أنا هقول بسم الله الرحمن الرحيم وربنا يقدرني بقى على اللي هقوله
بصراحه برضه أنا كنت أنا وبابا بنتكلم أول امبارح أو امبارح ماعلينا يعني المهم
كنا بنتكلم على غسيل المخ اللي بيحصل للشباب وبيقولي انهم بيفهموا الشباب انهم لازم يحاربوا أنا بصراحه سبت نفسي من الكلام ده كله وسألت سؤال واحد هما ميين دول اللي يحاربوا؟؟؟
هما شباب اليومين دوول ممكن يمسكوا سلاح ويحاربوا؟؟؟؟
نسيبنا من الحرب والكلام في الحاجات دي نتكلم بالمنطق أنا كل اللي أنا شايفاه من معظم الشباب قعاد على القهاوي مشي في الشوارع من غير هدف وقعاد على النت طوول الوقت (طبعاً ماعدا احنا احنا معانا عذرنا) المهم أنا بجد يا جماعه مش عارفه لو حصلت حاجه -لاقدر الله يعني ربنا يحمينا يارب- هنلاقي حد يدافع ويشيل البلد دي ولا لأ؟؟؟؟؟
على فكره أنا بجد بفتخر ان بابا حارب في 73 وكان في سننا كده نقريباً
بس أعتقد إن اليومين دوول مافيش شباب في السن ده تقدر تعمل حاجه مفيده
طبعاً بجد فعلاً في ناس بتحاول ترفع نفسها على أمل انها تعمل حاجه للبلد وفي ناس بتهرب وتسافر ومالهاش دعوه
أنا بصراحه مش عارفه العيب في ايه أنا مش مصلحه اجتماعيه ولا مثاليه ولا أي حاجه انا مجرد انسانه جيه على بالي سؤال وخلاص
بس بجد مش عارفه مين السبب في اللي احنا فيه أنا مش بتكلم على الشباب بس البنات كمان مشكله وليها حواااااااااااار لوحده -أنا من كارهي نوعيه معينه من البنات على فكره- البنات في منها كتيييييييييير تافه ومالوش هدف برضه جري وراء الموضه ولا عشق واحد عبيط بيغني أي كلام في أي هبل
أنا كده خلصت كلامي بس برضه مش لاقيه اجابه هو ده من ضغوط نفسيه عليهم ولا طبيعتهم كده ولا تربيتهم ولا عدم وعي ولا تضليل ولا ولا .............
بصراحه برضه أنا كنت أنا وبابا بنتكلم أول امبارح أو امبارح ماعلينا يعني المهم
كنا بنتكلم على غسيل المخ اللي بيحصل للشباب وبيقولي انهم بيفهموا الشباب انهم لازم يحاربوا أنا بصراحه سبت نفسي من الكلام ده كله وسألت سؤال واحد هما ميين دول اللي يحاربوا؟؟؟
هما شباب اليومين دوول ممكن يمسكوا سلاح ويحاربوا؟؟؟؟
نسيبنا من الحرب والكلام في الحاجات دي نتكلم بالمنطق أنا كل اللي أنا شايفاه من معظم الشباب قعاد على القهاوي مشي في الشوارع من غير هدف وقعاد على النت طوول الوقت (طبعاً ماعدا احنا احنا معانا عذرنا) المهم أنا بجد يا جماعه مش عارفه لو حصلت حاجه -لاقدر الله يعني ربنا يحمينا يارب- هنلاقي حد يدافع ويشيل البلد دي ولا لأ؟؟؟؟؟
على فكره أنا بجد بفتخر ان بابا حارب في 73 وكان في سننا كده نقريباً
بس أعتقد إن اليومين دوول مافيش شباب في السن ده تقدر تعمل حاجه مفيده
طبعاً بجد فعلاً في ناس بتحاول ترفع نفسها على أمل انها تعمل حاجه للبلد وفي ناس بتهرب وتسافر ومالهاش دعوه
أنا بصراحه مش عارفه العيب في ايه أنا مش مصلحه اجتماعيه ولا مثاليه ولا أي حاجه انا مجرد انسانه جيه على بالي سؤال وخلاص
بس بجد مش عارفه مين السبب في اللي احنا فيه أنا مش بتكلم على الشباب بس البنات كمان مشكله وليها حواااااااااااار لوحده -أنا من كارهي نوعيه معينه من البنات على فكره- البنات في منها كتيييييييييير تافه ومالوش هدف برضه جري وراء الموضه ولا عشق واحد عبيط بيغني أي كلام في أي هبل
أنا كده خلصت كلامي بس برضه مش لاقيه اجابه هو ده من ضغوط نفسيه عليهم ولا طبيعتهم كده ولا تربيتهم ولا عدم وعي ولا تضليل ولا ولا .............
25 comment(s):
رحاب هقولك حاجه ممكن انتي شايفه كده بس المشكله الشباب متحتيتش في اختبار يعني محدش يقدر يقول لو فيه حرب الناس هتشيل سلاح ولا لا
قصدي يعني الشباب تعالي نرجع ايام السيتنيات اسألي والدك الدنيا كانت عامله ازاي حال الشباب لو والدك اتكسف يقولك اتفرجي على الافلام بصراحه كانت الدنيا في مصر مليطه على الاخر ولادين ولابتاع وكانوا الي خايفين على البلد اقليه جدا نفس الموضوع ده دلوقتي مع فرق كبييييييييييييييييير ان الناس بدأت تبقى الي حد ما ملتزمه بس بجد الشباب لو في موقف هيثبتوا انهم رجاله انا بتكلم على الاغلبيه
احنا نتكلم جد شويه ... دلوقتي أنا مش عايزه فعلا أظلم الشباب - طبعا سيبي البنات علي جنب شويه - بس ساعات فعلا بافكر باقول إن لما نكون في حرب مثلا لاقدر الله بتهيألي هتلاقي الرجاله ظهروا و هنفتخر بيهم كمان ، بس للأسف بتجيلي ساعات أكتر باشوف مثلا الشباب اللي فرحان بصوتوا و يترقص كدا زي البنات واللا الشباب اللي فرحان بعربية مامي واللا بابي و نازل دهس في الناس في الشارع و يجري لا من شاف و لا من دري و اللا الشباب اللي مش هموا يكافح و ينجح عشان يبقس إنسان كويس
أنا مش عارفه بجد أقول العيب فين ... لو قلنا البيئه هنقول في ناس كتييير بتعيش في قحط و بتطلع رجاله بجد و مش بيتحجج بالبيئه بتاعتو و يبقي فاشل ... و لو قلنا الأسره و التربيه ، هنقول إن ممكن تلاقي الأب و الأم في قمة السلبيه مع اولادهم أصلا ، و تتفاجيء إن الإنسان ده طلع راجل و بني بيت يعوض فيه اللي إتحرم منه
و لو قلنا المستوي الإجتماعي برضو مش مقياس إن الشباب ده يطلع حلو أو وحش
بس طبعا العوامل ديه مهمه بالإضافه للشخصيه نفسها، هل أصلا جواها إنها تكون كويسه أو لأ و الأهم من كده إن الشباب يكون بيحب البلد أصلا عشان يدافع عنها
بس في الاخر باقول إن فيه رجاله بس هما في بيات شتوي دلوقتي مستنيين الفرصه عشان يقدروا يطلعوا
بلاش أتكلم علي البنات و خاللي الطابيء مستور :S
راى الشخصى ان المشكله مش ان الشباب ضايع و فاضى و معندوش اهداف يوصلها فى حياته دى طبعا حاحه تانيه بس المشكله الأساسيه ان مافيش حد دلوقتى عنده انتماء. انهى واحد دلوقتى مش عايز يسافر بره و يسيب البلد ؟انهي واحد دلوقتى بيقول بلدى ادافع عنها لأخر قطره فى دمي(و الكلام بتاع الافلام ده)؟ اولا الزمن اتغير و الغلط مش على الشباب بس ... ايه اللى الشباب شايفه في البلد عدل علشان يتمسيك بيها و يدافع عنها و ما يسافرش و يسيبها ... اى حد عايز يكون نفسه او يتعلم بجد بيسافر بره
ايه اللى خلى واحد زي مجدى يعقوب و زى احمد زويل و غيرهم يسافروا بره ده عشان البلد مدتهمش قيمتهم ... كل واحد دلوقتى بيقول يلا نفسى مين اللى هيقول بلدى...
عندى كلام كتير طبعا بس مش عايزه اطول
أنا عارفه ان كلامى ده هيدايق ناس كتير بس ده اللى انا حاساه
السلام عليكم ورحمة الله وبركاته
معاكي حق ان الشباب بقي حالهم زي الفل ماشاء الله بس عايزيين نبص لنص الكباية المليان او بلاش نص الكباية خليهم الشوية الموجودين في الكباية
في ناس والحمد لله لو الحرب قامت هتلاقيهم اول ناس في الجبهة ودول هم اللي لما بتقام الصلاة بتلاقيهم اول ناس في القبلة
مش كل الشباب بيرقص ويغني ويتنطط ورا فلان وفلانة ومقضي حياته قدام الدش وعلي الشات وخروجات وتهييس بالعربيات و........ الحاجات الكتيرة اللي الكل عارفها في شباب تاني همها الاول هو ازاي تدخل الجنة وازاي تخلي بلدها احسن بلد وازاي تساعد الناس اللي حواليها وازاي تنفع مجتمعها والشباب دول بيحاربو من دلوقتي بس حرب مش بالرشاشات والمدافع حرب بالشغل الجاد والنجاح في كل مجال واكتر من كده بكتير
الشباب دول كتير جدا والحمد لله وهتلاقيهم حواليك وفي كل مكان تروح فيه بس المشكلة ان احنا بنركز علي نص الكباية الفاضي ونهتم بيه ونسيب نص الكباية المليان بس في الاخر الايام هي اللي بتبين الناس صح
اغرب حاجه ان الشعب المصري كله بيشتكي من بقيه الشعب المصري
حتى ان الواحد بقى بيدور علي الناس الوحشه ديه مبقاش لاقيهم
ياجماعه بلاش نشتكي من الناس التانيه وكل واحد يبدأ بنفسه الاول
<>>>>> انا مش قصدي حد معين و مش قصدي عليكوا عشان متفهمونيش غلط
انا تماما مع رامي و كنت حقول كلام بنفس المعني .
بس جزاك الله خير يا رامي انت وفرت عليا الكتابه
:) .
همممممم
هو انا مع رامى فى ان الشباب ماتحطش تحت اختبار ومع محمد فى ملاحظاته وتفاهه شباب كتير اليومين دول
ومع هدهد فى ملاحظاتها ورأيها
ومع كوكى باردوا فى موضوع الانتماء ده
اه كمان مع والدك فى موضوع غسيل المخ
:D
عايز بس اضيف حاجه
انا شايف ان المشكله الرئيسيه فى الشباب هى عدم وجوج ثوابت فى حياتهم , الثوابت الى المفروض تتحط فى كل انسان من صغره وتفضل تتثبت ويتأكد عليها طول ما هو عايش
من الثوابت دى مثلا ان الواحد يحب ربنا جدا, وانه لازم يفكر فى اى حاجه ويقتنع بيها قبل ما يعملها, كمان لازم تنميه روح الجماعه وان الانسان يحب كل الناس ويموت نفسه علشان يساعدهم , كمان ازاى يكون عندك مبأدى واهداف
فى ظل الثوابت دى.
كمان حب الثقافه والاطلاع والشغل بضمير
كمان يكون لكل انسان قدوه كويسه وفيها المبادى دى
متهيألى لو كل انسان اتحطت فيه الحاجات دى هتلاقى الاغلبيه بقت كويسه ويمكن مانكونش محتاجين حرب لاننا هانكون على المستوى السياسى لينا قوتنا وعلى المستوى الاقتصادى لينا مكنا
بس السؤال ازاى هنزرع المبادى دى فى الناس ؟
متهيألى نبدأ بنفسنا ونكلم اصدفاءنا ولما كل واحد يتجوز ويخلفله تسعه عشره كده يزرع فيهم الحاجات دى ويعلمهم ازاى يكلموا اصدقائهم واولادنا لما ربنا يدينا طولت العمر كده ويخلفوا 15 عشرين واحد يعملوا نفس القصه بحيث يكون الموضوع على مر السنين بيزيد وعلى مستوى السنين البعيده شويه تكون البلد كبرت ونضفت :D
ده رأى ممكن اكون غلطان او بحلم
اسف على الاطاله
سلام
سلام عليكم
والله يارحاب الموضوع ده حيوي اوي وكتيير فكرت فيه كلما رأيت ناس من شباب اليومين دول زي مابيقولوا .
بصي هو فيه تقريبا نوعين من الشباب او اكتر
منهم ناس ما شاء الله متدينه وعلي خلق ناس جاده بتفكر بجد في اصلاح البلد يمكن ساعات بحس انهم قله بس مسيرهم يبقوا اغلبيه هما دول بجد اللي هيمثلوا الأسلام ويقدروا يحموا البلد.
النوع التاني وهما الشباب اللي كل تفكيروا في اخر الكليبات والألبومات وكل ما يخص الفن والفنانين وحاجات كتير تانيه الناس دول شغلين بالهم بالتفاهات ازاي هيقدروا يحموا البلد ويحافظوا عليها.
الشباب تعني البنات والولاد لان زي مافي ولاد في بنات برده من بتوع اليومين دول .
المهم بقي والمختصر المفيد هو ان يمكن فعلا ان الشباب متحطوش تحت موضع اختبار زي ما بعض الناس قالت
الشباب دي فعلا بتبان وقت الشده وبتبقي فعلا اسود يقدروا يحموا بلدهم ضد اي عدو حتي اللي ملوش في القتال هتلاقيه برده ليه دور بس السؤال هنا بقي
هل لازم يكون في حرب عشان الشباب الكويسين يظهروا ويثبتوا انهم يقدروا يحموا بلدهم ؟لازم نستني مصيبه تحصل
عشان نفوق؟
انا حاسه اني بدأت أخرف:(:( يمكن انا برده مجوبتش علي سؤالك ولا قولت كل اللي انا عايزه اقوله بس اعذريني ان فعلا مش قادره افكر في حاجه ناو
اسفه للإطاله
سلام
بما ان الايميدج طارت خلينا هنا بص يا جميل هو انا رايى دايما ان فى كتييييييييير من شبابنا رجالة بس ناقصهم هدف بمعنى انك لو شفتى الناس ف ال MIE
Once
انك قولتيله البلد و محتاجاك و شيل بيخرج عنده طاقه عاليه جدااااااااا انه يقرا و يزاكر و لو قولتيله ساعتها يلا نروح سينما هتلاقيه مش معاكى خالص لانك حطيتى ادامه هددف حسستيه ان لوجوده معنى مش هيبقى عنده وقت للنغمات ولا يكلمم بنات و لا يخرج و يسهر بررة اه و الاهم مش هيتقدم لمسابقه mR.EGYPT دة اكيييييييد.
عارفه كان فى صحفى محترم قبل كده لما ناقشو قضية الكورة و ان الشباب بيتزاحمو و كده بيموتو مع جون طار قال انهم مش شايفين الكورة اد ما هم اخيييييرا لقو قضيه تشغلهم
يعنى الشباب الهايف بتاع القهوة و اللى شاغله احدث موبايل و نغمات و الهبل دةمش غلطان لوحده و على فكرة بنسبه كبيرة دى سياسة بلد اشغل الناس باى حاجه عشان ميبقاش ليهم هدف يعنى الدوله ساعدت على وجود النوع دة من الشباب- مش هقول قصدت انه يبقى موجود و سعيدة بيه جدا ليكون البلوج متراقب-
خلى بالك ما شاء الله احنا جيل جااااااااااااااااااااهل جدا , مناهج غلط اسلوب تعليم غلط اسلوب تعامل غلط مش ممكن تطلع انسان صح هييجى منين .
فى كام ام انهاردة بتعلم ابنها القراءة ؟؟ عشان يبقى مثقف عشان يبقى بنى ادم عشان يبقى فاهم ف حاجهه اسمها سياسة مش لما جيه يقرا دستوور بلده كان عاوز ترجمة , لكن كل ام انهاردة بتهتم اوى اننها تعلمه انجليش , بقا فى فكر غلط لما نعلم الولد انجليش انهاردة و بكرة يسمع اغانيهم طبيييييييعى يلبس لبسهم اللى هو مش احنا , مقدرش الومه لوحده
مشكلة تانيه لو قلتيله حارب عشان البلد هيبقى ردده و البلد عملتلى ايه البلد لو ف وضع محترم هتبقى بتعمل كتير بياكل صح بيتعلم صح بيتعامل صح لكن البلد مسروقه ف مش عامله حاجه خالص ف الاخر الناس فقرا , و الناس المثقفه دايما تقول شعب مش لاقى ياكل مش ممكن يمسك سلاح و يحارب
بس من الاخر-بالرغم من كل دة- يقدر شبابنا اننهاردة يحارب ااااااااااااااااه الرسول عليه الصلاة و السلام قال ان خير جنود الارض مصريين و قال ان الخير فى امتى الى يوم الدين
فى ناس محترمة اد المسؤليه , أكيد لسه فى نخوة و رجوله حتى لو قليلة
I TRUST OUR MEN
و لو اتكلمتى عن البنات وحش تانى يا رحاب :@:@
و مش هعتزر على التطويل كده كده مواركوش حاجه
باى باى ايمدج
احم و الله انا كنت لسه بقول اننا جيل جاهل حتى حبيت اثبتلكو دة بحوار تطويل اتضح ان اسمها اطالة
Sorry :$:$:$:$
بما اني فاضيه ومش بذاكر الحمد لله هترجم بس الأول الكلام الفرانكو للعربي وربنا يعني علشان فيه ناس بتدوخ من الفرانكو يمكن تحب تقرأ الكلام ده ولو سمحتوا حاولوا عربي :(
ولو غلطت في ترجمه قولوا
Anonymous 3 said::
أنا رأيي ان الشباب مظلوم أساساً يعني في الجامعه ماحدش بيذاكر الا قبل الفاينال بس علشان الجامعات في مصر بتشغل مخ الطلبه دي بتخليه يحفظ فبيبقى عنده وقت فراغ كبييييييييير طول السنه وبعد مايتخرج مايلاقيش شغل فيقى عنده وقت فراغ تاني فمفيش قدام الشباب الا 3 حاجات التليفزيون والقهوه والنت وده طبعاً مش كل الشباب ده معظمهم
تاني حاجه ان انا مش شايف قدوه للشباب خالص
تالت حاجه ان الشباب ماتحطش في موقف يثبت فيه نفسه
ده رأيي (بعدين لو سمحتوا ماحدش ليه دعوه بتامر حسني دي أذواق)ا
__________
Mofoo4
TO 1st Anonymous and 3nd Anonymous
أنا بس عايز أرد على الأول وأقول اني عارف ان فيه نص كبايه مليان بس أنا بقول كده علشان نفسي يبقى 99% من الشباب كويس وياخدوا بالهم من اللي ليهم واللي عليهم
علشان بصراحه انا شايف لو فضلنا نقول نبص للجزء الكويس بس يبقى كده مش هنحل حاجه خلاص ، أمال ازاي هنعرف ان فيه حاجات صح وحاجات غلط وازاي هنصلح الغلط
to 3nd Anonymous:
بالنسبه للجامعه في مصر، احنا اللي بنفض ومش بنذاكر من الأول علشان كده عندنا وقت فاضي كتيير، ولو فيه وقت فاضي كتيير هنلاقي 10000 حاجه مفيده نعملها بس احنا بنكسل ندور
وبالنسبه لتامر أنا معترف ان ليه أغاني حلوه بس مش معنى كده انه يهبل في الكلام ويقول كلام مايصحش يتقال في الأغاني خصوصاً ان في شباب كتيير واخداه قدوه فعلشان كده لازم يحترم نفسه ويلم نفسه في أغانيه
->@ Ramy and Ahmed Essawy
بص يارامي انت وأحمد ممكن يكون عندكوا حق في حكاية ان الشباب ماتحطتش في
اختبار دي بس سؤال: هو الشباب اللي نايم في بيته ده واللي قاعد على القهاوي
واللي عنده احباط من انه مش بيشتغل ولا علشان غيره خد مكانه بالواسطه لما تيجي
تقوله تعالى موت نفسك علشان تحمي بلدك هيقبل؟؟ ببساطه هيقولك ليه هي كانت
قدمتلي ايه .... ممكن تحطه في اختبار بس يكون عايز النتيجه لصالحه هو بس
بالطريقه اللي هو فيها دي لو حد قاله تعالى اتجسس على بلدك وهندفعلك هيروح طبعاً
هينسى حاجه اسمها انتماء علشان أصلاً مش عنده .... الخلاصه ان كلامكوا ماشي
صح بس لما تكون النتيجه لصالحه
ياريت لو في اي اعتراض تقولوا
thnx 4 comments
->@ Howida
ماهو زي مابنقول فيه ناس بتفتخري بيهم فعلاً ان دول رجاله وفي ناس تحتقريهم جداً
أكيد الرجاله بتبان في الشده بس أقليه
والله ممكن يكون العيب من الأهالي نفسها زي مابتقولي فرحان بعربية مامي مثلاً طب
ليه مامي وبابي دول مايفهموش توتو انه المفروض يجيب العربيه دي من شغله هو بجد
الشغل والكفاح والكلام ده بيحسس الواحد بقيمة نفسه وبيحسسه انه بيخدم بلده وبالتالي
هيحس انه انسان مش بقايا انسان زي باقي الشباب يعني ايه كل لما أعوز حاجه
الأقيها قدامي ليه ماتعبش شويه علشان أوصلها على الأقل أحش بطعمها وأحس بحلاوة
النجاح اني وصلتلها
بقيت الأسباب لاتعليق لأن رأيي نفس رأيك تماماً
بس منين الشخصيه دي وازاي من جواها تكون كويسه أنا مش عارفه ماهي شخصية
البني آدم بتتكون من الحاجات اللي قلتي عليها البيئه والمستوى وكل ده
أنا بتمنى ان الرجاله فعلاً تكون في بيات شتوي زي مابتقولي بس هو احنا لازم
نستنى مصيبه تحصل ماحنا ممكن نمنعها قبل ماتحصل أصلاً
وبلاش نتكلم لا أنا ولا انتي عن البنات ده موااااااال كبيييير
thnx enek ktbty 3rby w thnx 3ala el rad
ولو في أي اعتراض أهلاً بيكي ياختي :D
->@ Christen yarab ba2a akon ktbto
sa7:@
ممكن تكون المشكله زي مانتي بتقولي بس ليه طيب الشباب بيسافروا بره يتبهدلوا
عندهم استعداد يتهانوا بره ويلموا زباله و.. و... و... لكن ماعندهمش استعداد
يعملوا كده في بلدهم ؟؟؟ يمكن علشان بره بيقدروا البهدله دي ولا يمكن علشان لما
بيتبهدل في بلده بيحس بالاهانه أكتر من انه يتبهدل من الغريب يعني احساس بالغربه
وهو في حضن أمه وده بصراحه احساس صعب أوي .... صعب كمان لما تشوف
الغريب في بلدك بيتعامل أحسن منك
بلاش اتكلم عن دول علشان بصراحه مش بحبهم لنفس السبب
هو كلامك مافتكرش انه يضايق حد نقطة الخلاف بس هو السؤال العيب فيييييين
؟؟؟؟؟
لو عندك اعتراض برضه قوليه
thnx bgd kteeer w 3ala enek rdety 3rby
->@ Anonymous 1
وعليكم السلام ورحمة الله وبركاته
جزء كبير من كلامك رد عليه محمد وأنا يمكن موافقاه لو فضلنا باصين للجزء
الملايان أنا بصراحه بعتبر ده سلبيه وكده ممكن الملايان ده كمان يفضى مدام مش
واخدين بالنا منه
بس أنا شابفه أن الاغلبيه بيدور على التفاهه والسهل بس يعني الفاضي أكتر من
المليان
احنا مش مركزيين علشان احنا عايزين نقول ان الشباب التافه أكتر احنا بس مش
لاقيين حاجه بتتغير للأحسن المشكله ان بقى تأثير الجزء الفاضي أقوى من تأثير الجزء
المليان للأسف ده اللي أنا شايفاه
وزي ما محمد قال علشان نعرف الصح فين بنبص على الغلط علشان نحاول نصلحه
وبضدها تتضح الأشياء
شكراً كتييير على الرد ولو فيه أي توضيح أو اعتراض ياريت توضحه
->@ Anonymous 2
أنا معاك جداً ان كل واحد لازم يبداْ بنفسه ويحاول يغير حاجه
بس أفتكر اننا بنتكلم هنا علشان نلفت نفسنا على الأقل
يعني الأراء المختلفه بنطلع منها بحاجه مفيده يمكن حد فينا عنده نقص في حاجه معينه
أو سوء فهم بنحاول نصلح حاجه
شكراً كتييير على الرد:)
->@ Emad
يعني نقدر نقول الثوابت دي سوء تربيه مثلاً:-؟
بصراحه كلامك عاجبني جداً والتعليم في الصغر كالنقش على الحجر لو الأطفال متربين
على قيم معينه هيكبروا بيها وهتكون مبادئ ليهم مش هتتهز وطبع فيهم مش هيتغير
والمشكله برضه في القدوه اللي بتقول عليها
وانا متهيألي ان معنى وجود قدوه حسنه يعني فيه مبادئ والثوابت الكويسه اللي قلتها
دي لأن طبيعي لو قدوه حسنه ومافيهاش كده تبقى مش قدوه
وحكاية نبدأ بنفسنا الأول دي يارييييييييت علشان على مدار الكام سنه اللي جايين دوول
نعمل حاجه مفيد ان شاء الله
لو في اعتراض قوله
شكراً على الرد ولا يهمك من الاطاله
->@ Wafaa
وعليكم السلام ورحمة الله وبركاته
منهم ناس ما شاء الله متدينه وعلي خلق ناس جاده بتفكر بجد في اصلاح البلد يمكن ساعات بحس انهم قله بس مسيرهم يبقوا اغلبيه هما دول بجد اللي هيمثلوا الأسلام ويقدروا يحموا البلد.
النوع التاني وهما الشباب اللي كل تفكيروا في اخر الكليبات والألبومات وكل ما يخص الفن والفنانين وحاجات كتير تانيه الناس دول شغلين بالهم بالتفاهات ازاي هيقدروا يحموا البلد ويحافظوا عليها.
الشباب تعني البنات والولاد لان زي مافي ولاد في بنات برده من بتوع اليومين دول .
متفقي جداً بس مين بقى اللي هيبانوا وقت الشده في دول ويبقوا أسود زي مابتقولي أكيد النوع الأول اللي للأسف الفظييع ممكن يكونوا أقليه
وممكن التانيين برضه بس مافتكرش يعني
السؤال هنا بقي
هل لازم يكون في حرب عشان الشباب الكويسين يظهروا ويثبتوا انهم يقدروا يحموا بلدهم ؟لازم نستني مصيبه تحصل
عشان نفوق؟
انتي كده مابدأتيش تخرفي خالص بالعكس خالص
احنا فعلاً مش عايزين نستنى لما نتحط في محنه على الاقل نعمل اي حاجه ايجابيه نرضي حتى ضميرنا
شكراً على الرد ولو عايزه تضيفي أي حاجه انتي عارفه البيت بيتك ;)
سلام
->@ Engy
بلا شك الايمدج ضايعه ضايعه ربنا يستر
بصي يابنتي اللي انتي بتتكلمي عنهم دول لقوا فعلاً وسيله تحقق لهم هدف ولو الفايده رجعت للبلد يبقى مافيش مشكله لانهم كده كده أصلاً البلد هي اللي اديتلهم الفرصه ولو رجعت ليهم يبقى خير وبركه
أنا فاكره فعلاً الصحفي ده لما قال ان الشباب لما لقوا قضيه تشغلهم كلهم اتشغلوا بالقضيه دي
بس المشكله ان في قضايا ممكن تكون تافهه والشباب يتشغل بيها
وكلامك عن أساليب التعليم والكلام ده أنا موافقه 100% ومعاكي جداً ومعاكي في موضوع التقليد كمان اللي أساساه ممكن يكون الثوابت اللي عماد قال عليها ويوكن العيب من الأهل زي مارديت على هويدا
بس من الاخر-بالرغم من كل دة- يقدر شبابنا اننهاردة يحارب ااااااااااااااااه الرسول عليه الصلاة و السلام قال ان خير جنود الارض مصريين و قال ان الخير فى امتى الى يوم الدين
no comment
ورأيك برضه بالثقه اللي انتي فيها دي انا واثقه بس 50% مش 100% زيك:D
وانا اصلاً مش عايزه اتكلم عن البنات علشان مش بطيقهم :P
نوعيه معينه طبعاً :$
وماتعتذريش عن الإطاله :D:D
ولايهمك ولو في اي اضافه البيت بيتك سلام
يظهر اني جيت متأخر شوية..
بس بجد الموضوع دة كبير جدا..وكويس انوه اتفتح..أنا شايف الناس بتتكلم في نوع الشباب ..والسفر برة
وأنا هقول رأي وكالعادة..رايي مبيعجبش حد في النقطة دية..بس لازم أقولوة
بالنسبة لنوعية الشباب..متهيألي مينفعش نصنفهم لصنفين بس الكويس والوحش..لأن في في الدرجتين دول درجات كتيرة قويي..ولكن ممكن نقسمها بطريقة تانية..عارف حقوقوة وواجباتوة ولا لأ..وبينفذ الي علية ولا لأ..يعني المهندس لما يشد في الهندسة ومثلا يفيد بلدوة بمعمار كويس..أحسن ما يروح الحرب وهو مش فاهم حاجة في القتال ويأذي الناس الي معاه..مثال ان المدفعية بيوقف عليها ثمانية افراد مدربين..لو واحد غلط ممكن الباقيين يموتوا..وبعدين التربيةهيا الي بتخرج يا شاب كويس أو وحش..
بالنسبة لموضوع السفر..الموضوع لم يصبح موضوع ولاء..الموضوع انك مش بتاخد حقك واحترامك..فبتروح تخدوة برة..أنا كنت عايش برة وشايف المعاملة الكويسة ازاي..الموضوع صعب قوي..ويتعب نفسيا بس الظروف..
وكفاية كدة..بس أنا شايف ان البلد لسة فيها خير وشباب مصر رجاله قوي..
->@ Ahmed Mubarak
ولا جيت متأخر ولاحاجه الموضوع كده كده مفتوح :)
على فكره بالعكس خالص رأيك عجبني جداً هما فعلياً مش نوعين بس زي مانت بيتقول جزء عارف حقوقه وواجباته اللي ليه
واللي عليه وجزء لأ
وكلامك مظبوط جداً ان المفروض كل واحد ينجح في المجال اللي هو فيه بس أنا ماكنش قصدي حرب بمعناها اللفظي مش كل الحروب أسلحه وضرب بس المشكله في الحروب التانيه اللي ماحدش واخد باله منها واللي الشباب مستسلم فعلاً ليها
....
أما بالنسبه لموضوع السفر أنا معاك تــمــامــاً الناس بتهرب بره علشان حتى لو فيه اهانه بياخدوا حق الاهانه دي وطبعاً انت أدرى بفرق المعامله
....
ماهي البلد لسه فيها خير الحمد لله وشبابها رجاله الحمد لله بس برضه فيه وفيه والسلبيات الكتيير ممكن تقتل الايجابيات يعني لو الشباب اللي بتقول عليهم دول مروا بكام تجربه فاشله بسبب بعض السلبيات الموجوده في الوااقع اللي هما عايشين فيه ممكن يبقوا زي الشباب التانيين يتحولوا بقايا انسان
شكراً كتييير على ردك اللي انا متفقه معاه مش مختلفه ولا حاجه :)
ولو في اي توضيح البيت بيتك أكيد :)
الاول هبدأ كلامي مش رد علي الموضوع بس هبدأ بكام مثال كده بس متخافيش يا رحاب هينفدونا علي الموضوع و معلش حاولي تفهمي العربي بتاعي :d:d
لو واحد أعمي طول عمره أعمي و فتح مره واحده أكيد في الاول هيبأه محتار و تايه في وسط الناس ده الطبيعي طبعا
و لو واحد سافر بلد و هو مبيعرفش اللغه بتاعتها أكيد هيبأه تايه في الاول جيدا لحد ما هو هيتعلم أيوه في الاول هيتعب و هيبأه مش فاهم حاجه بس هيوصل و في نفس الوئت فيه اللي مبيوصلش و بيضيع
ده نفس الموضوع أحنا أتفتحنا علي العالم اللي باراه مره واحده يعني أفتكري كده من 10 سنين لما كنا في أبتدائي و أعدادي مكنش فيه كل اللي موجود دلؤتي دش و نت ببلاش تئريبا و موبايلاات و حاجااات كتيير ظهرت مره واحده و بسرعه أوييييييييييييييييييييييييييييييييي المشكله بأه أن الشباب مكنش متمهدلوا لكده هو فجأه لئا الحاجات دي كلها أوداموا شاف ناس تانيه و ثقافات تانيه مختلفه عنه خالص في كل حاجه العادات التفكير و الدين و كله
في شباب متأثرش و خد الكويس و فيه اللي بس أتلخبط شوياه بس سدئيني عند الجد هتلائيه جدع و بيعمل أللي عليه و أكتر
->@ Aya
والله يا أيه ردك برضه منطقي احتمال يكون ده مأثر برضه بس لما لما يكون الشباب متأثر بحاجه زي دي يبقى ماشاء الله أي حد هيغريه بأي حاجه هيروحله على طوول مفهوم طبعاً لأنه هيتأثر بالمغريات دي زي ماهو متأثر كده بالحاجات اللي بتقولي عليها ..... أنا قصدي من الأخر كده التأثير عليه قوي وسيطرته على نفسه ضعيفه ولو استمر كده هتفضل المشكله قائمه وبرضه مش كل الشباب
شكراً كتيييييير على رضك :)
:D:D:D:D:D:D:D:D
ردك بالدال يا رحاب هههههههه
دى افظع بكتير من تطويل
:P:P:PP::P:P:P
->@ Engy
:$:$:$:$:$
انتي عارفه انا كنت برد الساعه كام وكان شكلي عامل ازاي اصلاً
راعي انه كان بعد الايميدج :@:@:@:@
(TENEK)
وبعدين أنا ماتريقتش على تطويل وانا مالي :$:$:$:$
Post a Comment
قول رأيك