كل عام وانتم بخير وعساكم من عواده :):)... عام هجري يعني فيلم الشيماء وهجرة الرسول وهجرة الاسلام والأفلام اللي بتيجي بصراحه مش فاكره اسمها.. وسلام خاااص للانتاج اللي مش هاين عليه يعمل فيلم ديني جديد
طبعاً أصلاً انتوا مش فاكرين ولا عارفين احنا في سنة كام دلوقتي !! يااااااااااه من زمان أوي الواحد ماكتبش التاريخ الهجري .. طيب احنا كنا في سنة 1428 ودلوقتي 1429 وعلى فكره العام الميلادي 2008 فيه ثلاث سنوات هجريه !!! علشان طبعاً السنه الميلاديه أطول من الهجريه و 2008 بدأت و 1428 لسه موجوده ودخلت 1429 في بداية 2008 وان شاء الله 1430 هتدخل في نهاية 2008 ... يانهار أبيض إيه الأرقام دي كلها :| .. مشاكل سنين مع بعضها مالناش احنا دعوه
المهم احنا بقينا دلوقتي في عام 2008 ميلادي و 1429 هجري ... بالمناسبه بقى .. حد فكر يحسب عمره قبل كده بالهجري؟ هتلاقي نفسك كبرت على فكره بس مش أوي :)... طيب نحسبها كده .. زود 11 يوم على كل يسنه من عمرك ... يعني اضرب 11يوم في عمرك واجمعهم على عمرك وشوف عمرك هيطلع كام :)))... حد فاهم حاجه ؟؟
في برامج بتعمل الموضوع ده :) ماعلينا
يعني أنا مثلاً اتولدت يوم الاتنين 14-07-1986 يعني بالهجري يوم الاتنين طبعاً برضه 07-11-1406
بس مش فاكره حقيقي كانت الساعه كام .. أصلي لما اتولدت ماكنتش لابسه ساعه
:| من 1406 ل 1429... لا لا لا حلو أوي عمري بالميلادي يعني بالهجري كده 22 سنه وكام شهر
مش عارفه ليه البرامج بتقول ان يوم 07-11-1406 ده كان يوم الأحد ... طيب ازاي وانا أصلاً مولوده يوم الأتنيين :@ ايه اللغبطه دي ... مش لاعبه
السنه اللي فاتت نقول 2007 :$ بصراحه كانت سنه حصلت فيها حاجات كتيييييير وغريبه أوي
بس اللي بجد فرحانه انه حصل اني كسبت ناس كويسه أوي وخسرت ناس مش كويسه - من ساءت أخلاقه طاب فراقه- عموماً أنا كتبت كل حاجه في بوست قبل كده.... غير التخرج ومواقف مشروع التخرج والمشرف العبقري والكلام اللي مش عايزه أفتكره
المهم المهم
امممممممم ... تصدقوا بجد أنا مش عندي حاجه مهمه أقولها أنا بس كنت عايزه أقول كل سنه وانتم طيبيين بمناسبة عام هجري جديد
20 comment(s):
السلام عليكم
انا مش بحب اشكر فى حد
علشان كدة مش هقولك ان دمك زى العسل
وعلى فكرة انتى اتولدتى فى يوم الحد بالهجرى والاتنين بالميلادى
ههههههههه
وبخصوص السنة الجديدة انا والله مكنتش اعرف بجد احنا فى سنة كام
ودة شئ يحزن اصلا
بس هى دى الحقيقة
اى دة انا هقلبها غم ولا اى؟
كل سنة وانتى طيبة
والسنة الجاية ان شاء الله تكونى
تكونى اى؟
متجوزة؟
ممكن انتى اصلا تكونى مش عاوزة
يا رب السنة الجاية تكونى زى مانتى عاوزة
موضوع حلو اوى
تحياتى
kol da 3ashan te2oly kol sana wento taybeen :D
mashy
wenty tayeba :D
ايه ياباشا اللذاذة دى كلها على كلٍ سنة وانتى طيبة
أول مرة أخترق القوانين وأكتب كومنت من الشغل..هكتبه بسرعة قبل ما اتثفش
ويدوب هنفع اقول في السريع وانتي طيبه وعام سعيد عليكي
كل سنة وانتى طيبة
هتعجزى نفسك بدرى
بلاش تحسبى بالهجرى افضل
اما بالنسبة بقى
للافلام الدينية
اصلا فيها معاصى كتير
فالحمد لله انهم مش بيعملو افلام دينية
جديدة
خالص تحياتى
السلام عليكم
المدونة دى هيكون ليها طابع محبب فى نفسي كل ما هدخلها
لسبب بسيط و غريب جدا
يمكن يا رحاب تعرفيه بعدين
اما بالنسبة لحكاية الاتنين و الاحد
فعادى جدا ممكن يكون الاتنين موافق الاحد
و عشان ما تقوليش انى مجنون
فى امريكا بيكون الاحد
و عندنا بيكون الاتنين
و الكلام ده بيستمر لمدة سبع ساعات
لحد ما يبقوا اتنين زينا
فأنتى يوم الاحد يا رحاب غالبا زى ما بتقول البرامج
لانها برامج امريكية او أمريكية معربة
فهمتى حاجة ؟
ما علينا
المهم انا اتشرفت بمعرفتى للمدونة دى و اكيد هزورها تانى
سلام يا رحاب
رجل المطر
كل سنة هجرية وانتى بخير
->@ No Chance
وعليكم السلام ورحمة الله وبركاته
لأ ماتقولش أحسن :D
أنا لما بمسك في الكأبه ببقى زي العسل الاسود بالظبط
مش عارفه ازاي الموضوع ده :) أنا جيت في يوم عجيب
وانت طيب .. على فكره أنا كمان قمت أشوف احنا في سنة كام من النتيجه بس أنا كده كده مش بفتكر كمان السنه الميلاديه عادي يعني :D
أيوووووووه خليها أكون زي مانا عايزه أحسن
شكراً بجد لتعليقك :)
->@ Mega
eh magamego de :D enta gay tdl3 nfsk hna wala eh :D
mashy ya moga (tenek) br7tk ya basha el bet betak
ah mana lazem a2olha bzma :D
thnx ya moga bgd bfr7 lama bshofk hna
->@ انسان بلا عنوان
ربنا يكرمك:) وانت طيب
شكراً لأول زياره وأول تعليق :)
->@ Ahmed Mubarak
طيب أنا هفتن عليك :P
شوفت الغلاسه ... أنا هرد بدالك
أحمد: يعني أنا داخل أقولك ككل سنه وانتي طيبه تفتني عليه
أنا:: أه بقى مانت عارف ان كيدهن عظيم (tenek)
وانت طيب يا باشمهندس ... وعلينا كلنا ان شاء الله
شكراً على تعليقك :)
->@ Doha
أهلاً بيك :) .... وانت طيب
مش فارقه بجد كده كده مش بشوف التليفزيون يعني .. بس كنت بحب أشوف حاجات كده من الافلام دي
شكراً لتعليقك :)
->@ Rain man
وعليكم السلام ورحمة الله وبركاته
مش فاهمه حاجه!!!! بس ماعلينا يمكن أفهم بعدين :)
أه فهمت موضوع الاحد والاتنين ده :) أنا كنت عارفه ان الموضوع يفرق في الساعات والحسابات بين الهجري والميلادي
ربنا يكرمك :) تنور طبعاً
شكراً على التعليق .. سلام :)
->@ زي الهوا
وانتي طيبه :)
شكراً لأول زياره وتعليق
رحاب
كل سنه وانتى بخير دايما
والسنه دى تحققى كل اللى بتحلمى بيه
وسواء بالهجرى او الميلادى
والسنه الجايه فى نفس المعاد ان شاء الله
تكتبى بوست يكون كله اخبار حلوه يارب
تحياتى وتقديرى
رحاب
كل سنه وانتى طيبه ويارب تنعاد عليكى الايام بخير وانتى محققه كل احلامك
كل سنه وإنت طيبه وبصحه وسعاده
أنت وكل من حولك
دمتى بحفظ الله
->@ Ra7eel
ربنا يكرمك يارب على الكلام الجميل ده :)
ويارب تحققي انتي كمان كل اللي تتمنيه
شكراً كتييير بجد
->@ رئيس جمهورية نفسي
ربنا يكرمك يا محمود...وانت طيب
->@ Salwa
وانتي طيبه وبخير يارب :)
شكراً كتيير بجد
Post a Comment
قول رأيك