أنا من أشد المعجبين بيوميات ونيس واللي عاجبني أكتر بابا ونيس اللي من زمان وانا بحس اني معاهم وبتعلم منهم ولحد دلوقتي ... كنت عايزه أوي اعرف لو هو في الزمن ده هيتعامل مع اولاده ازاي ... الراجل ده بحترمه جداً من البدايه احترامه لوفاة كل من شارك في الاجزاء السابقه ودور مايسه اللي لسه مخلص ليها ... اللي عاجبني كمان انه مش انسان مثالي ومش بيغلط بالعكس هو بيغلط كتير زي أي انسان ... بجد اتعلمت منه كتييييير وفي حياتي طبقت حاجات كتير اتعلمتها منه من اسلوب تربيه وتعامل مع الناس واتعلمت ازاي اتعامل مع أسئلة اولادي ان شاء الله يعني ... الراجل ده بيحب بلده ونفسه يخليها أحسن نفسه يبقى في أمانه وصدق ومافيش فضول وحقد ... ربى اولاده على الأخلاق والقيم النموذجيه ... في بوست قبل كده سألت ازاي نربي اولادنا على الاخلاق واحنا في الزمن ده
في الحلقات الأولى بابا ونيس رد عليا لما اولاده ناقشوه انه رباهم غلط وقالهم انا ربتكم على الاخلاق والقيم وكان الحل في جملة لا تحملوا أولادكم على أخلاقكم فانهم خلقوا لزمن غير زمانكم
ومن الحاجات الجميله اللي قالها قبل ماتفكروا في مصاريف الزواج والجهاز فكروا ازاي تبنوا أسرة لا تهدم
من أقوى الحاجات اللي أثرت فيا وقالها أولاً ثقافة أطفالنا وثقافتنا ومعلومتنا عن بلدنا اللي أصبحت شبه معدومه
ثانياً الانتماء ومعنى الانتماء ... خلاني أفكر في حاجات كتيير وعرفت احنا ليه بقينا كده وليه مش عايزين نعطي.. من وجهة نظري لأننا حاسين اننا مش بناخد مش حاسين انها بتاعتنا حاسين اننا اغراب والاغراب اللي بجد بيتعاملوا أحسن مننا فيها... ممكن.. دي وجهة نظري
اللي عايز يسمع درس الانتماء ده من بابا ونيس يتفضل .... على فكره اللينك ده خدته من هوندا شكراً يا هوندا :)
من أول ماعرفت انه هيعمل جزء جديد وهدفه ايه فرحت انه فكر في كده وشخصية حفيده أمان اللي حلمه يبقى رئيس جمهورية ده لأنه قال قبل كده ان حلو رئاسة الجمهوريه مات عند أطفالنا حب يورينا نموذج لطفل نفسه يبقى رئيس جمهورية
على فكره كنت حابه اشوف بوجي وطمطم بعد الموبايل والكمبيوتر والتغيير الكتير في كل حاجه منهم الاخلاق لكن استعيلت نفسي أوي لما شوفتها ولاقيتها بايخه وشخصيات كتير بارده وماعجبتنيش زي زيزي اللي كانت مجنونه وبقت هاديه
أيوه انا لسه مش بحب التليفزيون لكن بحب أخد منه المفيد واستفاد منه وده تحدي من وانا صغيره مش لازم تعرفوه :) ومش من الناس اللي بتبكي بدل الدموع بطيخ لما حلقة تروح مني... على فكره البوست ده كله وجهة نظري سواء فينا أو في اعجابي لبابا ونيس ووجهة نظري تحترم حتى لو مختلفين معايا ولا ايــــــه؟!!ا
في الحلقات الأولى بابا ونيس رد عليا لما اولاده ناقشوه انه رباهم غلط وقالهم انا ربتكم على الاخلاق والقيم وكان الحل في جملة لا تحملوا أولادكم على أخلاقكم فانهم خلقوا لزمن غير زمانكم
ومن الحاجات الجميله اللي قالها قبل ماتفكروا في مصاريف الزواج والجهاز فكروا ازاي تبنوا أسرة لا تهدم
من أقوى الحاجات اللي أثرت فيا وقالها أولاً ثقافة أطفالنا وثقافتنا ومعلومتنا عن بلدنا اللي أصبحت شبه معدومه
ثانياً الانتماء ومعنى الانتماء ... خلاني أفكر في حاجات كتيير وعرفت احنا ليه بقينا كده وليه مش عايزين نعطي.. من وجهة نظري لأننا حاسين اننا مش بناخد مش حاسين انها بتاعتنا حاسين اننا اغراب والاغراب اللي بجد بيتعاملوا أحسن مننا فيها... ممكن.. دي وجهة نظري
اللي عايز يسمع درس الانتماء ده من بابا ونيس يتفضل .... على فكره اللينك ده خدته من هوندا شكراً يا هوندا :)
من أول ماعرفت انه هيعمل جزء جديد وهدفه ايه فرحت انه فكر في كده وشخصية حفيده أمان اللي حلمه يبقى رئيس جمهورية ده لأنه قال قبل كده ان حلو رئاسة الجمهوريه مات عند أطفالنا حب يورينا نموذج لطفل نفسه يبقى رئيس جمهورية
على فكره كنت حابه اشوف بوجي وطمطم بعد الموبايل والكمبيوتر والتغيير الكتير في كل حاجه منهم الاخلاق لكن استعيلت نفسي أوي لما شوفتها ولاقيتها بايخه وشخصيات كتير بارده وماعجبتنيش زي زيزي اللي كانت مجنونه وبقت هاديه
أيوه انا لسه مش بحب التليفزيون لكن بحب أخد منه المفيد واستفاد منه وده تحدي من وانا صغيره مش لازم تعرفوه :) ومش من الناس اللي بتبكي بدل الدموع بطيخ لما حلقة تروح مني... على فكره البوست ده كله وجهة نظري سواء فينا أو في اعجابي لبابا ونيس ووجهة نظري تحترم حتى لو مختلفين معايا ولا ايــــــه؟!!ا
وأخيراً كل سنه وانتم طيبيين بمناسبة العيد ورمضان اللي بيجري وهو الوحيد اللي بيجري لكن السنه الميلاديه ماعرفش طويله كده ليه السنه دي بالذات :)
أه وعلى فكره في رمضان أنا باكل زبادي وبشرب عرق سوس ومش باكل الحلويات الشرقيه ولا الكحك وكنت بشوف بوجي وطمطم "زمان" وباكل المانجه مكعبات :D
وكل سنه وانتم طيبين
سلام
أه وعلى فكره في رمضان أنا باكل زبادي وبشرب عرق سوس ومش باكل الحلويات الشرقيه ولا الكحك وكنت بشوف بوجي وطمطم "زمان" وباكل المانجه مكعبات :D
وكل سنه وانتم طيبين
سلام
12 comment(s):
كل سنه وانتى طيبه يارحاب
وبخيييييييير
انا مكنتش متابعه مسلسلات تقريبا ولا اى حاجه فى التليفزيوون
جايز اشوف المسلسل بعد رمضان لانى كنت بحب اجزاءه اللى فاتت جدا
يارب تكونى بخير
اه هو كويس بس برده في حاجات بتفلت منه يعني تحسي ان جهاد من ساعة ما كانت صغيره لحد دلوقتي مش محجبه يعني هو بيهتم بالعلاقات الاجتماعيه اكتر من الدينيه وطبعا احنا منقدرش نفصل ده عن ده علشان احنا ناس مسلمه و في حاجات كتير بس بصراحه المسلسل الوحيد ال اسيب اطفالي تتفرج عليه و انا مطمن
كل سنة وانتى بخير يارحاب
انا بحب المسلسل لنفس الأسباب ال ى ذكرتيها وناوية اطبق منها كتير ان شاء الله
انا متفرجتش لسه ع المسلسل لأننا مقاطعين التلفزيون ومبندخلوش البيت
اصلا
بس بحملهم م النت
:D
->@ رحيل
وانتي طيبه :)
ان شاء الله... ربنا يكرمك شكراً بجد على التعليق
->@ Ramy Mahrous
رامي عندي هنا يا أهلاً وسهلاً
أنا فعلاً ملاحظه الموضوع ده من الأول مافيش غير مره واحده بس لما قال لأولاده اتوضوا وصلوا ركعتين
وعندك حق ... مسلسل محترم بجد
شكراً يارامي على تعليقك الكريم :)
->@ هوندا
أولاً ميرسي على اللينك :)
حمليهم من النت :D
انا متفقه معاكى فى كل كلمه قلتيها
وتعرفى ان اكتر حاجه مفرحانى انك اخدتى بالك من كل الحاجات اللى لفتت انتباهى فى المسلسل واولها اللسته اللى مكتوب عليها فقدناهم ونكرمهم
قلت اهو كده بجد الواحد يعرف ان بيسمع الجزء السادس من ونيس
وعلى فكره انا نوهت بدون تفاصيل عن ونيس فى البوست الاخير عندى :)
انا مبسوطه من رايك اللى كنت هقوله قبلك وعلى فكره رغم انى زمان كنت بحب بوجى وطمطم مافكرتش اسمعهم فى رمضان ده لانى محسيتهمش زى زمان :(
كل سنة وانتى طيبه
وعيدك سعيد ان شاء الله
->@ نور
أنا بحترم أي حد محترم والراجل ده محترم من زمان واحترم الناس اللي توفت
أنا اللي مبسوطه من التعليق بجد :) أشكرك كتيير وفعلاً بوجي وطمطم ماعجبنيش حاااااالص
وانتي طيبه :) ان شاء الله سعيد علينا كلنا
كل سنة وانتي طيبة يارحاب
ونيس ويوميات ونيس
الحاجة الوحيدة اللي كنت بشوفها في رمضان
كنت بعيش معاه ايام جميلة من زمااان
بجد مسلسل جميل وفنان ممتاز
فنان احترم عمله وفنة فاحترمته الناس
بنتي بتقعد تقول ونيس ونيس وتخليني اضحك وانا اللي كنت زمان بقعد اقول لماما...ونيس ونيس
تحياتي
محمد سمير
طبعا اعجابي بالمسلسل مرتبط بشكل كبير باعجابي بشخصية محمد صبحي تفسها
الراجل ده مثقف وواعي لابعد الحدود
..
عجبني ملاحظتك عدم مثالية ونيس
و المثالية دائما هي اللي بتفسد على المشاهد عامل مهم جدا
و هي الاقتناع
حبيت اسلم عليكي يا رحاب اتمنى تكوني لسه فكراني
->@ غمض عينيك
أهلاً يا محمد سمير منور البلوج
فعلاً غنان محترم جداً جداً جداً
بس انت كنت صغير أوي كده أيام ونيس زمان :) بس فعلاً زمان كان من المسلسلات اللي كلنا كنا متابعينها
ومع أحفاده في الزمن ده جميل أوي أوي
أشكرك بجد يا محمد على زيارتك وتعليقك
->@ عبد الحميد
أهلاً بيك :)
فعلاً أنا مش بحب المثاليه اللي غالباً بيعملوها أبطال المسلسلات
في حاجات ونيس بيعملها غلط وده اللي محسسني انه انسان عادي زينا بيغلط
الله يسلمك :) ميرسي أوي بجد بجد على التعليق
ماهي في ناس كتيييير أهي بتحب ونيس كويس :)
Post a Comment
قول رأيك