Child Imam - Miracle And Blessed Child - A Must See

أحسن حاجه انك تأخد الدعوه من قلب طفل

Related

Islam and the strangers
Small boy reciting Quran...
The Young Imam

And from Ahmed Essawy' Blog

أعذب الاصوات لصغار القراء

شباب اليومين دوول

أنا هقول بسم الله الرحمن الرحيم وربنا يقدرني بقى على اللي هقوله
بصراحه برضه أنا كنت أنا وبابا بنتكلم أول امبارح أو امبارح ماعلينا يعني المهم
كنا بنتكلم على غسيل المخ اللي بيحصل للشباب وبيقولي انهم بيفهموا الشباب انهم لازم يحاربوا أنا بصراحه سبت نفسي من الكلام ده كله وسألت سؤال واحد هما ميين دول اللي يحاربوا؟؟؟
هما شباب اليومين دوول ممكن يمسكوا سلاح ويحاربوا؟؟؟؟
نسيبنا من الحرب والكلام في الحاجات دي نتكلم بالمنطق أنا كل اللي أنا شايفاه من معظم الشباب قعاد على القهاوي مشي في الشوارع من غير هدف وقعاد على النت طوول الوقت (طبعاً ماعدا احنا احنا معانا عذرنا) المهم أنا بجد يا جماعه مش عارفه لو حصلت حاجه -لاقدر الله يعني ربنا يحمينا يارب- هنلاقي حد يدافع ويشيل البلد دي ولا لأ؟؟؟؟؟
على فكره أنا بجد بفتخر ان بابا حارب في 73 وكان في سننا كده نقريباً
بس أعتقد إن اليومين دوول مافيش شباب في السن ده تقدر تعمل حاجه مفيده
طبعاً بجد فعلاً في ناس بتحاول ترفع نفسها على أمل انها تعمل حاجه للبلد وفي ناس بتهرب وتسافر ومالهاش دعوه
أنا بصراحه مش عارفه العيب في ايه أنا مش مصلحه اجتماعيه ولا مثاليه ولا أي حاجه انا مجرد انسانه جيه على بالي سؤال وخلاص
بس بجد مش عارفه مين السبب في اللي احنا فيه أنا مش بتكلم على الشباب بس البنات كمان مشكله وليها حواااااااااااار لوحده -أنا من كارهي نوعيه معينه من البنات على فكره- البنات في منها كتيييييييييير تافه ومالوش هدف برضه جري وراء الموضه ولا عشق واحد عبيط بيغني أي كلام في أي هبل
أنا كده خلصت كلامي بس برضه مش لاقيه اجابه هو ده من ضغوط نفسيه عليهم ولا طبيعتهم كده ولا تربيتهم ولا عدم وعي ولا تضليل ولا ولا .............

شوية كلام مع الشكر والاعتذار

حسيت إني عايزه أتكلم مع نفسي شويه فقلت أجي هنا
في ناس كتيير جات على بالي الناس دي اتعلمت منهم حاجات كتيير وغيروا فيه حاجات كتيير سواء بالإيجاب أو بالسلب
أنا هتكلم على الناس دي بأول حروف من اسمها بس (يعني هتبع طريقتك تقريباً يا عماد) المهم بجد الناس دي عايزه أشكرها أو ألومها وأعاتبها وعلشان كده هكتب بس أول حرف من الاسم هو أكيد كل واحد هيعرف نفسه وفي ناس ماتتخيلش أصلاً اني اتعلمت منهم حاجه بس هما موجودين هنا برضه
بغض النظر عن الترتيب
ملحوظه::1- أنا بجد مش عارفه مفهوم الحاجات اللي هتكلم عنها دي (الآنانيه والغدر والصداقه ... إلخ) عندي زي عند الناس ولا الناس بتعرف الحاجات دي بمفاهيم تانيه الله أعلم أنا هتكلم من وجهة نظري والكلام ده كله صرييح وفي وشهم أحسن ماتكلم من وراهم :)
2- المؤنث في كلامي معناه الكلام على شخصيه بغض النظر ولد أو بنت
3- البوست ده هيتعدل كتيير أوي إن شاء الله :)
4- أنا مش بحب أدي حد أكتر من حجمه بس المره دي أنا مش عارفه أشكر الناس اللي بشكرها دي ازاي علشان فعلاً يستاهلوا أكتر من كلامي بكتيير
5- إحتمال كبير أكون مش فاهمه الشخصيات دي بس أنا بتكلم من وجهة نظري الشخصيه
وكما يقال: من ساءت أخلاقه طاب فراقه
المهم

1-ِA.M.
غير متوقع

(updated in 05-11-07)

ماكنتش عارفه الشخصيه دي خالص بس عرفتها بالصدفه ورب صدفه خير ان شاء الله :) ... بصراحه ماكنش عندي أي انطباع خالص عن الشخصيه دي كل انطباعي عنها انها شخصيه مع نفسها يعني مثلاً مش ظاهره بين الناس شخصيه عاديه جداً يعني .... بس لما كلمت الشخصيه دي لقيت انها مش كده خالص ..... المهم الحاجه اللي خلتني اكتب عن الشخصيه دي اني اتناقشت معها في حاجات كتير في الدنيا ورأيها غير وجهة نظري في حاجات كتير رغم اني اتناقشت في بعض الحاجات دي مع ناس كتير بس كان كله كلام ومأثرش فيه كان عادي يعني .... لكن الشخصيه دي أقنعتني بحاجات كتيره ماكنتش عايزه أقتنع بيها ... علشان كده حبيت اني أشكر الشخصيه دي بجد كتيييير لأن الكلام اللي اقنعتني بيه فعلاً أغلبه صح... ربنا يخلي الشخصيه دي للغلابه :)ا

5-N.M.

بصراحه أنا كنت متأكده ان الاسم ده هيجي هنا بس كنت مستنيه حاجه جامده تحصل مش حاجه جامده من وجهة نظر الناس بالعكس وكالعاده من وجهة نظري أنا يرضه أنا مش هوصف شخصيه لأنها لاتوصف في سطور ;)
أنا بس هقول شكراً كتيييييييييييييييير علشان بجد ماكنتش متخيله الجدعنه دي كلها من غير مانا أطلب أي مساعده حتى .... والشخصيه دي بتساعدني هي كمان متخيله انها مش بتعمل حاجه بجد أنا أصلاً بحب الشخصيه دي وبجد شكراً على موقف الايميدج اللي عملته معايا ممكن يكون من وجهة نظر الناس الكلام ده كله مالوش لازمه ماحدش ليه دعوه بقى :D
أنا حبيت بس أشكر حد ماكنتش متوقعه منه حاجه زي كده ...... صحيح أنا آسفه علشان زي ماقلت كنت بتخنق من الشخصيه دي في سنه أولى بس العيب كان فيه اني مافهمتهاش صح

6-H.M.

عرفت منها اني أحاول اتحكم في الظروف وماسبهاش تتحكم فيه بس مش بنفذ الكلام ده أو بحاول وبفشل بصراحه

7-C.S.

اتعلمت من الشخصيه دي بجد حاجات كتير بحاول اتعامل بيها دلوقتي منها اني ماشتكيش كتيير وبجد تفكير الشخصيه دي بيعجبني جداً في حاجات كتيييرهي ممكن تكون شخصيه جامده شويه مش مرنه يمكن ده العيب الوحيد بس بجد أنا بحب الشخصيه دي أوي شكراً كتييييييييييييييير
على فكره ده مش قسم علوم الحاسب ده اسم لشخصيه :D

8-M.
كفايه أول حرف

ممكن برضه أتحامل شويه على الشخصيه دي بس بصراحه بحس ان مبدء الشخصيه دي أنا ومن بعدي الطوفان والمعنى واضح بس تفسيري ليه ممكن كالعاده يكون مختلف شويه أو كتيير أنا مفسراه بمواقف
من ضمن المواقف انك لما تشوف صاحبك مضايق من تصرف معين انت بتعمله المفروض انك تحاول تبطله وخصوصاً لو كان التصرف ده أصلاً مش كويس (بعتبرها من آداب الصداقه) خلاص احافظ على مشاعر اللي قدامي وماعملش كده مثلاً لكن الشخصيه دي مش بتعمل كده
ومن النوع اللي ممكن ينسب حاجات ماعملهاش لنفسه وأنا بحس ان ده منتهى الظلم والخيانه
غير كده هي شخصيه لذيذه بس هي دي نقطه الخلاف بيني وبين الشخصيه دي
أنا بس بعاتبها :)

11-E.I.A.
الاسم ثلاثي اهو :)

(updated in 01-03-10)

من اكتر الشخصيات اللي تقول خساره فيها الوقت اللي عرفته فيها... وبما ان خساره فيها حبر الكي بورد ... من أكتر الشخصيات اللي شوفتها في حياتي تكره الخير لحد ومش بس كده لأ تعشق أذية الآخرين يعني مجموعة صفات ماشوفتش زيها في بشر بصراحه ولا في أي كائن حتى... أكتر شخصيه منافقه وب100 وش شوفتها في حياتي بجد ماكنتش أتخيل ان في حد في الدنيا كده.... آسفه جداً لنفسي اني عرفت شخصيه زي دي

15-W.SH.
الشخصيه دي وأنا في قمة ضيقتي اللي هي طبعاً تالته الترم التاني قالتي ماتقلقيش وإن شاء الله ربنا هيحلها بس انتي ادعي وقولي "اللهم أجرني في مصيبتي واخلف لي خيراً منها تلات مرات" أنا بصراحه الدعاء ريحني جداً وربنا كرمني فعلاً وعديت بمعجزه بجد بمعجزه الحمد لله وحاجه كمان الشخصيه دي ليها فضل عليه اني أكمل البلوج ده إني أستمر فيه الحمد لله ووجودي في البلوج ده بيريحني كتيير أوي وبتكلم هنا براحتي وناس كتير بترد عليه بستفاد منها كتيييير... بجد شكراً كتيييير وربنا يقدر الشخصيه دي على الخير ويكرمها وبجد أنا بحب جـــــــداً الشخصيه دي ربنا يكرمها يارب

16-R.M.A

(updated in 01-03-10)

من أجدع الشخصيات اللي عرفتها في حياتي ... صريحه ... كفايه اني اقول صديقة عمري(14 سنه ماشوفتش منها اي حاجه وحشه) بس محبطه شويه :))ا

اللي يعرف حاجه يقول

فكره مسروقه من خالد (بعد إذنك طبعاً يا خالد أنا استأذنت عندك) بس عجباني وبناءً على كلامك
and also i wanna some ppl to do the same on thier blogs
المهم الفكره إن كل حد يعرفني يوصفني
بس مش شكلاً أنا مش معاقه ذهنياً أوي كده ولا تايهه :D
أنا أقصد اللي يعرف عني أي صفه يقولها
واللي حاسس فيه حاجه كويسه أو مش كويسه يقول برضه
tb3an f 7dood el 2dab(BEL)(BEL)
حتى لو يعرفني من بعيد وليه انطباع معين يقوله
المهم ماتخرجش من هنا الا وانت كاتب بس مش كلمه وتجري يعني اللي يعرفني أوي أو نص نص يتكلم باستفاضه وياســـــــــلام لو بالعربي ربنا يكرمكوا ده لو حد عبرني أصلاً :D
أنا الكلام ده بعته ميل بس كان كلمه واحده لكن هنا أنا عايزه الناس تكتب براحتها أوي :D
ويارب حد يعبرني
يلا المايك معاكوا
على فكره المفروض إني ماردش بس في ناس عايزاني أرد فمضطره أرد :)

FCI tag

I've been tagged by Ramy 3ala assas eny f el bloggers section 3ndo
w bsra7a tslm edak ya 7osam 3l as2la de (Y)

1-List five things you learnt in FCI -not Technical :D-??

1- إن في ناس كتييييير بتدور على مصلحتها دون اعتبار لمعنى أو قيمة الصداقه وان في ناس ممكن تدوس عليك علشان توصل والناس دي ماتقولكش سلام عليكم الا اذا كانت عايزه منك حاجه

2-عرفت برضه ان في ناس مستعده تموت علشان الصديق وعارفه فعلاً ومقدره قيمة الصداقه ومعناها

3-ممكن الناس تعترض بس اللي انا اكتشفته ان الكليه دي بالحظ يعني مش معنى اني أذاكر وأفهم وأشرح للناس اني انجح في الماده بالعكس خالــــــــــــــــــــــــــــــــــص :D

4-مش مشكله السن مش معني اني اكبر من حد يبقى بفهم عنه بالعكس انا في ناس كتييير أصغر مني وبحترم جـــــــداً طريقة تفكيرهم

5- ان دفعتنا دي رجــــــــــــالــــــــه بجد من الناس اللي ماتتعوضش وفي ناس كتيير اوي بحترمها جداً في الدفعه دي يعني اتعلمت ان الرجاله الصح يبانوا وقت الشده ويقفوا مع بعض وقفة رجاله

2-Five things you will miss in FC ??

1-الناس اللي عرفتها اللي بجد مايتعوضوش

2- المكان نفسه هيوحشني وجو الكليه نفسها وجو تسليم المشاريع واللي بيحصل فيها

3- الحياه الروتينيه المتعبه جداً علشان انا اصلاً بحب اني ارهق نفسي اويييي :D

4- الاوقات الجميييييله اللي لايمكن تتعوض

5- الرحلات اللي ماطلعتهاش كلها بس برضه هتوحشني

3-Best day in FCI Helwan?

مش فاكره أوي بصراحه بس اليوم اللي كنت فيه في قمة السعاده السنه اللي فاتت 2006 في ختام الاسبوع الثقافي لما هويدا خدت 5 شهادات تقدير بجد كنت فرحانه جــــــــــــــــــداً أكتر مافرحت لما خدت السنه دي شهاده مش عارفه ليه :D

4- Worst day?

ممكن نقول worst term :D:D:D

تالته الترم التاني اللي بجد مافرحتش فيه ولايوم الا يوم ما هويدا خدت شهادات التقدير بس الباقي كله كان اكتئاب وشيل هم ورعب من النتيجه علشان كان ناقصلي ماده واطلع بره:D

5-Best week?

الاسبوع الثقافي 2007 مع اني ماليش فيه بس بجد بحترم الناس القائمين عليه جداً وبحب الاسبوع الثقافي وختامه جداً جداً

6-Best doctor, course, book, project?

دكتور : الجارحي و حجاج وسيد عبد الجابر علشان ضميره وماحدش يشتم ودكتور بلال

كورس : الذكاء الصناعي وبرضه ماحدش يضرب

book : Artificial Intelligence and Operation System

project : Flash, MFC, Matlab

7-Worst doctor, course, book, project?

دكتور : ح. ش. اللي الكل عارفه

course : Java

book : Digital Image Processing :@

project : Compiler والله يجازي اللي كان السبب :D

8-Best instructor?

مستر عمرو غنيم بجد عنده ضمير جداً وايهاب علشان بحس انه فاهم اوي و أيه علشان الضمير أوييي وانها بتحب تساعد وأحمد عمرو اللي مادناش أصلاً بس برضه من الناس اللي عندها ضمير وبتحب تساعد وأيمن عزت ومس مي

9-Best situation?

هو موقف صعب ومؤلم بس عرفت فيه معاني كتيير

وفاة والدة محمد نبيل وأخت كريم حسيت بجد ان الدفعه دي أسره واحده قلبها على قلب بعض وخصوصاً كمان موقف البنات اللي طلعت رجاله

10-Bad situation?

يوم تسليم مشروع التخرج الترم اللي فات حسيت اننا قدام انسان مش فاهم أييييييييييييي حاجه وتافهه ومش هقول اكتر من كده

11-Did you meet your sweet-half in FCI?

لأ مش بفكر في الموضوع ده مستنيه لما أكون نفسي الأول :D

بس للأمانه أنا نفسي يكون حد من نفس المجال علشان يقدر إني مش مجنونه ودي حاجه طبيعيه تأثير الكمبيوتر :$:$:$:$

12-Did you regret for knowing someone in FCI?

أكييييييييييييييييييييييد للأسف الفظيع اني ندمت

13-What was your favorite place in the faculty?

الدور الأول

14-What is the size of our digital photos on your hard disk?

عندي 456 ميجا واللي عنده صور يجبها أحسنله :D

15-What will you do in the last day?

مش عارفه بس الأكيد ان شاء الله هحاول أخرج مع اصحابي وبجد خايفه أبكي :$:$

16-What would you like to say to dof3tnaa?

بحبكم أويييييييييي وياريت نفضل على اتصال دايماً ببعض يا أحلى ناس عرفتها

17-What would you like to say to other grades -aldof3at altanya

عيشوا كل لحظه لأن الفتره دي ماتتعوضش وشدوا حيلكم وخلي بالكوا الكليه دي دنيا كبيره أوي هتاخدوا خبطات من ناس وهتتصدموا في ناس بس طبعاً مش كل الناس

18-What would you like to do if you found the today's date is 2003-ya3ny lo reg3t lesnah ola bel3fyah ??

هيحصل نفس اللي حصل بالظـبط لأني مش بقتنع بحكاية لو الزمن رجع بيه هعمل كذا ومش هعمل كذا بس علشان أجاوب بجد

هحاول أكون أنانيه وبتاعة مصلحتي :D

ومش هشرح حاجه تاني لحد علشان ماشيلش الماده اللي أنا بشرحها كالعاده :D:D

tagging: kol ely 3yz ygweb 3l as2la de :D