C.V.

ده ميل وصلني فيه السيره الذاتيه بالعربي والانجليزي علشان لو حد حب يكتب السيره الذاتيه بتاعته أكيييد هيحتاج الفورمات ده بس لازم يبقى معاك قاموس أطلس الالكتروني ....... ممكن مايكونش معاك!!!! ساعتها ابقى استخدم translate.google

Note: Click 3ala el sora 3lshan tzhar full screen
or download from --> Image

Tag

السلام عليكم
بما اني بقالي فتره مش لاقيه حاجه أكتبها -أو بمعني أصح كتبت حاجات ومش راديه أعملها بابلش- وبما اني لو كتبت حاجه تانيه هزعل مني ناس كتيير.. وبما ان التاج حق لكل مدون وبما ان الاسئله دي عجباني يعني -اللي في بلوج أحمد عيسوي- قررت أجاوب عليها رغم ان ماحدش عملي تاج :$ بس هي رخامه بس المهم
ندخل في الأسئله

1-اسم مدونتك؟

My Voice

2- لماذا اخترته ..وماهي نيتك من وراء اختياره؟

بصراحه علشان صوتي واطي :$ ومحدش بيسمعني والكتابه عندي أحسن من الكلام وكتيير يعرف عني الموضوع ده

3- هل فكرت في إغلاق مدونتك؟ والسبب؟

لا طبعاً ... لأن ده أكتر مكان برتاح فيه رغم ان ساعات مش بكتب حاجه وساعات بكتب حاجات ممكن تكون تافهه بالنسبه لوجهة نظر ناس كتيير لكن اصحابي بس هما اللي بيفهموا اني مش قصدي تفاهه

4- صورتك في المدونة ورمزيتها ؟؟

ماحبتش أحط صوره ....

5- لماذا دخلت عالم التدوين من الاساس؟

زي ماقلت الكتابه عندي أحسن من الكلام بكتيير ولأني أصلاً بحب حكاية التدوين دي من زمان أويي

6- جمله قيلت لك فى وصف مدونتك؟

في ناس قالولي البلوج بتاعك حلو أويي وبنحب ندخله وفي مواضيع كويسه أوي ... مش عارفه ده بجد ولا ايه :
D

7- التعليقات بالنسبه لك ,اهميتها؟

في حاجات بكتبها ببقى نفسي الناس تعلق عليها يعني اختلاف الرأي بيخليني أفكر أكتر وأخد بالي من حاجات ماكنتش واخده بالي منها

ا8- احلى بوست كتبته ...ضع اللينك , ثم اذكر لماذا؟

ليه ماتسبش الناس في حالها
علشان كان بوست موجهة والهدف وصل + ان كان في آراء كتيير أويي احترمتها وفهمت الناس بتفكر ازاي

أشوفكم على خير يا أحسن ناس عرفتها :)
السبب واضح في البوست والتعليقات

FCI tag

لنفس السبب اللي فات

شوية كلام مع الشكر والاعتذار

علشان قلت فيه كل اللي ف نفسي وفيه اللي خد باله واللي ماخدش باله

شباب اليومين دوول

علشان برضه التعليقات اللي جت بس ده ماكنش فكرتي أصلاً بصراحه

10- أفضل مدونة قرأتها؟

من اللي بقرأهم
Ahmed Essawy
بيكتب في كل حاجه وباسلوب كويس جداً وأول مابدأت أقرأها كان كاتب فوق ال 20 موضوع قريتهم كلهم ودي المدونه اللي شجعتني اني أعمل مدونه خاصه بي
HOssam Sadik
موضوعاته جاده وبتعجبني أوي

WafaaShaban
بحب مواضيعها واسلوبها أويي وبرضه قريت كل المدونه
Ahmed Mubarak
في موضوعات كتيير بتعجبني أويي وبتفكرني بحاجات غريبه
Khaled Adel
برضه قريتها كلها وفيها حاجات عجبتني أوييييي
Ahmed Said
دي بقى مش هقول سبب اللي هيدخل هو اللي هيحكم

11- حد قل أدبه فى التعليق إيه رد فعلك؟

برد عليه بطريقة التهزيق بمنتهى الذوق بس لو حاجه ماينفعش يترد عليها بمسحها بس ده أخر احتمال لأني بكره أمسح تعليق مش علشان الكم والله بس مش بحب الأسلوب ده

12- أسوأ بوست أسوأ مدون؟

مش بقلب كتيير يعني ماشوفتش كتيير سيء

13- هيحصل ايه لإيميلك لما تموت ؟؟

في واحد سألني السؤال ده بس ماعرفتش أجاوب :( قلتله تقريباً هكتب وصيتي في البلوج بس الله أعلم هموت امتي :D

14- اديت الباسوورد لحد قبل كده؟
بتاع البلوج لأ ...

ا15- اسمك؟

Rehab MK :P

16- المشهور بيه وسط اصحابك؟

Rory, Ra7oba,may be RwRw :D w rorty (koky hea ely bt2oly kda) w w7da sa7bty bt2oly Rere
w ma7desh be2oly tenek 5aleeeeeeeeeeees 3ala fkra :$
معدل--- نسيت 3 أسماء مهميين :$
Roby (by mega w Dina), Re3o :@ (by Samir) Re3ab :@(by 3mr w Hany) Nefesa (by 3mad :S:S:S:S :D)l

17- شخصيتك نوعها إيه؟
الله أعلم !!!!

18- السفر بالنسبة لك؟

متعه جــــداً بس بتعب أثناء الرجوع بس

19- وقت فراغك بتعمل فيه إيه؟

على حسب أنا عايزه أعمل ايه ....

20- المود بتاعك؟

متغير جـــــداً..... عصبيه جداً ....رايقه بس مش جداً
مطمنه وقلقانه .... متفائله ومتشائمه
كل حاجتيين ضد بعض موجودين

21- الاكلة المفضلة؟

الأكلتين المصريتين الملوخيه والبميه بسسسس + كل النواشف (كل الصواني) + كل المشويات ... أكيد في استثناءات

22- صفات اللي أخدتها من بابا؟

العصبيه وشوية قلق (الحمد لله مش كله) ، الحنيه والطيبه

23- الصفات التي أخدتها من ماما ؟

الذكاء، الطيبه ، التضحيه للأسف، العدل ، الضمير في الشغل، النظافه ، التفكيير المستمر، اني أسمع أكتر ما أتكلم، اني بحب أتعب نفسي جداً وارهقها :$، الحظ القليل مع الناس ..... وكل حاجه كويسه في شخصيتي تقريباً

24- اكتر ست حاجات بكرهها؟
هما مش 6 بس :$

الكدب بكرهه جــــــــــــداً ، النفاق،الحقد، الغيره، الخيانه والغدر، الغباء، الظلم والقهر على أي حد، اللي يفضل يتكلم كلام فاضي وهو مش فاهم حاجه أصلاً وحاجات مش فاكراها

25- اكتر ست حاجات بحبها؟

الصراحه، الصدق، الصداقه اللي بجد مش كلام فاضي وكل حاجه عكس كل اللي فوق

26- الشغل بالنسبة لك؟

متعه لو حباه

27- الانترنت بالنسبه لك؟
عالم تاني واسع أويييي فيه كل حاجه عايزاها وكل الناس اللي بحبها

بالنسبه لتمرير التاج بما اني واخداه أصلاً رخامه من غير تمريير مش هقدر أمرره لحد :$

back

أنا مش عايزه أكتب أو ماليش نفس أقول حاجه معينه بس كنت عايزه أقول كلمتين علشان بس الناس ماتقولش اني قفلت البلوج بالعكس أنا بحب البلوج جداً ومش هقفله إلى ماشاء الله ان شاء الله
بس عادي يعني شهر 8 ده حصلت فيه حاجات عجيبه وكمان ماكنش ليه نفس اكتب حاجه
المهم اني الحمد لله لسه عايشه ياجماعه أهو :) مافيش أي حاجه
الكلمتين بقى اللي هقولهم ايه مممممممممم
في حاجه لاحظتها وفكرت فيها كتيير ولو حد فكر شويه هيلاقيها صح
ممكن تعرف حد وتكون عايز تكسبه أويي ولما تكسبه تفتكر انك انت اللي كسبان كده بس الحد ده خسرك ناس كتييير وخسرك نفسك كمان أحياناً وحاجات حلوه فيك
وممكن تعرف حد تاني تكسبه وتكسب نفسك وتكسب حب ناس كتيييير ولو خسرته هتكون انت الخسران بجد
ماحدش فاهم حاجه طبعاً :D
في مثل قديم (كالعاده بلغبط في الامثال ومش بعرف أجمع المثل) المهم بيقول تقريباً
تعرف ست تخسر 100 راجل ولو عرفت راجل تكسب 100 راجل
هو حاجه كده يعني
أهو الكلام اللي أقصده هو ده بالظبط وأنا مع المثل ده جداً
على فكره الكلام ده كله مواقف صداقه مش عايزين الذكاء الفطري ده :D
يعني ممكن تصادق صديق يطلعك فوق ويطلع معاك وينصحك ويوجهك للصح وممكن صديق -- يدعي طبعاً انه صديق أو لأنك عبيط فاكره انه صديق-- ينزلك ويدوس عليك علشان يطلع فوقك ويفضل يقولك كلام يحبطك و ...و....و....ا

بس ده اللي عايزه أقوله
أه على فكره في فرق فظييييييع بين كلمة صاحب أو صاحبه و زميل أو زميله وبين صديق أو صديقه ياريت قبل ما الواحد يقول انه صديق حد يبقى يدرس الكلمه دي أولاً وبعدين يفكر هل هو صديق بجد ولا ماينفعش يكون صديق لأي حد!!!!!!!ا
وشكراً كتيييييييييييييييييير للناس اللي كانت بتسأل عليه سواء ايميلات ولا فيس بوك ولا مكالمات لما كنت مش متواجده ربنا يخليني ليكم :D (tenek):D