النهارده صحيت من النوم بدري علشان بنام بدري وبرتاح في النوم وباخد وقت النوم بتاعي راحه تامه يعني
وطبعاً خدت الفطار بتاعي كالعاده ونزلت الشارع .... ياااه الشارع فاضي ومافيش ريحة دخان المواصلات
الميكروباصات واقفه بنظام وهدوء ومن غير صداع ووجع دماغ روحت للعربيه اللي حسيت انها مريحه بالنسبه لي .. ... سألت السواق: هو حضرتك رايح فين؟ قالي .... قولتله شكراً وركبت ....سواق محترم مش بيشرب سجاير كمان علشان الركاب مايتعبوش
الولد طلع لم الاجره من سكات وهدوء... والقرأن شغال وصوته هادي السماعت يعني سليمه ومشغل قرأن ومش معليه على الاخر علشان كمان يسمع لو حد قاله نزلني هنا لو سمحت
الهواء نظيييييييف مافيهوش ريحة الدخان ولا مخنوق وعارفه اتنفس كويس...نزلت من الميكروباص لقيت الميكروباص التاني واقف سألته رايح فين وركبت
وصلت في معادي وقلت السلام عليكم قبل سوري ودخلت وأنا الموود كويس أوييي وفايقه ومركزه وقعدت في مكاني الحر اللي بحبه وبتحرك بالكرسي بتاعي بحريه
وبعدين
.
.
.
.
.
أكيد صحيت من النووووووووووووووووووووم :(:(:(:(:(:( حــــــــــــــلم نفسي يتحقق :(((((( كل كلمه اتقالت نفسي تتحقق.... نفسي ألاقيني كده ... نفسي أنام كويس ... نفسي أروح في معادي ... نفسي أشم هواء نظيف... نفسي مالاقيشناس بتترمي من جوه لبره وبتندفع من بره لجوه ... نفسي الشخصين اللي بيركبوا معايا دول يتغيروا بقى :@ ونفسي العربيه اللي بتعدي من جنبي وأنا على الباب دي ماتعديش مش ممكن نفس الشخصين ونفس العربيه في مواعيد مختلفه بدري متأخر هما هما
:@
الحمد لله بجد ... هي مشكلتي الأولي والجذريه المواصلااااااااااااااااااااات والناس
26 comment(s):
هههههههههههههههه تصدقى بالله لقطتك من اول البوست وقلت يااما بتهيش يااما بتحلم يااما سافرت وكنت بتابع عشان اشوف بلد ايه الى فيها كده ههههه اه يانى انا بتبهدل يوميا فى المواصلات اكتر من الراحه وربنا وقال المواصلات سبل راحه
ههههههه انا استغربت برضو
انا قلت اكيد المدونة دى مش فى مصر
بس الحمد لله عقلى رجع لراسى لما اكتشفت انه كان مجرد حلم
ربنا يرحمنا من المواصلات جميعا :(
انا شكيت في المكان اللي عايشه فيه مع البداية الجامده دي
يااااااااااه قد كده بقت حقوقنا البسيطة احلام بعيدة؟؟؟
الله يخرب بيت اللي كان السبب
احلامنا طبعا
تحياتي
رحاب اصحى يا رحاب علشان وراكى شغل ولسه فى مشواااااااااااااار طوييييييييييييييييييييييييييل فى المواصلات , يلا اصحى علشان تلحقى تروحى الشغل
انا قولت بس دى جايه تتكلم عن المدينه الفاضله
هههههههههههههههههههههههههه
والله قلت إنه حلم من تاني سطر كده
بس قلت
هييييييييييه خلينا للآخر يمكن تطلع حقيقه
ويبقى في أمل وكده
بس برده طلع حلم
طلع حلم
طلع حلم
بس برده خير
طالما قادره تحلمي يا رو يبقى خير ( رو دي بدل رحاب يعني )
المهم
حلم قصدي بوست جميل
دمتى بكل خير
ههههههههه
والله العظيم اول ما قريت البوستن قلت بتتكلم عن ايه دى فين الكلام ده يعنى ما انا بنزل كل يوم بدرى اروح الكليه مبشفش الكلام ده ليه
بس كويس انه فى الاخر طلع حلم ده ولكن حقيقه كنت قلقت عليكى
عاااااااااااا
الله يسامحك يا رحاب
افتكرت بجد
وفرحت اوى
بس كنت حاسس ان الموضوع فى خودعة بردة
اصل مش معقول ده يبقى فى مصر
بس تصدقى عيشتينى فى حلم جميل اوى
اللااااااااااااه
لو يبقى كدة بجد
:)
بيقول فى بلد اسمها كوالالامبور بيبقى فيها كدة
ما تيجى يا اختشى نشوف البلد دى
:)
تحياتى
احمد
akid konty nayma we bt7lmy :D.
ana grbt elly bt2oly 3aleh dah bs kan fi 7ala wa7da
wana nazl kol yom ray7 el nady el sa3a 5 30 AM.el fgr we microbus hady we Quran we shewayt nas simple rya7a sho3'laha msh aktr men kda:D
A.S.K
اصحى بابا جاب موز
ههههههههههههه
طبعا لازم يكون حلم مهو لو حقيقه يبقى انت اكيد اكيد مش فى مصر
ربنا يحققه يارب
تحياتى لكى
ههههههههه
انا كمان من الأول كنت حاسه ان دى حلم وده كلنا اكيد بنتمناه فعلاً انا بحس ان المواصلات دى بتمثل كابوس لنص الشعب المصرى
الحمد لله ان مواصلاتى كلها متوفرة ف المترو مع انه اواقات هو كمان بيبقى صعب وزحمة وكتمة نفس بس اهو راحة شوية وستات ف بعضينا :D
يارب يديكى طولة العمر وتحققى حلمك
:)
كنت متاكد مليون المية انك بتحلمى
او قلت ممكن تكون فى مدينة من المدن الجديدة
يابنتى المواصلات دى بتكفر الذنوب
فعلا
->@Honda
الله يكون في عوننا يابنتي بجد ويرحمنا بقى :(
سبل راحه مييين دي وسائل عذاب وتهذيب واصلاح
->@Wael
ياااارب ارحمنا من قرف المواصلات مش من المواصلات ... أحسن مانلاقيش حاجه نركبها تبقى مشكله :)
للأسف المدونه في مصر وللأسف الفظييييع ده كله :(((
شكراً لأول زياره وأول تعليق... يارب تكون مدونتي قريبه مش محتاجه مواصلات تركبها
شكراً :)
->@أنا حر
أه المفروض اننا مانحلمش أحلام وهميه كده :(
شكراً لأول تعليق وأول زياره :)
->@Anonymous
ماأنا صحيت أهو :(:( ماتخليني طيب نايمه شويه :(:(:(:(:(:(
->@د\أجدع بنوته
لأ دي حاجه موجوده في الاحلام وبسسس
شكراً بجد على التعليق والمرور الكريم :)
->@Salwa
حلم جميل مش كده ... بالله عليكي مش نفسك في اللي انا نفسي فيه برضه
شكراً لتعليقك :)
->@ 3la asm masr
بتشوفي طبعاً الحقيقه المره اللي كلنا بنشوفها للأســـــــــف
->@ Ahmed Al-Sabbagh
بجد ايه بس... يارييييييييت
عارف لو انتركاتيكا كده هروحه :))))
بس المشكله في المواصلات من هنا لهناك :(
شكراً ياخالو أحمد
->@ Ahmed Samir
ah ya sosy bgd :'(:'(
طيب يعني لو صليت الفجر ونزلت هلاقي الكلام ده بجد وحقيقي !!! طيب هجرب
Thnx ya sosy 4 commenting
->@ زي الهوا
صحيت أهو :)
شكراً للزياره والتعليق :)
->@ Ra7eel
يارب يا ساره يتحقق
->@ حمامة
كابوس لكل الشعب المصري والسواقين والناس اللي ماشيه في الشارع والحيوانات حتى اللي في الشارع والعصافير اللي اتخنقت .....
ربنا يبعدك عن المواصلات دي بجد ويخليلك المترو حبيب قلبي :) راحه كتييييير احمدي ربنا والله
يارب بعد كااااااام سنه كده :)
شكراً لتعليقك وأول زياره :)
->@ مدحت محمد
أه والله تكفير ذنوب
مافتكرش برضه ان المدن الجديده بالجمال اللي في الحلم ده
شكراً بجد لزيارتك الأولي وتعليقك الأول
Post a Comment
قول رأيك