Published on Feb. 6 2008
يا جماعه أي نقطه بتكلم فيها مش بتكلم عن الكل يعني التعميم جهل --الكلمه لها حق الملكيه الفكريه للباشمهندس أحمد مبارك-- يعني أنا مش معنى اني بقول حاجه في البنات يبقى أقصدهم كلهم تعديل بتاريخ 12-02-2008
أه بس مش مع الشكر والاعتذار المره دي يعني ده تقدروا تقولوا عليه تهيييس
البوست ده من فتره وبما اني غايبه عنكم ومش عندي بجد أيييي حاجه أكتبها والموود كمان مش مساعد والبوست ده كان في الخطه يعني جاهز ... قلت أكمل عليه يمكن كلمه كده ولا كده تبقى مفيده بعد الشر ولا حاجه ولا يمكن يخرجني من الموود
النهارده وأنا راكبه الميكروباص -- أصلي عقبال عندكم بقيت أركب مواصلات غير المترو-- لقيت الراجل مشغل أغنيه أو البوم أو شريط حزين لأ مش حزين كئيب ... الراجل بيغني يقول فيما معناه انه كان مع حبيبة واحد صاحبه واتكلموا عليه وجابو في سيرته يعني وعمال يقوله معلش يا صاحبي ماتزعلش مني احنا برضه اصحاب... الأغنيه غريبه أوي ولفتت نظري ... وبعدها أغنية اعتبره قلب ورااااح :) وحاجه كده كمان ... الناس دي بتجيب الكلام ده منين بجد ده كلام جامد بس عايز صوت يغني ولحن نضيف ...مع احترامي :$
على فكره يا جماعه عن تجربه في مقوله بتقول ضاقت ولما استحكمت حلقاتها فرجت وكنت أظنها لا تفرج... بجد طول الواحد مابيقرب لربنا ويدعي له ربنا بيفرج همه ... أصلاً ربنا بيحطنا في اختبار علشان يشوف احنا هنصبر ولا لأ وهندعي ولا لأ ولما الهم يزول هنشكره ولا ايه ... طبعاً الواحد بيعجز عن شكر الله بجد ربنا ده كرييييييييييييييييييييم --الكلام ده بتاريخ قديم بس مازلت برضه متمسكه بيه--
عارفه عارفه الكلام مالوش دعوه خالص ببعضه مانا قلت في الأول انه تهييس بس ممكن نطلع منه بحاجه مابحبش أهيس بصراحه الا لو هستفيد
أعتقد ان احنا البلد الوحيده اللي بتنطق الضاد وأحسن ناس نقول السين بدل الثاء والزاي أو الزال بدل الذال حتى لما بنيجي نقرأ قرآن بنعمل كده للأسف ولما بنيجي نقرأ انجليزي برضه بنعمل كده ... اشمعنى لسانا طالع في كل حاجه ماعدا الثاء والذال
بمناسبة اللسان اللي طالع بقى ... أنا عايزه كورسات في الموضوع ده :$ أنا ماليش فيه خالص:( وعايزه جلسات أحبال صوتيه :( علشان لما بزعأ صوتي بيعطل في النص ولما بتكلم عادي ماحدش بيسمعني :(:(:( بجد دي مأسااااه يا جماعه
لما النت اتقطع سمعت كلمه كده ماعجبتنيش:: بيقولوا انه هيفضل اسبوع أو اسبوعين على كده!! هما ميين دول اللي بيقولوا يا نااااس ... أي حد بيقول وخلاص ... على أساس ايه يسيبوا النت مفصول يعني وهما أكتر ناس بيخسروا من الموضوع ده... هما ميين دوول؟؟... اللي بيقولوا!!! .... للمره المليون اتأكدوا الأول يا شعب الاشاعات والشائعات وبعدين انشروا الكلام براحتكم...--ملحوظه أنا فيا برضه عيوب كتيييييير أنا لست واعظه--
انتوا طبعاً عارفين اني متحيزه --بس غير متعصبه-- للرجال دوناً عن النساء ليه بقى؟؟؟ حد يقولي ليه... هقولوكم ليه: النساء فيهم كذا عيب لو اتغير --وطبعاً مستحيييييييييييييل التغيير لأنه طبيعه ربنا خلقنا على كده-- هيبقوا 100% أنا برضه فيا بعض العيوب دي وكارهه جداً كونها فيا بصراحه....اللي أنا شايفاه يتمثل في ::
1-التفكير بالقلب وبسسسسس ليس بالعقل... بجد النساء دوول ممكن مايراعوش ظروف اللي قدامهم ويهاجموه من غير مايعرفوا كل الحقيقه
2-تحويل المشاكل الشخصيه الى أزمه فظيعه... والكلام ده حصل قدامي.. مشكله شخصيه حولت وجهة النظر من موافق الي معترض اعتراض تااااااااااام دون النظر للمصلحه العامه ولا أي حاجه
3-أي واحده ست في منصب بتكون يا ساااااااتر يارب على قلبة الخلقه شراب مقلوب فعلاً (مع مراعاة الاستثناءات)ا
4-طبعاً اذا ذكرت السيدات ذكر الرغي الفظيييييع
5-صعب تثق في أنثى صعب تلاقي أنثى تحفظ سرك (كصديقه) صعب تلاقي أنثى مش بتغير من أنثى زيها لأي سبب( صعب وليس مستحيلاً)ا
بما ان التعميم جهل على رأي الباشمهندس أحمد مبارك وبما اني بحترم النسب أوي وبما اني من هذا الجنس اللطيف... برغم اللي قلته ده كله ده لا يمنع ان فيه سيدات قويه وتعرف تاخد قرارات كويسه أوي وعقلها كبير وبجد أنا بحترم السيدات القويه بعقلها أويي وبحترم اللي تكون في منصب وتكون حبوبه ومتواضعه ... أنا أنثى وأمي أنثى وليه أصدقاء بنات لكن دي تحفظاتي على جنسنا هذا
أقولكم على حاجه حلوه..... كفايه كده ... كويس اني كتبت حاجه ... بس بجد الكتابه وحشتني واديني اتكلمت شويه وهلاقي حد يتخانق معايا علشان أخر نقطه :))) وشكراً انكم استحملتوا تقروا ده كله
يالا تصبحوا على خير أو صباح الخير أو السلام عليكم أو سلام على حسب انتوا فين
19 comment(s):
اول كومنت احجز بس وبعدين اعلق
موضوع الاغانى قيسى على كده كتير وبدل ركبت الميكروباص استنى كل انواع الاغانى الهابطه
ضاقت لما استحكمت حلقاتها فرجت دى عن تجربه شخصيه اه ومجربها بس بلاش فضايح والنبى وكلنا بنتمسك بيه
انا بنطق صح وبكتب غلط واعتقد انى ده على ايدك
احنا بلد عايش على الاشعات و احسن ناس تطلع اشعات ولما تحبى تسالى واحد بيقولك انا سمعت من فلان وفلان الى قله علان وعلان قراه فى جرنال طب امتى نسيت وتلاقى كلام من غير رابط ولا معنى
قطعت فروه كل البنات والستات ليه بس
اولا وحشتينا
ووحشنا كلامك
ثانيا
نتعلم من هذا البوست
_ البنات عارفين العيوب الفظيعة اللى فيهم
_ البنات ما بيحاولوش انهم يصلحوها مع انهم عارفنها
_ البنات هتهاجم رحاب بشدة بسبب البوست ده
_ رحاب بتركب ميكروباص
hey
i changed the link of my blog,this is the new link,
http://egyptiangirl-1981.blogspot.com
chao
مساء الفل يارحاب
انتي زعلانة علشان سمعتي الاغنية دي في الميكروباص طيب اسمعي ياسيدتي النكد اللي بجد
بعيد عنك وعن السامعين في اغنية اسمها المحكمة ايوة المحكمة
بتتكلم عن واحد كان ماشي ولقى نفسة قدام المحكمة فقال يدخل يشوف فيها اية وبعدين اية بدأ يوصف هو شاف اية جوة القفص وشاف ام كانت بتعيط وشاف بلاوي سودة وعلى فكرة انابرضة سمعتها في ميكروباص وكنت قربت اعيط من كتر النكد وغصب عني بقيت عمالة اقول بصوت عالي :ياساتر ..اعوذ بالله ..لا حول ولاقوة الا بالله
وكان هاين عليا انزل من الميكروباص
اما موضوع النساء
يمكن كلامك في شئ من الصحة بس انا سعيدة جدا علشان انا سيدة وسعيدة اكتر بحنيتي وحكمي على بعض الامور بقلبي وصحيح الواحدة بتقابل مشاكل كتير في الحكاية دي بالزات بس انا برضة ببقى سعيدة
تحياتي على شوية الكلام اللي مالهمش دعوة ببعض وادعو الله سبحانة وتعالى ان مودك يتعدل ويتظبط
wb fi el blog beta3tek :P
ba3den eh kol el mawadee3 di ...da kol mawdoo3 mn dool 3ayzlo post lewa7do ba3deen 7`effy shewaya 3l banat :P
السلام عليكم يا باش مهندسه
اتمنى تكوني بخير..
أنا بعيد عن (مواضيع) البوست دة عندي نقطة صغيرة لو تسمحيلي
أنا مش هعيب في البنات وقول إعترفتي وشهد شاهد من اهلها والكلام دة بالعكس خالص..
وطبعاً مستحيييييييييييييل التغيير لأنه طبيعه ربنا خلقنا على كده-- هيبقوا 100% أنا برضه فيا بعض العيوب دي وكارهه جداً كونها فيا بصراحه
جمله متناقضه حبتين
عارفه إن ديه حجات من عند ربنا ..
طيب كاره العييوب ديه ليه؟؟
أولا ديه مش عيوب قد ما هيا سوء تحكيم العقل لعواطف القلب..بس محدش يقول ان عاطفته الزايدة عيب ..مطلقا
ربنا عارف كدة بدليل ان الحجات إلي محتاجة قرارات للعقل في يد الرجل..
زي الطلاق مثلا..
لو كان الموضوع دة بيد الست كان زمان رجاله مصر كلها في الشارع
:)
ولكن بما إن ربنا أعطى الستات القلب..أعطاهم العقل..فهما يستخدموة علشان يمشوا صح..مش معنى كدة إنهم ما يغلطوش .. حقهم ..ولكن يوازنوا
لكن إلي بتفشي سر لحبها لحد أكتر من التاني مثلا دة وحش
وكمان بالنسبه للرغي..ربنا خلق الستات كدة..هتقولوا لأ مثلا إحنا مش عايزين كدة؟
:)
ربنا خلق الراجل بيتكلم من
2000 لغايه 6000 كلمة في اليوم غالبا بنخلصهم في الشغل
وخلق البنات بتتكلم
12000 لغايه 16000 كلمة في اليوم
ودة مش حاجة مكسفه أو عيب ..دة ربنا خلقهم كدة
المختصر علشان انا زودتها أوي
ديه مش عيوب نكرهها ولكن بالعكس نحبها ولكن نستخدمها في ما لا يغضب الله ورسوله ولا يؤثر سلبا على شخص أخر وصح لأن ربنا ليه حكمة في وضعها في البنات مش حطها عقاب مثلا
:D
تحياتي ليكي
وأسف جدا للإطاله
اولا وحشتيني جدا
وبلاش تغيبي كده علشان بقلق عليكي
بوست جميل ومتنوع الافكار
تسلم ايدك ياقمر
كل الحب
كاميليا
رحاب مالك يابنتى ؟شوفى انا عارفه حالة التهيس دى حاساكى قوى بجد
مقولة ضاقت ولما استحكمت حلقاتها فرجت
انا كمان مؤمنة بيها جدا
كل لما بضيق بحس انها هانت بجد
علىا لفكره النت فعلا قطع عند ناس اسبوع واكتر من كده كمان
انا كنت منهم
اما بالنسبه لنقدك للستات
فالنقطه الاولى انتى محقه فيها تماما انا شخصيا اوقات كتير بقع فيها
والرغى كمان معاكى حق فى
اما موضوع ان مفيش بنت بتحفظ سر فانا مش معاكى فيها خالص بجد
لاء فى بنات كتير تمام ياريرى
بلاش يكون قلبك اسود كده
بس بينى وبينك بلاش تفضحى علينا كده وخليها فى سرك كده هتشمتى الرجاله فينا
هههههههههههههه
روقى يارحاب مسرها تروق وتحلى بجد
ربنا يكرمك
-> @رئيس جمهورية نفسي
كل يوم فعلاً بسمع حاجات عجيبه بجد
وكلام من غير أييييييي دليل أصلاً
أه أنا بصراحه ضدهم شويه :)
شكراً على تعليقك :)
->@ Rain Man
الله يكرمك :)
1- أيوه عارفينها وفي اللي قابلها وفي اللي مش قابلها وعلى فكره هي مش عيوب فعلاً على قد ماهي طباع
2-ماهو علشان هما مش معتبرينها عيوب... ساعات أي شخص بيكون مش حابب حاجه ف نفسه رغم انها مش عيب فيه
3-أيوووووووووواااان :)))ومش بعيد يكرهوني
4-أه :( :( :( بقيت أركبه :(
شكراً على التعليق بجد:)
->@ Sola
okay:) .... u have 3 links till now to the same blog :)
any way i saw it :)
thnx 4 commenting :)
->@ Shahy
بجد بجد بجد أنا فرحانه جداااااااً انك هنا
منوره والله يا ماما شاهي :)
أنا سمعت أغنية المحكمه دي :) فعلاً خلاصة النكد وتجارب الناس وبتقول من الأخر اللي يشوف مشاكل غيره تهون عليه مشاكله
على فكره مش كل السيدات والله ولا كل البنات أنا ليه أصدقاء بنات وماما هقولك انها انسانه قويه وتفكيرها بجد عالي أوي ومتحضره و...و....و.... يعني أنا بجد مش بقصد الكل
يعني بجد انتي من السيدات اللي بحترمك جداً رغم اني ماشوفتكيش أصلاً ... في سيدات كده وبنات كمان لما بتعامل معاهم بكره نفسي بجد
أنا اتكلمت عنهم علشان أنا منهم عارفه عيوبهم لكن ماقدرش أتكلم عن الرجاله وأنا مش عارفه عنهم حاجات كتير
ادعيلي بجد يا ماما شاهي :) ربنا يكرمك يارب
وبجد بجد بجد شكراً للزياره والتعليق البلوج نور ... يارب تزوريني دايماً :)
->@ Mega
ya Welcome bek ya Moga :D
mlksh d3wa :P hkteb 3la el banat zay mana 3yza :P:P:P :D:D:D
thnxxxxx ya Moga 3la el comment :)
->@ Ahmed Mubarak
وعليكم السلام ورحمة الله وبركاته يا باشمهندس
أكييد البلوج بلوجك
كارهاها والله ساعات بتأذيني
وكــالـــعـــــاده
الكيبورد بتعجز عن الرد على تعليقك
لا تعليق والله يا أحمد كلامك لا غبار عليه
وأنا برضه بتكلم عن زي مابتقول كده شوء تحكيم العقل لعواطف القلب
ده أنا اللي تحياتي يا باشمهندس
ولا يهمك قلنا :@
شكراً للتعليق ... سلام:)
->@ كاميليا
ربنا يكرمك :)
الله يسلمك
شكراً على التعليق بجد :)
->@ Ra7eel
أنا كويسه مافيش حاجه :)... شكراً على الاهتمام والاحساس ده :)
لأ أنا كنت بقول على كلمة بيقولوا
أنا والله ليه أصدقاء بنات مقربين ليه جداً أنا بتكلم عن بعضهم برضه واللي ممكن تلاقيه أغلبيه كمان للأسف
لأ ماهم شمتانيين كده كده :)
يارب تروق وتحلي ان شاء الله :)
شكراً بجد على التعليق والزياره :)
هو منين بيودى على فين؟
مين مع مين طيب؟
->@ 3la asm masr
ليه كده طيب :)))) الكلام واضح وصريييح :)))))
تصدقي الكومنت ده دايماً بيتقالي :) العيب فيه :)))
شكراً انك جيتي وقريتي وتوهتي وعلقتي :$
Post a Comment
قول رأيك