شاب ياباني يخترع زوجه له

أيوه دي حقيقه... تقدروا تقولو ان في ميل جالي وعملت بحث لاقيت الخبر منتشر وأنا أخر من يعلم
الراجل قال بدل وجع الدماغ أو حتى بدل ما أجيب واحده صغيره واربيها على ايدي أنا فاضي اربي لأ أنا اخترعلي واحده كده بكل المواصفات اللي عايزها ولا تشتكي ولا تصدعني ولا أي حاجه مش عارفه أقول غير لا حول ولا قوة الا بالله مش علشان اللي في دماغكم والزواج والكلام ده لأ والله بس ده حرام فعلاً مع كل احترامي وتقديري وحبي الشدييييييييد لليابان وشعبها وتحيه كبيره أوي ليهم
طبعاً
يالا يا بنات الحقوا اتجوزوا بقى أحسن الشباب يسافروا اليابان ويفصلوا واحده
ده نص الكلام بالصور كمان
(الصور مصغره اضغط عليها)

استطاع شاب ياباني أن يبتكر انساناً آلياً على هيئة أنثى تقوم بكل الأعمال المنزلية

طوال الاربع وعشرين ساعة

ولا تتحدث الا اذا طلب منها، وتقرأ

الجريدة بصوت عال، وتتعرف على المشروب

المفضل، وشكلها جذاب


وأوردت صحيفة كورييري ديلا سيرا الايطالية أن مخترعا يابانيا يعيش في كندا قرر أن يبتكر لنفسه زوجة مثالية تكون شريكته في حياته، بعدما أعياه البحث عن فتاة بمواصفات تشبع رغباته دون أن تصدر منها اية شكوى

وبالفعل بدأ الشاب ويدعي " لي ترونج" – 33 عاما – في العمل في المشروع واستطاع انجازه في عامين من العمل المتواصل ليل نهار وأطلق على ابتكاره" أيكو"، وأنفق عليه 16 ألف يورو وباع من أجله سيارته و طلب قرضا من البنك. ويبلغ عمر الزوجة الآلية عشرين عاما وتتعرف على الألوان وبعض الوجوه وتقرأ اليابانية والانجليزية وتنطق 13 ألف جملة في اللغتين، وتحل المعادلات الرياضية وتتعرف على الاتجاهات


من جانبه، قال ترونج إنه لم يجد فتاة أحلامه، وكان الاختيار الأوحد المتاح هو أن يصنعها بنفسه باستخدام التكنولوجيا. وأوضح أن تلك الأنثى الآلية تتميز بمعظم الخصائص الأنثوية ومصنوعة من السيليكون، وإذا احتضنها أحد بقوة تقوم بصفعه على وجهه. وتم تزويدها بكل المشاعر الإنسانية ، واختتم المخترع قائلا إنه تعرض لأزمة قلبية العام الماضي، وعانى كثيرا من الممرضات، بينما الآن لديه زوجة تعمل طوال 24 ساعة دون أن تشتكي أو تطلب إجازة، إنها بالفعل الزوجة المثالية

10 comment(s):

Ahmed Mubarak | July 6, 2009 at 8:42 PM

أنا عايز وحده من ديه .. قشطه .. زي الفل

ليس فقيرا من يحب | July 7, 2009 at 12:55 AM

انا عايزة اتنين واحده لبابا علشان تخدمنا ومتكلش ولا تمل دا انا هاطلع عنيها يلهوى وواحدة وواحدة لابويا برده اصل احنا طلبتنا كتير هههههههههههههه

Rehab Mostafa | July 7, 2009 at 3:01 AM

->@ Ahmed Mubarak
طيب ايدك على 20 ألف يورو ولاب توب
ال 4 للشحن(دي لو كانت بتتشحن مش بتسافر زي البني آدمين) وعلشان تعب الراجل برضه واللاب توب طبعاً معروف انه ليا :D
مستنيه الاب توب قصدي الفلوس علشان أكلم الراجل واتفق معاه

Rehab Mostafa | July 7, 2009 at 3:05 AM

->@ ليس فقيرا من يحب
كده غالي عليكي خدي واحده ولو عاجبتك اقوله يعمل التانيه :D
بوفرلك أهو ... بس برضه ماتنسيش اللاب توب وال20 ألف يورو
بس تصدقي فكره على الأقل نريح ماما شويه
أنا هسفر ماما اليابان وأسافر معاها برضه واجيب واحده لبابا (طبعاً بعد ما أكون قلبتكوا في الفلوس دي) :D
نورتيني بجد ميرسي على ردك

galal | July 8, 2009 at 10:23 AM

law sama7ty ana 3awez wa7da msh shakl el yabanyeen ya3ny law momken w belnesba ll laptop rabena ywafa2ek w tla2y ebn el 7lal elly y3tef 3liky w ygebholek :P

محمد المصرى | July 15, 2009 at 9:39 PM

اولا: ازيك يارحاب موضوعك جميل وغريب فى نفس الوقت ولكنه بيعبر عن حاجة تزعل فى ندرة وجود الانسانة اللى تناسب الرجل فى الزمان ده الا من رحم ربى
ثانيا : اسعدنى مرورك الجميل على مدونتى وعلى فكرة انا نفذت طلبك ومنى سلام مصرى دائما

فاتيما | August 13, 2009 at 11:48 AM

لا حول و لا قوة الا بالله
و بعدين فى العالم المخترعين دول بقى
مش يسيبونا فى حالنا و النبى
كدا هيوقفوا سوق الجواز اكتر ما هو واقف و الرجالة تتمرد اكتر و اكتر
بس بجد بعيداً عن أى هزار
الدنيا بوخت قوى قوى
و الناس بقت بتستخدم العلم بشكل انانى بحت و مش لهدف إنسانى
يعنى معملش العروسة دى عشان تروح تنقذ ارواح او تغطس فى قلب المحيط او تطير ف السما بدل ما نعرض ارواح الناس للخطر ..
برضو البنى آدم مهما على تعليمه ما زال مخه متركب شمال
سبحان الله

Rehab Mostafa | September 9, 2009 at 11:47 PM

->@ galal
7ader hgblk w7da btbe3 gargeer :P mdam mafesh laptop
w bttklm lo3'at se3edy w fala7y w 3rby
w eb2a ektb bel 3rby 3lshan a5leh y3mlk w7da koyesa :D

Rehab Mostafa | September 9, 2009 at 11:51 PM

->@ لنحيا فى اجواء الحب
فعلاً صعب ان حد مناسب ليه
أشكرك كتيير وشكراً على تعليقك ومرورك

Rehab Mostafa | September 9, 2009 at 11:54 PM

->@ فاتيما
والله يا فاتيما أنا فعلاً زعلانه بس مش علشان سوق الجواز والكلام ده :) وكده كده الرجاله بتتمرد... لأ بس بجد بحس اننا خلاص كده :(

Post a Comment

قول رأيك