بصوا بقى يا بنات وياولاد صلوا على النبي كده... عليه الصلاة والسلام ... الأول أي كلمه هتتقال مش مقصود بيها أي تعميم
قولولي بقى .... ايه موضوع الحجاب ده ... وايه نظرية البنات في لبسها الغريب العجيب ده ... وايه الالوان الفاقعه والمستفزه دي ... راح فين الذوق يا جماعه
هقولكم عينات من نوعيات مختلفه من البنات
بنت بتبقى ماشيه محجبه --يعني ايه هنا كلمة محجبه يا ولاد؟؟ يعني مغطيه شعرها بــــــس و100 خط تحت شعرها بس دي --.... المهم ..في الشتاء لابسه بوت وعليه جيب وبين الجيب والبوت رجليها باينه .... ايه يا جماعه ماهي مغطيه شعرها مافيهاش حاجه واحتمال وأكيد ان اللي فوق الجيب بادي .... في الصيف بقى نفس البنت المحجبه دي أيوااااان هي هي لابسه بانطلون برمودا أو حاجه كده مالهاش لازمه وفوقها أي حاجه كده مالهاش لازمه برضه... ماهو شعرها متغطي والدنيا حر برضه لازم نراعي الظروف
بنت تانيه بقى... محجبه أيوا أيوا ... لابسه بادي قصير وتحتيه الجيب ذات الوسط الساقط وبين االبادي والجيب انتوا عارفين يا بنات ايه اللي بيتلبس ونسبه كمان من الشباب عارفين ...علشان ظهرها مايبانش ماقولناش حاجه ... مع اني بــكـــرهه المنظر ده أوييي ... وممكن تكون حاطه خليط من البرفانات على شوية جبنه لكن ايه تيجي تسلم عليها يابني تقولك لأ معلش أنا مش بسلم .... يعني هي جات على دي ... طيب ايه حكم اللي انتي لابساه والبرفان ده وحكم السلام معلش يعني... يعني أهلك قالولك ماتسلميش على حد علشان حرام وماقالوش حرام البرفان ولا ايه أفهمها دي .... شوفت نوعيات كتيير كده
بنت تالته بقى... يووووه أيوه محجبه ... لابسه ألوان أعوووووذ بالله ... غالباً بيكون بنفسجي --مش مووف ها-- بــنــفــســجــي على أصفر وغالباً البادي أصفر والبادي اللي فوقيه بقى بنفسجي ... أو أخضر ... أخــــــضــــــر أخضر مش أي كلام يعني على أصفر برضه أو بـــرتـــقـــالي ... كله حاجات فاقعه كده وكلها حاجات من نوع بادي بـــــادي بادي يعني مش أي كلام برضه... والحجاب بيكون في فوق الشعر كده حاجات كده مكلكعه ومن نفس الألوان .... يا نهاري على التلوث البصري يا جدعان ايه ده ... الكارثه ان اللي بتعمل كده سوري يعني مليانه شويه ... برضه مع نوعيات البرفانات .... ولو كلمت واحده تقولك ماهو ماحدش بيشمه غيري مايعرفوش ان بعد فتره هي بتتعود على رائحة نفسها لكن اللي جنبها بيشمه وده حرام ولو أنا غلطانه حد يقولي
غير البنات المحجبات برضه ... اللي بتحب تسيب ظهرها باين عاااااادي وبتكون عارفه ان ظهرها باين
السؤال بقى لـيـــــــــه كل ده ؟؟؟ ....لو كان لفت نظر الشباب بس دي نسبه قليله ..... أنا أعتقد ان الكلام ده أه يلفت نظر الشباب بس بالسلب مش بالايجاب
ياعني مافتكرش ان الشباب بيبصوا للبنات دي نظره كويسه واللي متأكده منه بقى ان مافيش بنت بتبص للبنت دي نظره كويسه خااالص يبقى ليه بقى ؟؟؟؟ لو تفكير غلط مافيش مشكله ان الواحد يغير تفكيره للصح لو أنا اللي غلط أنا بعتذر على البوست كله
راعو ربنا بجد
ملحوظه:: اعتبروني مش أنا المره دي
قولولي بقى .... ايه موضوع الحجاب ده ... وايه نظرية البنات في لبسها الغريب العجيب ده ... وايه الالوان الفاقعه والمستفزه دي ... راح فين الذوق يا جماعه
هقولكم عينات من نوعيات مختلفه من البنات
بنت بتبقى ماشيه محجبه --يعني ايه هنا كلمة محجبه يا ولاد؟؟ يعني مغطيه شعرها بــــــس و100 خط تحت شعرها بس دي --.... المهم ..في الشتاء لابسه بوت وعليه جيب وبين الجيب والبوت رجليها باينه .... ايه يا جماعه ماهي مغطيه شعرها مافيهاش حاجه واحتمال وأكيد ان اللي فوق الجيب بادي .... في الصيف بقى نفس البنت المحجبه دي أيوااااان هي هي لابسه بانطلون برمودا أو حاجه كده مالهاش لازمه وفوقها أي حاجه كده مالهاش لازمه برضه... ماهو شعرها متغطي والدنيا حر برضه لازم نراعي الظروف
بنت تانيه بقى... محجبه أيوا أيوا ... لابسه بادي قصير وتحتيه الجيب ذات الوسط الساقط وبين االبادي والجيب انتوا عارفين يا بنات ايه اللي بيتلبس ونسبه كمان من الشباب عارفين ...علشان ظهرها مايبانش ماقولناش حاجه ... مع اني بــكـــرهه المنظر ده أوييي ... وممكن تكون حاطه خليط من البرفانات على شوية جبنه لكن ايه تيجي تسلم عليها يابني تقولك لأ معلش أنا مش بسلم .... يعني هي جات على دي ... طيب ايه حكم اللي انتي لابساه والبرفان ده وحكم السلام معلش يعني... يعني أهلك قالولك ماتسلميش على حد علشان حرام وماقالوش حرام البرفان ولا ايه أفهمها دي .... شوفت نوعيات كتيير كده
بنت تالته بقى... يووووه أيوه محجبه ... لابسه ألوان أعوووووذ بالله ... غالباً بيكون بنفسجي --مش مووف ها-- بــنــفــســجــي على أصفر وغالباً البادي أصفر والبادي اللي فوقيه بقى بنفسجي ... أو أخضر ... أخــــــضــــــر أخضر مش أي كلام يعني على أصفر برضه أو بـــرتـــقـــالي ... كله حاجات فاقعه كده وكلها حاجات من نوع بادي بـــــادي بادي يعني مش أي كلام برضه... والحجاب بيكون في فوق الشعر كده حاجات كده مكلكعه ومن نفس الألوان .... يا نهاري على التلوث البصري يا جدعان ايه ده ... الكارثه ان اللي بتعمل كده سوري يعني مليانه شويه ... برضه مع نوعيات البرفانات .... ولو كلمت واحده تقولك ماهو ماحدش بيشمه غيري مايعرفوش ان بعد فتره هي بتتعود على رائحة نفسها لكن اللي جنبها بيشمه وده حرام ولو أنا غلطانه حد يقولي
غير البنات المحجبات برضه ... اللي بتحب تسيب ظهرها باين عاااااادي وبتكون عارفه ان ظهرها باين
السؤال بقى لـيـــــــــه كل ده ؟؟؟ ....لو كان لفت نظر الشباب بس دي نسبه قليله ..... أنا أعتقد ان الكلام ده أه يلفت نظر الشباب بس بالسلب مش بالايجاب
ياعني مافتكرش ان الشباب بيبصوا للبنات دي نظره كويسه واللي متأكده منه بقى ان مافيش بنت بتبص للبنت دي نظره كويسه خااالص يبقى ليه بقى ؟؟؟؟ لو تفكير غلط مافيش مشكله ان الواحد يغير تفكيره للصح لو أنا اللي غلط أنا بعتذر على البوست كله
راعو ربنا بجد
ملحوظه:: اعتبروني مش أنا المره دي
38 comment(s):
بصى مقدرش اقول غير لا حول ولا قوة الا بالله
اكيد الاشكال الى بتشوفيها زى الاشكال الى عندنا فى جامعه المنصورة بجد حاجة تحزن انا كل ماشوف بنات بيبدعو كده فى الحجاب بحزن من منظرنا قدام الغرب والاخرين انهم نجحو فى تحقيق أهدافهم وبحزن على الضعف الدينى الى وصلناله وبحزن ان فى امهات بتسيب بناتها كده وبحزن ان دول بردو هيكونو امهاات ومملكش غير الدعاء بالهدايه وانى احمد ربنا على نعمه الاسدال
انا بتكلم ع الاشكال البشعه الى بشوفها 5 طرح مع بعض جميع الالوان على برمودا او استرش كارينا وبلاوى يعنى مش عارفه جايين على نفسهم كده ليه
ربنا يستر الايام الجايه
هوا انت مش واخده بالك من حاجة ..ديه ناس عندها مبدأ
دول عايزين يرضوا ربنا وعباده
وربنا يهدي
bosy howa tab3an kol da 3`alat akeeeeeed bas ana ra2ye law heya 3agbha keda we far7ana keda 7`alas bera7tha 3ashan mish hat2dary temn3y kol wa7ed mn eno ye3mel 7aga 3`alt aham 7aga enha matkontsh betdor elly 7awaleha ya3ny law mish 3agbaky maslan matbosesh 3aleha we rabena elly hay7sbhom
تصدقي بوست فعلا بيتكلم عن حاجات مستفزه
والصوره وضحت الموضوع ببساطه واجادتي اختيارها
عن نفسي شايفه ان الوسطيه في كل شئ جميل
في اللبس والالوان
اما بقي الازدواجيه الفكريه مرض
ياريت البني ادم ميحاولش انه يخاد المرض ده ويعيش بيه
تحياتي
ههههههههههه
امال نعتبر مينم يعنى اللى كتب البوست
المهم
شوفى يا ست الكل
مشكلة زمننا دة ان المنظر مش بيعبر عن اى حاجة يعنى اى؟
يعنى بتلاقى البنت بالمنظر اللى اتكلمتى عليه دة وتلاقيها عندها حفنة مبادء وقيم متعرفيش جبتهم منين
تشوفيها تقولى عليها سافلة بس لو عاملتيها كتير بتلاقيها مش بالسفالة اللى انتى فاكراها
زى الشباب مهو الشباب برضه بيسقط البنطلون وبيسقط التيشيرت كمان بس لو عاملتى الشاب دة هتلاقيه بنى ادم مش اى حاجة تانية
بدليل هههههههههههه ان اللى بيكتب الكلام دة بيسقط البنطلون
واكيد انتى فاكرانى بنى ادم
ثم انتى غلطتى فى حاجة ان الشباب مش بيحترمو البنت اللى بالمنظر دة
مين قالك كدة
انا وباسم كل شباب مصر بقولك اننا نحترمها ونقدرها جدا جدا جدا
امال هنحترم مين يعنى؟
هنحترم الخمارات
وللااللى بتلبس نقاب اللى مش عارفنلها وش من قفا
شوفى يا رحاب احنا بنقدر البنت بمقدار جديتها
الصورة اللى انتى بتتكلمى فيها دى برضه مش جادة اوى يعنى علشان كدة مش بنحترمها اوى
ازاى يعنى تلبس برمودا وفوقيه حجاب
مهو دة عدم الجدية
احنا كننا هنحترمها اوى لو ملبستش حجاب اصلا
اخيرا بقى
انتى اتكلمتى بتمعن اوى على فكرة وبدرجة كبيرة من الصراحة انا شايف انها مش ظريفة لان مدونتك مش مدونة حريمى فقط دى مدونة حريمى ورجالى واطغالى وكل حاجة
خالص مالص تحيااااااااااتى ويا رب مكنش طولت وتقلت ورخمت وغلست
احمد (no chance)
اه السخريه ديه :) موضوع شيق يعني حلو بجد تعبيرك فيه كان رائع اجدتي اسلوب التريئه والله انا برضه لما بروح بعض المناطق بشوف مفهوم جديد للحجاب
حاجه كده حجاب نص كم :)
وده فعلا شوفتوا في جامعه المنصوره انا بعتز جدا جدا بجامعه المنصوره ياريتني كنت هناك او يارتني كنت نجحت الترم الي فات فالمستر كنت كملت بس يالا ربنا باليني بحلوان :) ربن منعم عليا بيها طبعا :) :) :)
والله فعلا انا لما باشوف المناظر دي باستغرب
بس اكتر حاجة عجبتني ان الاستغراب ده يجي من واحدة بنت يعني معنى كده ان هما كمان بيتأذوا لما يشوفوا المناظر دي
واحيكي على احترامك لنفسك وربنا يكملك بعقلك يارب وان كان كامل يزودلك شوية ههههههههه
تحياتي
->@ هوندا
أنا سمعت حاجات عجيبه بصراحه على جامعة المنصوره
والله يابنتي البنات دي عملت لنا سمعه مش لطيفه واللي نفسي أفهمه ازاي أهلها يسيبوها تخرج كده وهي هتبقى أمبرضه وتسيب بنتها تنزل كده وتفرح بيها
أنا شوفت واحده محجبه من ضمن الوحايد اللي بشوفها ولابسه جيب قصيره ومفتوحه :( يعني بجد ايه ده !!!! ليه كده يعني
ربنا يهدي ان شاء الله ويستر بجد
->@ Ahmed Mubarak
ونعم المباديء بصراحه يا باشمهندس أحمد
ربنا يهدي :)
->@ Mohammed Magdy
يعني هي كده مش بتضر اللي حواليها !!!!!! يمكن
بس من حيث الذنوب اللي بتشيها للناس والتلوث البصري اللي بتعمله ده ايه
أنا مش ببص عليهم الا علشان هما فعلاً ملفتين ويستفذوا أي عين
ياللا مش مشكله ربنا يهدي
->@ Coca
أهلاً بيكي في أول زياره وأول تعليق
أشكرك جــداً
والله معاكي حق .... وموضوع الازدواجيه الفكريه ده بلاحظه كتير بجد تلاقي كل واحده بتتكلم عن الدين كأنها شيخه وتبصي ليها تلاقيها حاجه تانيه خااااااالص
أشكرك بجد على رأيك ومشاركتك... يارب ماتكونش أخر زياره:)
->@ No Chance أحمد
بغض النظر عن اللفظ اللي أنا مش باحبه ده خااالص :)
انت ماخدتش بالك من حاجه مهمه ف أول البوست . الأول أي كلمه هتتقال مش مقصود بيها أي تعميم
طيب أنا المفروض أسألك بتحترمها دي يعني ايه ؟؟؟ ... لكن انت بتقول انك بتسقط البنطلون يعني ماعندكش مانع بنفس المنطق انك تتجوز واحده من البنات دي ...
زي ما قلت انك بتسقط البنطلون .. يعني ببساطه في احتمال انك تقبل واحده من دول كزوجه ليك وام لاولادك ..
لان ده في البنات بيعادله ده في الولاد من وجهة نظرنا كبنات .. فأنا مش هسأل ممكن تحترمها ازاي ..
ومش هسألك ليه مش بتحترم اللي لابسه نقاب ولا خمار بس زي ما انت مش بتحترم بتوع النقاب انا برضو مش بحترم بتوع الباديهات ..
ومش كل الشباب على فكره بنفس رأيك ده ...
والصوره دي هي فعلاً نوعية البنات اللي بتكلم عنها بالظبط حجاب وبرمودا... والبنات اللي أنا بشوفها فعلاً
وزي ماقلت قبل كده اني مش بعمم ... عارف لو أنا أعرف واحده تفكيرها محترم وبتلبس كده وجيه واحد سألني عليها لسبب ما وليكن انه عايز يتقدم ليها هقوله انها كويسه جداً بس مشكلتها لبسها .... مهما كانت برضه هتفضل مشكلتها لبسها ....
دي وجهة نظري الشخصيه
وأخيراً بقى :) ..... المدونه مش مصنفه والبوست مش مكتوب عليه للنساء فقط بالعكس خالص أنا كنت عايزه أعرف رأيكم ايه انتوا الشباب ... والفكره مش ظريفه :) أشكرك انك قريت وعلقت ومش لازم كل اللي أكتبه يكون ظريف أو يعجب كل الناس في كل مره دي حاجه عاديه جداً
أشكرك كتيير ويارب ماكنش أنا كمان طولت ورخمت وغلست :)
منورني يا أحمد
->@ Ramy Mahrous
ايه ده !!!!!!!! مش ممكن مش معقول ومش مصدقه عنيا .... رامي محروس ومن غير رخامه بيعلق عندي :| طب ازايييي ... ايه ده ايه ده :| ده كمان بيشكر في البوست لأ انت مش رامي قول انك مش هو
بس قولي يرامي ... هو ده رأيك بالنسبه للموضوع ده وجامعة المنصوره ولابتهزر ؟؟؟
بقى كده يارامي ... ربنا باليك بجامعة حلوان يابني ده انت من غيرنا ماكنتش هتبقى رامي محروس ... افرض انك كنت في المنصوره ... ماكنتش هتعرف تركز في ولا مشروع ولا هتنجح احنا كنا بنطلعك بمواد كده على خفيف :))
أخيراً يا باشمهندزززز ... أنا بقول ان التعليق ده من أوله لأخره كده غير صادق :)) واجزم بذلك
أشكرك يا كابتن رامي TENEK :P
->@ Hero
على فكره البنات أكتر الناس مستفذين (بفتح الفاء) من الموضوع ده لأنها بنت ومحجبه وبتسيء لمنظرها وسمعة الحجاب من الأخر كده
ربنا يكرمك :) أشكرك كتييير بجد على التعليق والزياره والمتابعه والمشاركه :) والحاجات دي كلها
يا رحاب
معلش هعلق تانى بس هنجز
شوفى انتى فهمتى قصدى غلط
انا مكنش قصدى اننى ادافع عن البنات دى انا بس قصدى ان الشكل مش حاكم على اى حاجة الا لو كانت البنت شكلها مثير للاستياء يعنى لان كتير من البنات والشباب بسلبسو كدة علشان ميحسوش انهم اقل من حد وعلشان يكون شكلهم طبيعى وسط اصحابهم
بس
ولما بقولك مدونة حريمى انا طبعا بهزر لان انتى عارفة ان مدونة من المدونات الغالية عندى يعنى
وانا مش عارف اى اللفظ اللى مزعلك دة
سلام
->@ No Chance أحمد
كلمة سافله ... دي أنا مش بحبها خالص بصراحه :)هي مش بحبها كده وخلاص مش عارفه ليه
وأنا كمان بجد ماكنش قصدي تعميم ... في بنات منهم افكارها محترمه وكل حاجه وزي ماقلتلك لو جيه حد سألني عليها هقول ايه
وعلى فكره أنا مش مع موضوع اني البس زي اصحابي علشان أكون شكلي طبيعي بينهم وبس
ماهو كده مش طبيعي قدام نفسي ولا الناس ولاربنا
وبجد شكراً على التوضيح وعلى كلامك على المدونه :)
سلام
ازيك يارحاب
اخبارك ايه؟
مش زعلانه يابنتى اان عارفه انك كنتى مشغوله فى الامتحانات
انا اللى مقصره معاكى بس بقالى فتهر مش متابعه زى الاول
***********************
اما بالنسبه للبوست فبجد انىت معاكى حق فى كل كلمه
شئ مستفز جدا اللى ببيحصل
وللاسف يقولك شوف اهى محجبه
يالا ربنا يهدى
يارب تكونى بخير
->@ Ra7eel
الحمد لله:) أنا تمام
بس على فكره الموضوع مش موضوع امتحانات أنا متخرجه :) بس المشكله فعلاً اني مش فاضيه كتير
وانتي مش مقصره ولا حاجه :)
/*-----------*/
ربنا يهدي يا ساره :) ان شاء الله هيهديهم
أشكرك كتيييييير
معلش تالت تعليق
يا ريت متنشريهوش
انا بس جاى اقولك ن دى مدونتى الجديدة
يا ريت تنورينى
مساء الخير
اول مرة ازور المدونة وان شاء الله مش هتكون الاخيرة
انت عندك حق فى كل اللى قلتيه , شوفى وانت بنت بتنقضيهم , ما بالك بالاولاد بتقول على البنات ايه ... الوضوع ده بيستفذنى بجد جدا ... لما اشوف المناظر دى و الالوان الصارخة دى التى لا تمت بالحجاب باى صلة ... ولا الطرح واللى بيعملوه فيها , كل ده ليه مش عارفة بجد
الحجاب اصبح فاشون ( صحيح بقى قليل جدا الى ماشيين من غيره ) لكنه مش حجاب على الاطلاق.
زعلت قوى من الكلام , واللى زعلنى اكتر صورة جامعة المنصورة اللى الكل بتكلم عنها , لانى من المنصورة , ومش كنت اتمنى اسمع الكلام ده عن بلدى ولا بنات بلدى, بس هى دى فعلا الحقيقة ... الوضع مستفذ ل اقصى درجة و ل الاسف البنات مبسوطين قووووووى بنفسهم ... ول الاسف اكتر الامهات بتشجع على كده مش بتنصح
طولت عليك , سعيدة بوجودى معاكى فى المدونة الجميلة دى
ارق تحياتى ليك ..سلام
->@ Ahmed
طيب أمسحوا ليه :) خليه منور كده
مبروك عليك البلوج الجديد
->@ dr-dalia
مساء النور
يا أهلاً وسهلاً بيكي :) منوره ويارب ماتكونش أخر زياره
حتى والله جات فتره كده كانوا بيلبسوا الاسدال والنقاب لمجرد الموضه للأسف الفظيييييييع
على فكره الصوره دي مش قصدي بيها جامعة المنصوره بالعكس أنا بحترمها جداً الجامعه دي
وعندك حق ... بحس ان الأمهات فرحانين ببناتهم بالوضع ده
مش عارفه الدنيا حصل فيها ايه
ولا طولتي ولا حاجه ده بجد انتي منوراني وأنا اللي مبسوطه بوجودك هنا ...
سلام :)
موضوع في الجوووووووووووووووون والله يابنتي
ودماغك حلوه قوي في اسلوب طرحك للفكره
وقلتي كلام كتير قوي على لسان شباب سواءا ولاد او بنات كتييييييير قوي
وكل كلمه من كلامك صح
واللي يقول غير كده .. يبقى بيكدب على روحه
وربنا يوفقك ويبسطك دنيا وآخره
ملحوظه
انا متأكد انك انتي اللي كتبتي الموضوع ده
سلامووووووووووز
على فكرة البوست رائع جدااااااااااااااااااااااااااااااااا وبيمثل حقيقة اصبحت فى مجتمعنا وبجد انتى قولتى اكتر من حاجة رائعة زى تلوث بصرى وغير كدة وكدة البنت دى مش بتكون محترمة للحجاب الى هى لبساه بس بينى وبينك السبب الاساسى فى كدة هو التربية فى البيت
وشكرا ليكى على البوست الرائع دة
واتمنى انك تشرفينى فى مدوانتى
هل يمكن أن أدعوك لزيارة مدونتي المتواصعة ..مع أني أطلب هذا الطلب على استحياء لأن هذه زيارتي الأولى لك ولكن سيكون هناك ود بين المدونتين
تحيتي
مدونتي هنا
http://kanyatklam.blogspot.com/
->@ Soooo
سوووو عني هنا يا خبر أبيض طيب أعملك شاي بقى :)
مدام انت كتبت تعليق يبقى كده الموضوع في الجون :) ... ربنا يكرمك يا سوووو
:) أه أنا اللي كتبته :))
شكراً بجد على زيارتك وماتغيبش كده تاني علينا... منورني يا سوووو
->@ Geo Amr
أهلاً بيك في أول زياره وأول تعليق
فعلاً لو التربيه سليمه ماكنوش يعملوا كده
عفواً :)
شكراً لأول زياره وأول التعليق :)
->@ كاتب مصر
ان شاء الله :)
السلام عليكم
تحليل جميل جدا
نتمنى من الله ان يهدي جميع المسلمين يارب
تحياتي
انا هاخد بس عنوان البوست
للأسف محجبه
صحيح هى للأسف بيطلق عليها محجبه
وبالشكل ده ممكن تغير نظرة الناس للمحجبات
انا عجبتنى اوى الكلمه دى
واللي متأكده منه بقى ان مافيش بنت بتبص للبنت دي نظره كويسه خااالص يبقى ليه بقى ؟؟؟؟
هههههههههه
لانى ملاحظ الموضوع ده جداااا
ربنا يهدى الجميع
تحياتى
علاء
->@ نونو
وعليكم السلام ورحمة الله وبركاته
أشكرك :)
آمين يارب العالمين
شكراً على أول زياره وأول تعليق
->@ عايش ولكن
أنا عن نفسي ببص نظرة اشمئزاز ليهم بصراحه
والسبب علشان أنا ببقى مكسوفه ليها وهي ماشيه وبحس انها بتسيء للحجاب اللي هي لابساه
ربنا يهدي الجميع
أشكرك على أول زياره وتعليق :)
بصي دي اول زيارةليا عندك انت كلامك صح
بس انا اعتقد ان سبب كبير في دة مايسمي بالدعاة الجدد اللي قدمو تنازلت كتيرة بهدف تبسيط الدين فخلوها خل خالص وبقي الحجاب مجرد تغطية للشعر فقط والباقي يلا مش مهم
بدليل انك لو اتكلمتي شوية مع البنت دي هتلاقيها عايشة في دور المتدينة وتقولك انا بسمع عمرو خالد كمان
ربنا يهدي وتحياتي ليكي
علشان البنت تلبس الحجاب لازم تكون مقتنعة بيه كزي انما اللي بيحصل عندنا حاجة غريبة وهي الاجبار
احنا بنجبر البنات في المدارس من الاعدادية انها تلبس الحجاب والنتيجة انها بتتعود على الحجاب علشان حرام البنت تقلع الحجاب بعد ما تلبسه انما مش حرام انها تعمل كل اللي انت بتقوليه في البوست
ربنا معانا
تحياتي
->@ Mostafa Rayan
أهلاً بيك ف أول زياره وان شاء الله ماتكونش الأخيره
عندك حق بنسبه كبيره هما سبب من ضمن الأسباب
بيقولوا للبنت اتحجبي والحجاب معناه انك تغطي شعرك ومش مهم بقى ايه بعد كده ... ولما تيجي تعترض على الدعاه دول يقولولك ماهو كويس انه بيحط البنت على أول الطريق .. وده مش صح للأسف من وجهة نظري
وبجد فعلاً البنت بتكون عايشه ف دور المتدينه
ربنا يهدي بجد :)
أشكرك على أول زياره وأول تعليق
->@ أنا حر
أهلاً بأول زياره وأول تعليق
ماهو علشان مش مقتنعه بيه يبقى تعمل اللي هي عايزاه بقى ومش مهم تسيء ليه ولباقي المحجبات
في كمان بنات بتلبسه لسبب واحد بس ان شعرهم مش حلو .. لكن لولا كده ماكانوش لبسوه وبالتالي برضه بنوصل لنفس النتيجه ونفس الأشكال
أشكرك كتيير :)
بصراحع ليكي حق
انا الكاريكوتير عجبني جدا لأنه معبر
->@ koukawy
أشكرك على رأيك في البوست والكاريكتير طبعاً منقول :)
أشكرك للزياره والتعليق :)
Post a Comment
قول رأيك