اوعى تغير دمك

السلام عليكم ورحمة الله وبركاته

بعد طول غياب لدرجة اني مش عارفه أوشي ودي فنكم مين ولا حتى أودي وشي منكم فين

قررت ان أكسر الحاجز النفسي بيني وبين المدونه واني أكتب تاني خصوصاً بعد الاشاعات اللي قالت اني اعتزلت التدوين والقاهره اليوم والبيت بيتك أذاعوا الخبر لأهميته القصوى

وعمرو أديب ومحمود سعد اعترضوا بشده

طبعاً يا جماعه انتوا مش مقدرين يعني ايه خبر يقول ان Rehab M.K. (:P برضه) تسيب المدونه

فقولت لازم أرد بقى

المهم اني جيت يعني

كنت عايزه أتكلم عن برامج المسابقات الفذيعه الشنيعه اللي بتتعرض على التليفزيون

على سبيل المثال : قناه زي Melody Trix , Strike (غالباً دي أسمائهم) وحاجات كده كتير مش فاكراها

في قنوات مخصوصه للمسابقات دي

بس نصيحه اللي عنده الضغط أو لو حتى عصبي شويه يبعد عن المسابقات دي لما تحمله من غباء وحرقة دم وهبل بالعبط

أعتقد ان اختبار المذيعين والمذيعات بيتم على قياس درجة الهبل

والله يا جماعه أنا مش بحب أشتم حد كده خصوصاً على الملأ بس كده كتير بجد

هقولكم حاجات من اللي سمعتها بغض النظر عن الاغاني اللي شغاله والمذيعين اللي بيتنططوا طول البرنامج ولا ماعرفش ده عادي ولا ايه المهم مثلاً جايبين أرقام من 1 لحد 12 ورقم 8 ناقص ويقولك فين الرقم الناقص وتعد تعد وتيجي لحد 7 تقول ها يا جماعه 7 ايوه 8 9 وتكمل ل 12 والمصيبه مش ف البرنامج أكتر من اللي بيتصلوا ويجاوبوا دول اللي بجد يجيبوا شلل

وحاجات تانيه زي أمثال كلامها بعيد عن بعضه ويقولك جمع المثل وهو بيقولوا والناس سبحااااااان الله ع اللي بيتصلوا دول

اللي جامده بقى بجد يعني فزوره بتقول أخت خالك ومش خالتك تبقى ميين ... واحد اتصل بيها وقالها عمتي :( يانهار أبيض دي ماجابتش سيرة عيلة الأب خالص ده أنا لو قلتها لعيل صغير هيفهمها

واللي تجبلك صورة فيلم جعلتني مجرماً وتقولك ها يا جماعه اسم الفيلم جعلتني ايه قصدي..ايه مجرماً

وصورة فيلم مرجان أحمد مرجان... ها يا جماعه الفيلم كان اسمه مرجان حاجه مرجان ها اسمه مرجان أحمد ايه

يعني حتى لو ماحدش بيعرف الافلام دي هيجمع اسمه على طول مش محتاجه حتى تشغيل مخ

يانهاري على الشلل

وغيرهــــــــــــــــــــــــــــــــــــــــــــــا من الحاجات اللي بتقعد اسبوع من غير ما حد يحلها صح :(

الناس دي ايه .... منيين وليه وازاي .... لو الكلام ده بجد والناس اللي بترد دول بجد يبقوا بجد بقى مش عارفه أقول ايه ... تحس انه غباء واضح وصريح غباء بخيره كده مافيهوش لؤم ولا خبث ربنا اداهم الغباء يوزعوا على خلق الله طمعوا فيه كله .... والله أنا مش متخيله ان في ناس هبله كده ولا غبيه كده .... أكيــــــــــــــــــــــــــــــــــــد ده تمثيل

ومن جمهورية الغباء المتحده نحييكم وندعوكم لزيارة قنواتنا المتخصصه لزيادة نسبة الغباء والهبل

بس اوعى ..... مايتحرقش دمك

بس الأكيد انها مؤامره على عقولنا

ملحوظه ::: أنا مش بتفرج عليها بس لما حد بيحول ويعدي عليها كده صدفه وهو بيحول بشوف الحاجات دي لأني أصلاً بكرهه التليفزيون... يعني ماحدش يقولي غيري القناه وماتتفرجيش كده كده مش بتفرج:)

From The Beginning To End

كل سنه وانتم طيبين بمناسبة عام ميلادي جديد
يارب يكون عام سعيد علينا كلنا


بعد الكام بوست اللى كلهم كلام جد و أنا ماتعودتش على كده ... علشان كده وفيت بوعدي ووعد الحر دين عليه :( ربنا مايوقع حد في وعد.. وجبت ترجمة البوست ده
أو بمعنى آخر 처음부터 지금까지
처음부터 끝까지
فاكرينه ؟؟؟ أيوه اللي كتبته قبل تسليم مشروع التخرج تمام تمام .. أيوه الاغنيه اللي كتبت كلماتها وأعجبتوا بيها جداً أنا عارفه ... اللي قلتولي ذوقي رائع في اختيار الكلمات واللحن ... طيب ما تدوسوا على اللينك وتفتكروها أسهل
ده بقى النطق والترجمه اللي وعدتكم بيه .. يالا خلينا نبدأ السنه بالعقل كده ( الوفاء بالوعد قصدي)
أنا مش عارفه ايه الهبل اللي هعمله دلوقتي بس حبيت اني أكتب الترجمه بايدي واتعب نفسي يعني
يالا مش مهم الكلمات أهي النطق والترجمه
Please Excuse the Mistakes :D
طبعاً واضح النطق فوق باللون الأزرق والترجمه تحته باللون النبيتي و الأغنيه فوق :)... على فكره لو سمعتوا الاغنيه وقريتوا الكلام اللي في البوست اللي فات بالنطق ده والترجمه هتتعلموا كلمتين كوري ينفعوكوا لما تسافرو اليابان :) بجد دي لغه حلوه أوي ولذيذه أوي والأغنيه تحفه والدراما دي أصلاً كلها تحفه بس للأسف اللينكات اللي كانت على جوجل فيديو اتشالت ومش موجوده حلقاتها علي youtube:(:(
هما استنوا لما أنا شفتها وجالي اكتئاب من المسلسل وشالوا الحلقات تقريباً كانوا عيزين ينكدوا عليه أنا بس
ما علينا النطق والترجمه أهم

Nae ge ol su obs-e'l go la go ,
You will never come back to me
---------------------------
I Jen ge`lol su ob da go
And you can't do it
---------------------------
Je bal ge`man ha la go na le'l dal lae Ji
Please stop doing so, you comfort me like this..
---------------------------
Jong mal iJ-o bo li go sip-o
If I can't see you again,
---------------------------
Da sin bol su ob da mion
Really wanna forget..
---------------------------
Ne le'l Jab go it ne`n, no e mo de`n gol
All about you that hold me
---------------------------
Na ga ut go sip-e'l dea ma da non
Whenever I wanna laugh, you make me cry..
---------------------------
Na Le'l ul-o bo li ge man de`ni ga
You keep me from doing even one thing as I want
---------------------------
O ne`got ha na do na e de`t dea lo,
When I miss you, I break down like this
---------------------------
Non hal su ob ge man de`ne`n gol
Even though I try to forget, I can't do it..
---------------------------
Na ga bo go sip-e`l dea ma da nan
Whenever I wanna laugh, you make me cry..
---------------------------
I lot ge ma no Jio bo ligo ma ni gan
You keep me from doing even one thing as I want
---------------------------
A mu li iJ-e` lio go ae le`l sodo
When I miss you I break down like this
---------------------------
lj-e`l su ob ge ha ni ga
Even though I try to forget, I can't do it

****************************

Jong mal iJ-o bo li go sip-o
If I can't see you again
---------------------------
Da sin bol su ob da mion
Really wanna forget..
---------------------------
Ne le`l Jab go it ne`n, no emo de`n gol
All about you that hold me
---------------------------
Nae ga ut go sip-e`l dea ma da non
Whenever I wanna laugh, you make me cry..
---------------------------
Na Le`l ul-o bo li ge man de`ni ga
You keep me from doing even one thing as I want
---------------------------
O ne`got ha na do na e de`t dea lo,
When I miss you I break down like this
---------------------------
Non hal su ob ge man de`ne`n gol
Even though I try to forget, I can't do it..
---------------------------
Na ga bo go sip-e`l dea ma da nan
Whenever I wanna laugh, you make me cry..
---------------------------
I lot ge mu no Jio bo ll go ma ni gan
You keep me from doing even one thing as I want
---------------------------
A mu li iJ-e` lio go ae le`l sodo
When I miss you I break down like this.
---------------------------
lj-e`l su ob ge ha ni ga
Even though I try to forget, I can't do it
---------------------------
Dan han sa lam-e`l
Even though I try to forget
---------------------------
Sa lang ha ne`n ge I to lok
I can't do it
---------------------------
Him de`n-il-in jul, nan Jong mal mol las-o~
I didn't realize loving one is so hard like this

***************************

Na Le'l ul-o bo li ge man de`ni ga
You keep me from doing even one thing as I want
---------------------------
O ne`got ha na do na e de`t dea lo,
Whenever I miss you, I break down like this.
---------------------------
Non hal su ob ge man de`ne`n gol
Even though I try to forget, I can't do it..
---------------------------
Na ga bo go sip-e`l dea ma da nan
Whenever I wanna laugh, you make me cry..
---------------------------
I ro gem u no jio bo li go ma ni gan
You keep me from doing even one thing as I want
---------------------------
A mu li iJ-e` lio go ae le`l sodo
Whenever I miss you I break down like this
---------------------------
lj-e`l su ob ge ha ni ga
Even though I try to forget, I can't do it

يارب الأغنيه المره دي تكون عجبتكم بعد النطق والترجمه
كده فاضل بوستين وعد مني برضه :(:(:( يدينا ويديكوا طولة العمر

أ ب ت

فاكرين الأغنيه دي ياولاد !! ياااااه بجد أنا لحد دلوقتي لما بغلط في الحروف بغنيها علشان أفتكرها... أنا بحب الأغنيه دي أوي

المهم
زمان كنا بنسمع الأغاني اللي زي دي وبنتعلم منها كتيير أوي .... اتعلمنا مثلاً نغسل ايدينا قبل الأكل وبعده وسنانا من أغنية أصحابي وصحباتي لصفاء أبو السعود .... واتعلمنا نقرأ منها برضه في الكتب قرينا ... واتعلمنا ان الجزر بيقوي النظر من هم النم.... واتعلمنا نشرب اللبن من ماما زمانها جايه ....واتعلمنا نحوش من حصالتي ليها كرش للبلبه....واننا مانضايقش القطط علشان مانتخربش في ذهب الليل وشوية حاجات برضه في ذهب الليل.... غير أغاني الاطفال التانيه لنيلي وعبد المنعم مدبولي وغيرها وغيرها

نيجي بقى للبرامج برنامج أبله فضيله اللي كان الساعه 10 إلا 10 ... وكانت بتحكي فيه حواديت بجد جميله جداً وليها معنى وليها هدف وفي الأخر أغنيه مرتبطه بالحدوته وليها نفس الهدف مثلاً *يجري ورانا يجري واحنا ماشيين قدام ولا نسأل عنه اكمنه مابيسمعش الكلام* ..... الله يسامحك ياللي بتقول عليه اني هبله ....يعني 10 دقائق بنستفاد منهم حاجات كويسه
نيجي للتليفزيون ... لأ سيبك من الكرتون دلوقتي .... خلينا في ماما ساميه وبرنامج عروستي ولا ماما نجوى وبؤلوز يا سلاااااااام بجد كان تحفه .... ولا بوجي وطمطم في رمضان ... أنا لسه فاكره ان عم شكشك كان زعلان قوي وبيقول لزيكا ازاي يكتبوا الانجليزي بالعربي زي فايف ستارز مثلاً ... يعني كان عايز إما عربي عربي الترجمه يعني أو انجليزي أومال لو عرف الفرانكو اللي احنا بنكتبوا دلوقتي كان عمل فينا ايه

بصراحه كانت القناه الأولى والتانيه والتالته وبالأخص السابعه مظبطانا على الأخر
طبعاً كل اللي بيقرأ بيقول ايه الهبله دي... الله يسامحكوا

نيجي بقى يأطفال زمان لأطفال دلوقتي ... حد يجبلي حاجه بالمستوى بتاع زمان ده ... محاولات الاغاني كلها من أمثال نوتي ل--- هيفاء وشخبط شخابيط لنانسي ..... الأطفال اللي عندهم 4 سنين مثلاً بيغنوا أغاني عمرو دياب ومصيبه لو غنوا لتامر يابنت الايه أو اعتذري .... أنا أعرف طفل برضه كان في حدود 4 سنين والله بيغني *نازل وأنا ماشي ع الشوك برجليه وانت السبب يابا ياللي خليت بيه...* وأنا معايا التسجيل اللي أخوه سجله ليه ... ينفع يعني طفل بريء يقول كده
البرامج بقى... أبله فضيله .. أعتقد ان البرنامج لسه شغال بس مافيش أطفال أو مافيش حد بيصحى الساعه 10 الا 10 دي-مش عارفه هل السبب في كده عدم وجود البرامج دي ولا العكس ان مافيش برامج علشان الاأطفال نفسها اتغيرت-... بوجي وطمطم! رحمي ويونس شلبي الله يرحمهم ...ماما ساميه وماما نجوى خلاص...... حتى المحاوله الوحيده كانت عقيمه :عالم سمسم اللي بيعلم الأطفال الفرق بين فوق وتحت وبين هنا وهناك ايه الــــهــــبــل ده...مش هما دول الأطفال اللي عايزين يتعلموا الحاجات دي الحاجات دي بالكتيير أوي للأطفال ذوي الاحتياجات الخاصه ...ومافيش محاوله بتبدأ وتكمل

بجد أنا بشفق على الأطفال دي ... بس الكويس فيهم انهم فعلاً كلهم أذكياء جداً ماشاء الله ... بس مش بيسمعوا ولا بيشوفوا حاجه مفيده

لمحبي فولا فولا واللي تاريخ ميلادهم يوافق ميلاد الأغنيه 22-11-1986 أنا ماردتش أحطها علشان 7 دقائق طويله شويه
عموماً دي بعض الأغاني
أ ب ت
فولا فولا
هم النم
جدو علي
أبريق الشاي
حصالتي ليها كرش
بابار فيل
ماما زمانها جايه
أنا عندي بغبغان
الشاطر عمرو

C.V.

ده ميل وصلني فيه السيره الذاتيه بالعربي والانجليزي علشان لو حد حب يكتب السيره الذاتيه بتاعته أكيييد هيحتاج الفورمات ده بس لازم يبقى معاك قاموس أطلس الالكتروني ....... ممكن مايكونش معاك!!!! ساعتها ابقى استخدم translate.google

Note: Click 3ala el sora 3lshan tzhar full screen
or download from --> Image

나는 당신을 기다릴 것이다

مبدئياً اللي أنا عملتلهم تاج ماينسوش يحلوا الأسئله وأنا كمان هحل التاج الذهبي بس مش دلوقتي :$:$
ثانياً أنا بحب الأغنيه دي جداً قلت أكتبها يمكن تستفيدوا :D

다양한 것들을 잊지 말라.....
때라도 나가 이지 않을의 주위에…
잊지 말라 사정 그것은 처음에 있다 또는 나의 사랑은 당분간 이다 그래서 가까운
그러나 이제까지는

나는 당신을 기다릴 것이다.....
어디 일지라도 당신이 이어서…

나는 나가 당신을 찾을 때까지 당신을 기다릴 것이다.......
다만 처음 같이 비록 나가 조금 늦더라도.....
저를 아닙니다 잊고으십시오, 잊으십시오 아닙니다…

당신의 행방이 나에 의하여 찾아낼 때까지.......
나는 당신을 기다릴 것이다......

어디 일지라도 당신이 이어서…
나는 나가 당신을 찾을 때까지 당신을 기다릴 것이다.......
다만 처음 같이 비록 나가조금 늦더라도…
당신의 행방이 나에 의하여 찾아낼 때까지 저를 아닙니다 잊고으십시오, 아닙니다…
잊으십시오...........

ها ايه رأيكم في الكلمات ؟! بجد تــــــــــحفه أي خدمه
نطق الكلمات بقى في الأجازه علشان أنا مش فاضيه دلوقتي :$ يالا بقى تصبحوا على خير أو صباح الخير ولا بالهنا والشفا أو مساء الخير وكل سنه وانتوا طيبين ومبروك أنا ايه اللي عرفني يعني انتوا بتقروه امتي ..... المهم سلام

مجرد تخيُل

بناء على طلب المشجعين ليا اللي طالبين تفاهه بس الموضوع مش تافه أوي برضه علشان نفكر بس شويه

لو القدر والنصيب حطوك في منصب تحسد عليه في بلد انت عايش فيها وحاسس بالمعاناه لانك كنت واحد من الشعب ممكن تعمل ايه

لو انت كنت رئيس جمهوريه أو وزير التربيه والتعليم أو وزير التعليم العالي أو الاسكان أو أو أو كنت هتعمل ايه !!!!.....مممممم

أنا عن نفسي لو كنت رئيسة جمهوريه(مع اني ماتمنهاش ابداااااااااا) كنت ظبطت الناس:D

يعني فرص عمل للشباب ومساكن وترفيه وكده... والناس اللي هتفضل اقتلهم بقى علشان الزحمه وحشه

وأهم حاجه كنت قفلت كل شركات السجاير والدخان وتوكيلاتها وأعدمت كل تجارها يعني أخلص من ربع البلد تقريباً

أما لو كنت وزيرة التربيه والتعليم كنت عرفت أصلاً مين اللي يصلح انه يدرس ومين اللي أخره يتجوز ويقعد ف البيت

أما بقى لو وزيرة التعليم العالي كنت اهتميت أكتر من كده بالجامعات اللي ياعيني فيها كليات عليا الدكاتره بتوعها معاهم ابتدائيه قديمه

ويا سلالالالالالالام لو وزيرة الاسكان كنت دمرت البيوت العشوائيه ونضفت الشوارع شويه ووفرت لكل دول مساكن

حاجات كتير عايزه تتظبط بس هقول ايه بقى للأسف مش فاضيه للمناصب دي الحمد لله اني مش ف أي منصب علشان ماتحاسبش على أي حاجه الناس مش حباها

هو أي نعم مستحيييييييييييييل ارضاء جميع الناس لكن اكراهم على كل حاجه حرام ... سواقتهم حراه (ان الناس تبقى متساقه)

على الاقل اعمل اللي عليه واللي احس انه يرضي ضميري.....مش بالكلام والخطب :D

تخيل كده لو كنت منهم كنت هتعمل ايه

الخوف انك لما تمسك منصب من دول تنسى انك كنت واحد من الشعب وتبقى زي اللي كانوا قبلك

شم الروائح عبر الانترنت

أنا أعرف ان ممكن النت ينقل بيانات معلومات صوتيات ومرئيات زي مابيقولوا ... لكن الروائح كمان

ده يثبت ان مافيش حاجه اسمها مستحيل:D

مواقع كتير اتكلمت عن الموضوع ده ادخلوا على جوجل واكتبوا: شم الروائح عبر الانترنت

على فكره: إحتمال كبييير تكون المصادر دي غير موثوق فيها وخصوصاً ان معظمها عربيه:D

الله أعلم بقى

ده واحد من المواقع اللي اتكلمت عنه

http://news.bbc.co.uk/hi/arabic/sci_tech/newsid_6408000/6408203.stm

وده موقع وزارة الاتصالات الكوريه، للناس المثقفه وبتعرف كوري

http://www.mic.go.kr/index.jsp