كل سنه وانتم طيبين
كل سنه بتيجي بتفرحنا وبتدخل في قلوبنا فرحه غريبه يا رمضان غير اي شهر تاني غيرك ... صيامك ده متعه يمكن أنا كمان علشان مش بحب الأكل متعتي بتكون كبيره شويه
بس افتقدنا جزء من بهجتك .. يمكن علشان الزمن اتغير ويمكن علشان كبرنا والدنيا اتغيرت من حوالينا
وفي حاجات كتير بتحصل فيك .... الناس كمان مش صادقه مع نفسها .... رمضان أه ليه هيبته وفرحته لكن مش معنى كده اننا نفتكر ان اللي حرام في رمضان مش حرام في باقي السنه
يعني ايه واحده تتحجب في رمضان بل قبل الفطار فقط وبعد الفطار ترجع مش محجبه... بكل المقاييس ده يعتبر نفاق بس نفاق مع ميين مع نفسها ولا مع ربنا ... لو شايفه انه حرام يبقى حرام على طول بقى
شيء جميل برضه ان الولحد يزيد من قرأة القرأن بس مايقطعهاش بعد الشهر ما يخلص
هو رب رمضان غير رب السنه كلها ولا ايه
رغم انك رمضان يا رمضان والدنيا بتكون حلوه والله ولذيذه وكله خير والناس بتمتنع عن حاجات كتيره وبتزودها في حجات كتيره برضه
يعني الخناقات بتزيد خصوصاً للناس اللي بتشرب سجاير طبعاً هما عارفين السيجاره بتتحكم فيهم ازاي وقت الصيام ... بيكونوا مستنيين كلمه علشان يتخانقوا وساعتها بقى الالفاظ الجميله تظهر والصيام يضيع... بجد الله يكون في عونكم مش بتقدروا تتحكموا في نفسكم علشان السيجاره هي اللي بتتحكم فيكم وبتعمل فيكم كده ... اللي خلاك تبطلها 12 ساعه استحمل كمان 12 ساعه منهم 8 ساعات نوم وهتتعود على كده
المواصلات وما ادراك ما المواصلات ... اكيد عارفينها خصوصاً قبل الفطار بساعتين لحد الفطار الله عليكي يا مواصلات مصر
كميات الأكل الرهيبه اللي الناس بتشتريها ... الناس بتاكل بعنيها ... بيشتروا الأكل وهما صايمين وطبعاً بيتخيلوا انهم هايكلوا خروف وبط وفراخ وحمام غير الحلويات ... وكلأن الناس بتكون في مجاعه طول الشهر
والأكل بقى غالي أوي ... في ناس مش عارفه تاكل طول السنه.. بس الحمد لله ربنا بيكرمهم في رمضان
ومش عايزه كمان أقول المسلسلات ... الحمد لله اني مش بحب التليفزيون أوي يعني... في ناس بتعمل جدول للمسلسلات دي كلها علشان تعرف تتابع أيوه طبعاً أومال ايه
رغم الغلاء والعناء ورغم ان حديث الشعراوي اللي كان بيجي قبل الفطار على طول وبعديه القران وبعديه الاذان بطل يجيي ... رغم كل ده بس ... رمضان لسه كريم وكل سنه وانتم طيبين وبخير يارب... وعساكم من عواده :)
ومش عايزه أطول عليكم بصراحه
ملحوظه بس:: أنا برضه من بيت مصري وعايشه في مصر
كل سنه بتيجي بتفرحنا وبتدخل في قلوبنا فرحه غريبه يا رمضان غير اي شهر تاني غيرك ... صيامك ده متعه يمكن أنا كمان علشان مش بحب الأكل متعتي بتكون كبيره شويه
بس افتقدنا جزء من بهجتك .. يمكن علشان الزمن اتغير ويمكن علشان كبرنا والدنيا اتغيرت من حوالينا
وفي حاجات كتير بتحصل فيك .... الناس كمان مش صادقه مع نفسها .... رمضان أه ليه هيبته وفرحته لكن مش معنى كده اننا نفتكر ان اللي حرام في رمضان مش حرام في باقي السنه
يعني ايه واحده تتحجب في رمضان بل قبل الفطار فقط وبعد الفطار ترجع مش محجبه... بكل المقاييس ده يعتبر نفاق بس نفاق مع ميين مع نفسها ولا مع ربنا ... لو شايفه انه حرام يبقى حرام على طول بقى
شيء جميل برضه ان الولحد يزيد من قرأة القرأن بس مايقطعهاش بعد الشهر ما يخلص
هو رب رمضان غير رب السنه كلها ولا ايه
رغم انك رمضان يا رمضان والدنيا بتكون حلوه والله ولذيذه وكله خير والناس بتمتنع عن حاجات كتيره وبتزودها في حجات كتيره برضه
يعني الخناقات بتزيد خصوصاً للناس اللي بتشرب سجاير طبعاً هما عارفين السيجاره بتتحكم فيهم ازاي وقت الصيام ... بيكونوا مستنيين كلمه علشان يتخانقوا وساعتها بقى الالفاظ الجميله تظهر والصيام يضيع... بجد الله يكون في عونكم مش بتقدروا تتحكموا في نفسكم علشان السيجاره هي اللي بتتحكم فيكم وبتعمل فيكم كده ... اللي خلاك تبطلها 12 ساعه استحمل كمان 12 ساعه منهم 8 ساعات نوم وهتتعود على كده
المواصلات وما ادراك ما المواصلات ... اكيد عارفينها خصوصاً قبل الفطار بساعتين لحد الفطار الله عليكي يا مواصلات مصر
كميات الأكل الرهيبه اللي الناس بتشتريها ... الناس بتاكل بعنيها ... بيشتروا الأكل وهما صايمين وطبعاً بيتخيلوا انهم هايكلوا خروف وبط وفراخ وحمام غير الحلويات ... وكلأن الناس بتكون في مجاعه طول الشهر
والأكل بقى غالي أوي ... في ناس مش عارفه تاكل طول السنه.. بس الحمد لله ربنا بيكرمهم في رمضان
ومش عايزه كمان أقول المسلسلات ... الحمد لله اني مش بحب التليفزيون أوي يعني... في ناس بتعمل جدول للمسلسلات دي كلها علشان تعرف تتابع أيوه طبعاً أومال ايه
رغم الغلاء والعناء ورغم ان حديث الشعراوي اللي كان بيجي قبل الفطار على طول وبعديه القران وبعديه الاذان بطل يجيي ... رغم كل ده بس ... رمضان لسه كريم وكل سنه وانتم طيبين وبخير يارب... وعساكم من عواده :)
ومش عايزه أطول عليكم بصراحه
ملحوظه بس:: أنا برضه من بيت مصري وعايشه في مصر
كتب ولم يراجع
18 comment(s):
متفق معاكى تماما فى كلامك
فعلا احنا قلبنا رمضان مش شهر الصيام لشهر الأكل
ونسينا الهدف الرئيسى من الشهر الفضيل
رحاب...ازيك؟
كل سنة وانتي بألف خير وصحة وسعادة
انتي عاملة ايه؟
عموما دي عادة المصريين في رمضان من قديم الأزل
تقريبا الناس بتزهق من الالتزام في رمضان
انتي مش عارفة ايه اللي بيحصل ليلة العيد...تقريبا كل الموبقات اللي انتي نتخيلاها
ربنا يشفي الشعب بتاعنا دة ويزيح عنه
تحياااتي
رحاب
انا بقى بحب الاكل و عشان كده بستمتع برمضان اكتر منك
:P
طبعا كل اللي قلتيه بنعيشه و بنشوفه كل يوم
يمكن حكية الخناقات دي انا عاصرتها كتييير اوي
و ما انتبهتش لقصة السجاير دي
فجزاك الله خير يعني نورتيني
على العموم عشان ما اطولش
رمضان لسه كريم
:)
يااااااه ده موضوع الخناقات ده اكتر حاجة بتضايقنى فى رمضان .. مع ان الناس فى رمضان المفروض تمسك اعصابها شوية وتهدى كده الا ان اللى بيحصل فعلا ان الخاقات بتزيد وخصوصا بئا خناقات سواقين التاكسى مع بعضهم ومع اصحاب العربيات الملاكى وخصوووووصا لو اللى سايقة واحدة ست ..
وموضوع بئا الحجاب فى رمضان وخلعه بعد رمضان ده انا طول عمرى بنتقد اصحابى اللى بيعملوه لانه فى نظرى مالوش اى لازمة.
كل سنة وانتى طيبة
ورمضان كريم ..
كل سنة وانتى طيبة انا موافقك فى كل كلمة انتى قولتيها خصوصا الحجاب فعلا فى ناس بتلبس الحجاب لحد قبل الفطار يعنى هو الثيام من الفجر للمغرب ةبعد المغرب كل واحد يعمل اى حاجة هو عايزها بجد كل واحد لازم يوقف مع نفسه
كل سنه وأنتى طيبه والحمد لله رمضان لسه كريم
بس أكتر حاجه بتحسسنا أنه كريم الصلاه والقرأن
رحاب
كل سنه وانتى بخير وطيبه
يارب يكون عيد سعيد
فينك وفين بوستاتك
اظن الازمة الاقتصادية
سيكون لها القول الفصل
تحياتى
->@ Blue-Wave
معاك حق :)
->@ A.Samir
الحمد لله :)
وانت بخير يارب
أه ماهم بيحوشوا كل حاجه لبعد رمضان
آمين يارب
->@ Jack Sparrow
لأ كله بسبب السجاير بجد
رمضان لسه كريم :)
->@ أسيرة الأقدار
وانتي طيبه :)
أشكرك على التعليق والزياره
->@ Geo Amr
وانت طيب :)
أه الصيام من الفجر للمغرب وبعد كده بيعملوا اللي عايزينه للأسف
المسأله مسألة مبدأ بجد
أشكرك للزياره والتعليق :)
->@ 3ala asm masr
وانتي طيبه
أكيد طبعاً... أشكرك للزياره والتعليق
->@ رحــــيـل
وانتي طيبه ربنا يكرمك
->@ 3ala asm masr
أنا الحمد لله بخير ماتقلقيش
بجد أشكرك جداً لاهتمامك
->@ كلام على بلاطة
أكيد
أشكرك للزياره والتعليق :)
Post a Comment
قول رأيك