاجه كده وخلاص ... وايه تناكة السواقين دي!!! والمصيبه انك لما تركب مش بينزلك في المكان اللي انت عايزه ... يعني ينزلك قبلها بكتيييييير مسافه كده محتاج لها تاكسي ... طيب ليييييييييييييه
وكلمة ان الميكروباصات واقفه والولد ينده والحياه حلوه وكده دي مافييييييش دي اشاعات :(
وياسلام بقى على اتحاد الشعب في كل مكان تنزل تلاقي حشد رهيييييييييب ... الشارع بيقف علشان كم الناس اللي بتعدي .... رغم ان الطريق اللي بعدي منه سريع بس الناس كلها بتعدي مره واحده يعني اللي مش بيعرف يعدي الشارع بيعديه مع الناس عادي ...
والتجمع بقى قدام الموقف أو المحطات ... اييييييه ده!!!!!!! ده احنا لو مافيش حريه ممكن يتقبض علينا بتهمة التجمهر -- لو كانت تهمه يعني مش عارفه-- ولما يجي بقى ميكروباص يجروا وراه والله من غير مايعرفوا رايح فين ويشوتوا اللي قدامهم مش مهم ميين اللي قدامهم.. والله ولد اتخبط من واحد حتة خبطه وبنت كانت هتقع .. علشان الكل بيجري وخلاص ... أنا بقى :))) مش عايزه أقولكم ... هو مافيش خبط ولا الكلام ده الحمد لله بس فيه اصابات والله في جسمي من أمن ونتانة الميكروباصات وقوة الناس التي لا تستغل الا في ركوب المواصلات
وأنا رايحه بقى الصبح... ست كبيره ركبت الميكروباص .. الولد الي بياخد الفلوس من الناس بيقول يا جماعه حد يقوم للست دي ... الناس ماردتش ولا عملت رد فعل حتي... الولد قال تاني: يا شباب يا جدعان حد يقوم للست الكبيره التعبانه دي ... واحد تكرم ورد وياريته مارد قاله: مافيش يا عم شباب جدعه هنا ... مش عارفه بصراحه انا الكلامه دي ودني اتسدت بعدها ماعرفش هي قعدت ولا لأ!!!!!!!!!!!ا
عارفين بقى طريق الترام ... اللي هي القضبان دي الله ينور عليكم.... الميكروباص علشان ينجز بيمشي عليها ... مش مهم بقى الترام جاي ولا لأ :( المهم مصالح الناس طبعاً ... متشكرين يا انكل سواق بصراااااحه
وقال أنا ايه كان شغلي الشاغل اني ازاي هقل السواق كلمة يا استى دي اللي مش بحبها خالص:( ولسه مش بقولها برضه... بس المشكله الأكبر اني اتعامل أصلاً مع الميكروباصات والمواصلات دي وابرمي يا أم خلف والكلام ده ... واضح اني محتاجه كورسات كتيييره.... أنا مش فافي على فكره بجد ولا حاجه بس فعلاً ماليش في الحاجات دي خالص
نكتفي بهذا القدر الحقيقه كفايه أوي كده ... ربنا يصبرني بقى
المره الجايه أقولكم على مكالمه هاتفيه حصلت لراكبتين في الميكروباص برضه ... والمواقف اللي بتحصل فيه.....والأغاني الحلوه اللي بسمعها كمان
سلام دلوقتي :)
28 comment(s):
يبقى انت أكيد ..أكيد في مصر
بالنسبه لحته الست الكبيرة انا عايز أقول حاجة..
طبعا إلي قال مفيش جدعان دة لا مؤاخذة يعني مش راجل .. لو تعبان اوي وحرقك القاعد اقعد واسكت ايه لزمة الكلام دة؟؟
هو إحنا كمصريين بدأنا فعلا نفقد هويتنا للأسف الشديد
تحياتي
bsra7a sad2o el shewaya elly kano by3'ano song " Yeb2a anta akid akid fi masr ". No Comment 3ashan ana lsany tawel
موضوعك صح جدا ودى حاجه من الحاجات اللى بتلفت نظرى وبتحسبن فيها
والاصعب لو اتوبيس بقا !!
لان الواحد بيمر ب 3 مراحل
اول حاجه يكافح كفاح مريرعشان يركب ولو برجل واحده
تانى حاجه يحاول على قد ما يقدر انة ياخد وضع وهو واقف والا هيقع هيقع منه وتالت حاجه واصعبها .. انك تنزل فى محطتك بسلام !!
ويمكن عشان كدا بقيت خلاص بركب المترو وبحاول اسهل على نفسى بس الواحد بقا حتى فى المترو بيعانى من العبط اللى بنشوفه
مش عارف اقول ايه تانى غير
ربنا يسهل والدنيا تتصلح بقا
المكيروبصات دى مصيبة اصلا , انا من يومين كده وانا راجع من الشغل ركبت مكيروباص المسافه المفروض نص ساعه , المهم انا اول ما دخلت المنتدى الميكروباصى من جوه , وناس قاعده وناس بتيبع حاجات وناس مش طايقه عشيتها , والجميل فى الموضوع بقى ان السواق كان غاوى فن , وبيسمع رائعه من روائع الفن المصرى والعربى والعالمى لفنان شعبى ماعرفش اسمه , انا صدعت من الاغنيه بالظبط بعد 5 دقايق , وقلت اكيد انا باتدلع ومش عارف ايه , لقيت نص الميكروباس فى اللحظه دى كله مصدع وبيزعق , ياسطه خفض الصوت طيب وهو ابدا , يا عم نبوس ايدك صدعنا , وهو عنده رساله بيأديها على اكمل وجه تقوليشى بنقوله اقتل ابنك
محطتين كمان كده لاقيناه دخل سباق دولى وافتكر نفسه مايكل شوماخر ويقول العربيه مش مساعدانى لو معايا العربيه التانيه كنت ظبطته بس الحق يتقال كسب السبق والحمدلله وصلت البيت وانا دماغى هاتنفجر من الصداع
وحاجات من ده كتير كل يوم
تحياتي
في رأيي ...أن ما نحن فيه تراكم لتخبط حكومي ممتد من عقود...و سيظل هذا التخبط...طالما لا توجد خطة شاملة للتنمية...التنمية البشرية و الجغرافية..و الديموجرافية و الاقتصادية، كل الوزارات التي جاءت و رحلت..و الحالية..كل همها اليوم و ليس
الغد او بعد الغد....يعني تصريف عمل المسؤولين يوم بيوم.....
المدن الجديدة ...معظمها مغلق...هل تتذكري موضوع نقل الوزارات الي خارج القاهرة...اين هو....
هل يمكن نقل مجلسي الشعب و الشوري خارد القاهرة....مجلس السكان و المحكمة الدستورية العليا علي كورنيش النيل بين القاهرة و المعادي....لماذا؟ لماذا ليس في مدينة بدر مثلا و توفير السكن و المعيشة لموظفي هذه الجهات...
اعتذر عن الاطالة...و ندعوا الله ان يهييء الخير لمسؤولينا و يعينهم عليه.
تحياتي و تقديري...
اللي عاجبني ف الكلام ده إنه مهم، ومهم جدًا ، إذ أن للكاتب والمفكر الكبير (جلال أمين) كتاب اسمه وصف مصر في القرن العشرين، كل ما فيه هو عبارة عن صور ومشاهدات حياتية واقعية، ووجهة نظره فيها ، فقط بأسلوبه المميز، وبسخرية أحيانًا ، ثم بالفصحى طبعًا
.
.
قريبًا ستتحول المدونات إلى وصف مصر
شكرًا لكِ
في يوم
قررت ان اكون اول شخص يركب الميكروباص
رغم الامة التى تظاهرت فى مظاهرة غير سلمية بالمرة
تعبيرا عن حبهم للوصول الى اعمالهم و لو لمرة يتيمة فى مواعيده الرسمية
و بالفعل
تربصت باول ميكروباص وصل بعد ان قررت ذلك القرار
اي بعد نصف ساعة
و حددت بالظبط المنطقة المرجح الوقوف بها
و انتظرت هناك
و في اللحظة الحاسمة
انفتح باب الميكروباص
و دلفت الى الداخل فى خفة و مهارة احسد عليها
و في الداخل هالني ما رأيت
كنت بالفعل اول رجل يدخل الميكروباص
و ظللت الوحيد الذي تواجد داخله لمدة خمس دقائق كاملة
اذ ان المتزاحمين قد انحشروا في الباب و ظلوا كذلك خمس دقائق كاملة لا يستطيعون الدخول
لم يكونوا فى حاجة الى التقدم
لان الحشود الغفيرة ورائهم كانت تقوم بالواجب و زيادة
و بعد انتهاء مدة الحشر
انفجرت ماسورة من البشر في وجهي
اذكر انني خرجت من الشباك وقتها و ذهبت للنوم
و حلمت اننى املك ميكروباصا اذهب به الى عملي يوميا
قصة حقيقية
آسف للأطالة
رحاب I MISS YOUUUUUUU
وحشتينى بجددددددد جداااااا الله يخرب بيت ITZEFTTTTTTTTT
انا مقرتش الموضوع كله بس لمحت نداله و رزاله :D
و مدينة نصر ف قولت اعدى اسلم بس و هبقى ارد على الموضوع بعدين
Salaaaaaaaaaaaaam ;)
Engyyy
عندك حق بجد اصل الغنى حاليا من يمتلك تاكس او ميكروباص
نفس المشكله دي بقت في كل مكان
في كل مصر
الناس اللي قاعده ولزقه في الكرسي
ولا تقوم لكبير ولا لمريض
واللي بيدخن واللي ...حاجات كتير
طريقتك حلوة أوى
خصوصا السواق اللي عمال يطقطق ده
طيب ما كان يقول جمله مفيده
في انتظار باقي السلسله عن الميكروباص
مغامرات رحاب في الميكروباص
أكيد هتكون جميله إن شاء الله
وإن كان شر البليه ما يضحك
تحياااااااتي
7`alas law mish 3agbek matrkbeesh :P
عادى وانا لما بقول لصحابى انى فى القاهره باخد تاكسات او مترو بيبصو ليه جزرا وعنبا وبيقولو عليه مبزر بس والله الى بشوفه فى البلد من بتوع الميكروباص خلانى محاولش اركبه فى اى مكان تانى
->@ Ahmed Mubarak
أنا مش عارفه بجد في ناس كده تحب تتكلم وخلاص مع ان الكلمه تمسه هو أولاً لأنه قاعد وبيقولها يعني بيشتم نفسه أصلاً
عندك حق... بدأنا نفقد الجدعنه والشهامه والحاجات اللي كنا بنسمع عنها دي
->@ Ahmed Samir
SOSY :D Ahlan ahlan
طيب كويس ان no comment
ربنا ستر :))
->@ Moataz
أهلاً بيك :)
والله كله فعلاً صعب ... الحمد لله كمان اني مش بركب اتوبيس
وبالنسبه ليكم بصراحه الله يكون في عونكم يمكن ايد أو رجل بس اللي بتركب وباقي جسمكم بيكون بره في الهواء كده
والله أنا بحب المترو رغم كل شيء .. بس للأسف ماليش علاقه بيه دلوقتي
ان شاء الله ربنا يسهل :)
شكراً بجد لتعليقك
->@ Ely maytsmash :P
يعني بلاش يسمع يعني الفن الاصيل ده
السباق ده أساسيييي يابني هي دي روح التحدي ... بس المهم انك وصلت لبيتك الحمد لله
هو مين مايكل شوماخر ده :-؟
->@ الربان
أمين يارب العالمين :)
شكراً لتعليقك وزيارتك
->@ إبراهيم معايا
الله يكرمك ... المدونات بتوصف فعلاً من وجه نظر المدون نفسه كل واحد بيشوف حاجه بيتكلم عنها... كل واحد عايش في مكان بيتكلم من وجهة نظر المكان اللي هو فيه
شكراً لك على التعليق :)
->@ Rain Man
:D:D:D:D:D:D:D:D:D
بجد أول لما قريت التعليق ضحكت جداً جداً :)))
طريقة سردك للموضوع مشكله بجد :))))
طيب وليه تمتلك ميكروباص ؟ هي عقده ولا ايه :))) مالها العربيه :)))ا
شكراً بجد للتعليق
->@ Engy
Enjoooooooy w7shteny f3ln bgd bgd bgd
عرفتك من أول ماقولتي ITSEEEFT :D
عارفه انك مش هتردي بعدين ولا حاجه :) الله يكون في عونك والله بجد ربنا معاكم
المهم انك جيتي وعديتي تسلمي ونورتي البلوج زي زمان
Salaaam :)
->@ صوت من مصر
:) حتى التاكسي بقى عمله نادره ومش مضمون
شكراً لتعليقك وزيارتك الأولي
->@ Salwa
أنا بحس ان الناس اشترت الكرسي والله
واللي بيدخن مش بيحترم حد خالص وبيأذي اللي حواليه ... واللي بيطقطق ده تنك اويي :(
في والله مغامرات كتييير ولسه جايه كتيير وشر البلية ما يضحك فعلاً
شكراً بجد على تعليقك :)
->@ Mohammed Magdy
Okay ya Moga ana hb2a aklmk tegy twslny :P
->@ رئيس جمهورية نفسي
والله أحسن انك ماتركبوش برضه ... خليك في المترو بجد أرحم كتيييييييييييييييييييييييييير
شكراً يا ريس على تعليقك :)
ههههههههههههههههههه
انتى ياروبى حرقاكى الميكروباصات اوى
انا كنت زيك كده
وصممت انى اخد العربيه بقى خلاص
وان اصنع قرارى بيدى ومكنش تحت رحمة سواق
بس برده وانا بسوق لسه خانقنىىىىىىى
يعنى هما مصدر شر ع الراكبين وكل اللى ف الشارع
ياسلام ع الدنيا م غير سواقين
وااااااااو
->@ د/اجدع بنوته
ماهي المشكله ان العربيات كمان مش بتنفع .... كل حد بيكون فاكر انه هيرتاح لما يجيب عربيه لكن الزحمه هي هي
الدنيا من غير عربيات مش من غير سواقين هتبقى جميله ونظيفه جـــــــــــداً
شكراً بجد للتعليق والزياره
هههههههههههههه
والله أنا ما قدرتش أمسك نفسي من الضحك يمكن دي أول مره أدخل عندك المدونة بس بصراحة عرض جيد للمشكلة بتاعة الميكروباصات.
أنا عندي موقف غريب شوية كنت مروح من الشغل وواقف في محطة كوبري الخشب اللي هي محطة مترو البحوث والناس هناك زي النمل ما تتواصاش المهم كل عربية تيجي تلاقيها مليانه على الآخر وبرضه السواء عمال بيحمل فمرة واحدة جت عربية فاضية يادوب السواق فكر يقف بس لقى الناس هجمت عليه زي التتار الغريب بقى إن الناس ما كانتش بتركب من الباب بس الناس اللي ما عرفتش توصل للباب وصلت من الشباك كان شكلهم مضحك جدا مع إني كنت مستعجل ما فكرتش أركب لأني طبيعتي ما بحبش أجري ع العربيات أستنى لما تقف وأركب براحتي دي مش تناكة بس أنا طبيعتي كده والأغرب من كده إن الناس كان شكلها يضحك فأول حاجه فكرت فيها مش إني أحاول أركب زي كل الناس ما جريت على العربية علشان تركب أول حاجه فكرت فيها كان إني أطلع الموبايل من جيبي وأصور المشهد والناس بتركب من الشباك كان منظر تحفة. كفاية كده..
->@ عايش مع إيقاف التنفيذ
فعلاً هو ده حال الميكروباصات
على فكره أنا كمان مش بحب أجري ورى العربيات
وكتيييييييير شوفت مشهد الشباك ده والناس اللي بتركب منه مع انه ميكروبااااااص وبرضه بيركبوا من الشباك ازاي ؟؟؟؟؟؟ مش عارفه
شكراً لزيارتك وتعليقك بجد :)
Post a Comment
قول رأيك