صابرين وعبير صبري وربنا يصبرني
الناس دي بتستعبط ولا عبيطه ولا بتستعبطنا
أنا مش هتكلم عن عبير صبري وقلعها للحجاب مرتين وياريتها لما تقلعه تلبس عدل لأ بالعكس ماعلينا دي زي مابيقولوا كده مافيش منها فايده وكده ولا كده هي قلعت الحجاب وخلاص حددت موقفها ... مش هقول على أيام ما كانت بتيجي في قناة اقرأ
ولا هقول على وقفة عمرو أديب جنبها وشكرها ليه لما قلعت الحجاب ووقف ف صفها من الهجوم عليها
نيجي بقى لحرقة الدم الكبرى صابرين
صابرين اللي كانت بتيجي في برنامج عم يتسألون وكان ناقص يركبولها جناحين من كتر برأة الملايكه
صابرين اللي كانت زي غيرها من الممثلات اللي لما تتحجب يعتبروها شيخه ولا حتى مصلحه اجتماعيه
صابرين اللي كانت الدكتوره عبله الكحلاوي بتشكر فيها جداً جداً جداً
نرجع كده من الأول خاااااالص من قبل رمضان ده .... كنت بقلب في التليفزيون قبل ما أنام ولاقيت وأنا بقلب المستفذه بوسي شلبي في كواليس مسلسل عرفت بعد كده ان اسمه "الفنار" ولاقيت صابرين من غير حجاب .... أنا مش هعرف أوصفلكم شكلي بصراحه أنا تنحــــــــت وسبت القناه علشان أشوف ده بجد ولا بطارية عيني خلصت أخر الليل وبتجيب أي كلام ... وبعدين حسيت انها باروكه وكنت مستنيه المستفذه تسألها ايه ده ماسألتهاش قلت أستني يمكن دي حلقه قديمه ولا حاجه... في رمضان برضه بالصدفه لاقيتها طالعه بنفس المنظر في مسلسل واضح انه جديد شفت لقطه بتتخانق مع راجل ويضربها ويخنقها ... استغربت
بعد كده لاقيت كاركاتير عليها على النت بنفس المنظر واتأكدت انها باروكه
امبارح بقى جابها الممل معتز الدمرداش اللتيييييف الزرييييف وسألها وردها حرق دمي بصراحه
قالها ازاي موضوع الباروكه ده:: قالتله انا مش هقدر أخدع المشاهد أنا انسانه أهو محجبه وأي محجبه بتقعد ف بيتها مع زوجها من غير حجاب !!!!!! ازاي أخدع المشاهد وفي المسلسل اقعد في بيتي بالحجاب !!!!!!!!!!!!!!!
ياســـــــــــــــــــــــــــلام ايه الجمال والأخلاق دي مش عايزه تخدعنا
قالها فيما معناه ليه تمثيلي أصلاً : قالتله فيما معناه برضه بعمل حاجه ارضي بيها نفسي
يا ماشاء الله
بعد كده بقى كل واحده تلبس باروكه وتقول ان ده مش شعرها ياسلام ياسلام
فضل يسألها في أسئله من نوع ايه رأيك في المحجبات اللي بيعملوا شعرهم عند كوافير راجل والأسئله دي لحد ما قالتله أنا مش شيخه أنا صابرين الممثله
ولما هو كده بتعملوا فيها شيوخ ف الأول ليــــــــــه
وكانت لابسه بادي كارينا بيلمع ولونه دهبي وفوقه بتاع عبيط كده ...والحجاب ...الاسبانيش أحسن منه شويه ...وبنطلون ومكياج كامل... ودلوقتي وأنا بدور اكتشفت ان لبسها بقى كارينا وحجاب سبانيش
أيوااااااان صابرين
نفسي بس أفهم الناس دي ايه بقى يعني .... مش هيبطلوا يضحكوا علينا ولا ايه مش هقول يحترمونا شويه بس يحترموا نفسهم ويحترموا ربنا قبل أي حاجه
بس خلاص .... أنا خلصت كلامي ... وربنا يهدي الجميع
الناس دي بتستعبط ولا عبيطه ولا بتستعبطنا
أنا مش هتكلم عن عبير صبري وقلعها للحجاب مرتين وياريتها لما تقلعه تلبس عدل لأ بالعكس ماعلينا دي زي مابيقولوا كده مافيش منها فايده وكده ولا كده هي قلعت الحجاب وخلاص حددت موقفها ... مش هقول على أيام ما كانت بتيجي في قناة اقرأ
ولا هقول على وقفة عمرو أديب جنبها وشكرها ليه لما قلعت الحجاب ووقف ف صفها من الهجوم عليها
نيجي بقى لحرقة الدم الكبرى صابرين
صابرين اللي كانت بتيجي في برنامج عم يتسألون وكان ناقص يركبولها جناحين من كتر برأة الملايكه
صابرين اللي كانت زي غيرها من الممثلات اللي لما تتحجب يعتبروها شيخه ولا حتى مصلحه اجتماعيه
صابرين اللي كانت الدكتوره عبله الكحلاوي بتشكر فيها جداً جداً جداً
نرجع كده من الأول خاااااالص من قبل رمضان ده .... كنت بقلب في التليفزيون قبل ما أنام ولاقيت وأنا بقلب المستفذه بوسي شلبي في كواليس مسلسل عرفت بعد كده ان اسمه "الفنار" ولاقيت صابرين من غير حجاب .... أنا مش هعرف أوصفلكم شكلي بصراحه أنا تنحــــــــت وسبت القناه علشان أشوف ده بجد ولا بطارية عيني خلصت أخر الليل وبتجيب أي كلام ... وبعدين حسيت انها باروكه وكنت مستنيه المستفذه تسألها ايه ده ماسألتهاش قلت أستني يمكن دي حلقه قديمه ولا حاجه... في رمضان برضه بالصدفه لاقيتها طالعه بنفس المنظر في مسلسل واضح انه جديد شفت لقطه بتتخانق مع راجل ويضربها ويخنقها ... استغربت
بعد كده لاقيت كاركاتير عليها على النت بنفس المنظر واتأكدت انها باروكه
امبارح بقى جابها الممل معتز الدمرداش اللتيييييف الزرييييف وسألها وردها حرق دمي بصراحه
قالها ازاي موضوع الباروكه ده:: قالتله انا مش هقدر أخدع المشاهد أنا انسانه أهو محجبه وأي محجبه بتقعد ف بيتها مع زوجها من غير حجاب !!!!!! ازاي أخدع المشاهد وفي المسلسل اقعد في بيتي بالحجاب !!!!!!!!!!!!!!!
ياســـــــــــــــــــــــــــلام ايه الجمال والأخلاق دي مش عايزه تخدعنا
قالها فيما معناه ليه تمثيلي أصلاً : قالتله فيما معناه برضه بعمل حاجه ارضي بيها نفسي
يا ماشاء الله
بعد كده بقى كل واحده تلبس باروكه وتقول ان ده مش شعرها ياسلام ياسلام
فضل يسألها في أسئله من نوع ايه رأيك في المحجبات اللي بيعملوا شعرهم عند كوافير راجل والأسئله دي لحد ما قالتله أنا مش شيخه أنا صابرين الممثله
ولما هو كده بتعملوا فيها شيوخ ف الأول ليــــــــــه
وكانت لابسه بادي كارينا بيلمع ولونه دهبي وفوقه بتاع عبيط كده ...والحجاب ...الاسبانيش أحسن منه شويه ...وبنطلون ومكياج كامل... ودلوقتي وأنا بدور اكتشفت ان لبسها بقى كارينا وحجاب سبانيش
أيوااااااان صابرين
نفسي بس أفهم الناس دي ايه بقى يعني .... مش هيبطلوا يضحكوا علينا ولا ايه مش هقول يحترمونا شويه بس يحترموا نفسهم ويحترموا ربنا قبل أي حاجه
بس خلاص .... أنا خلصت كلامي ... وربنا يهدي الجميع
14 comment(s):
مش عايز اتكلم فى الموضوع دة لانه بيحرق دمى حاجة مقرفة فعلا انا رايت جزء من الحلقة وقلبت لانى حاجة قرف والباشا بيسالها اسئلة دينية وكأنها عاملة فى الدين ياجماعة نصيحة منى لو فى فنانة صادقة فعلا مع الحجاب عارفين اول حاجة هتعملها ايه هتبعد خالص عن الوسط ومش هتظهر تانى ابدا وارجعوا بالتاريخ للخلف وانتم هتعرفوا مين الصادق ومين الكاذب وربنا يهدى
لانى بمنتهى البساطه كل واحدة بتلبس الحجاب وبتقلعة حسب ظروفها تجارة مزيد منالاخبار والشهرة قلعت لبست لا اكثر او ااقل وبقيت كل واحدة لابسة حجاب ما هي الا عالمة دينية
ربنا يهدى الجميع ان شاء اللة
اه
دي كانت قضية جدلية
هي كانت بتشوف ان الباروكة تحل محل الحجاب باعتبارها مش كاشفة شعرها
مش عارف الصراحة من اللي افتى لها بكدة؟
تحياتي
بصى يا رحوبة
رداً على سؤال أحمد سمير
أنا سمعت بودنى الدكتور عبدالصبور شاهين بيقول إن لبس الباروكة للمحجبة حلال لأنه مش شعرها الحقيقى و شعرها الحقيقى متغطى بالفعل ...
مش هتكلم يعنى فى الحكاية دى
بس أنا هتكلم يا رحاب على شىء تانى
الحجاب الحقيقى له أصول و قواعد
و النزعة المتشددة هيا اللى خلت صابرين و غيرها يتشددوا فى البدايات ...لكن بعد شوية الوضع رجع لطبيعته
إحنا فى مصر بنميل للاحتشام
أنا مثلاً بلبس بادى كارينا و حجاب سبانيش و بحط ميكاب و عادى
مش بعتبر نفسى محجبة
لما حد بيكلمنى بقوله أنا محتشمة
الحجاب بحذافيره أنا لم ألتزم به بعد
صابرين عملت كدا
مش بس طبيعة عملها تفرض عليها نوعية لبس و مظهر معين
طبيعة المصريات عموماص كدا
و عشان كدا غيرنا و بدلنا فى شكل الحجاب التقليدى و ألوانه و موضاته و ...و ....
لكن حكاية إستعباط الناس دى أنا معاكى فيها ..هيا معندهاش شجاعة العتراف بضعفها امام العمل فى الفن و منافسة زميلاتها الىخريات و إضطرارها لقلع الحجاب عشان ترجع لشغلها
و تحياتى يا حبيبتى
ربنا يهديهم ويثبت اللي بقي منهم
موضوع البرامج الدينية اللي بيعملوها ديه اكبر مشكله والمفروض يسيبوا الحاجات ديه لأهل الاختصاص
ملاحظة:الكومينت اللي قبلي مش مقتنع بيه نهائي
انك لا تهدى من احببت ولكن الله يعدى من يشاء
->@ Geo Amr
أيوه انا شوفتوا وهو بيسألها اتحرق دمي برضه
أنا معاك ف اللي بتقولوا بصراحه
أشكرك على تعليقك وربنا يهدي:)
->@ رئيس جمهوريه نفسى
موضوع الشهره والأخبار مش عارفه يعني هو ممكن واحده تلعب كده بالحجاب علشان خاطر الشهره والكلام ده
ربنا يهديهم ان شاء الله
أشكرك على تعليقك يا سيادة الرئيس :)
->@ A.SAMIR
حتى لو المفتي ذات نفسه انا مش مقتنعه بصراحه مع احترامي ليه
ينفع ان الناس تمشي كلها لابسه باروكه وتقول شعري متغطي
هي المسأله مسألة تغطية شعر بس ولا ايه
أشكرك يا أحمد على زيارتك وتعليقك
->@ فاتيما
هو بصراحه انا مش معاكي ف كده والاختلاف ف الرأي لا يفسد للود قضيه يا أم يوسف
ربنا يهدي الجميع يا فاتيما يارب
->@ Ahmed Said
آمين يارب
أنا غايظني جداً موضوع البرامج ده بجد بجد بجد
أشكرك جداً يا باشمهندس أحمد على التعليق ومنور البلوج :)
->@ شاب مصري مفروس
معاك حق
أشكرك جداً على الزياره والتعليق :)
عهي مش القضيه انهم بيضحكوا علينا هما بيضحكوا -اسغفر الله - علي ربنا!!!!!!!!!!!!!!!
->@ koukawy
وعلى نفسهم برضه بجد وربنا يهدي
أشكرك للزياره والتعليق
Post a Comment
قول رأيك